جفاف البشره :'( !

[mona mhmad]

__


السلام عليكم بنات منتدى كويتيات

حبيباتي أنا عندي مشكله صغيره :'(
قبل فتره كنت استخدم صابونه لوجهي حق الحبوب جدا ممتازه وصفت لي بشرتي كنت استخدم وراها مرطب طبي + كبسوله فيتامين e

بعد ما صفى وجهي من الحبوب استخدمت صابونه الببايا 3 في 1 وكملت الترطيب

اللي حصل
خلص الفيتامين قبل كم يوم وانشغلت مارحت جبت لي ثاني لكن كملت ططبعا ع الصابونه والمرطب بس من يومين تقريبا لاحظت فيه شويه جفاف بوجهي وأوقات يطلع لي قشور خفيفه تضايقت منها ومؤ عارفه ؤش سبب هالجفاف
من الببايا تتوقعون ؟ أحد جربها قبل وصار له كذا
أو من الفيتامين عشآن ماكملت عليه مع أني ما أتوقع

مع العلم أني استخدم صنفره لوجهي كل يومين مره بالمشمش ومره طبيعي واستخدم ماسكات بالزبادي واحط ماي ورد
بشرتي قبل كانت رطبه حيل وحلوه بس مدري ؤش فيها هاليومين :'(


الله يجزاكم خير اللي مرت بنفس هالمشكله تنورني
وأبي رأيكم بأفضل طريقه لترطيب البشره الله يعطيكم العافيه يأرب

 

[ريتال العسل]

حبيبتي راجعي طبيب جلدية أو اخصائية بشره
​

 

[نوف الصقعبي]

من البابايا

ترى وايد حاره عالويه خليها للجسم بس​

 

[نوف الصقعبي]

للويه استخدمى شغلات طبيه ترى حيل حساس مو مثل جلد الجسم يتحمل ​

 

[نوف الصقعبي]

استخدمى غسول دارماغور طبي من الصيدليه سعره 7 دنانير راح يطخخ لج التهييج والحرقه واهو يسوى تعادل وموازنه بدهون البشره ومخصص للبثور وحب الشباب

غسلي بماى بارد او فاتر بس مو حار
حطى كميه وفيره من الجل وخليه يرغي على البشره بطريقه لطيفه مو بعنف لمدة 3 دقايق
بعدها غسلي هم بلطف ونشفي البشره بطريقة الطبطبه يعني يدوب تنشفينه باليوم 3مرات

وراح ترتاحين وايد من هالغسول الطبي

لاتغسلين ويهج بصابون موزين​

 

[mona mhmad]

__


ريتال شكرا ع المرور حبوبه


نوف
يالله معقوله من الببايا وانا على بالي أنها حلوه للبشره :'(
مشكوووووره حبيبتي ربي يجزاك ألف خير أوكي بجرب اللي قلتيه
وخلاص بوقف ألبابايا

 

[M!SS.LOBY]

اخذي كريمات من الصيدلية للترطيب بشرتج الجافة

 

[ام عبد العزيز م]

عندي مرطب من الاركان روعه اول استعمال راح تشوفين الفرق