جفااااف

[غلاي امي وزوجي]

السلام عليكم ورحمة الله وبركاته

بنات انا ولدي عمره شهرين 12 ويوم بالضبط الاحظ وجه دااااايما جاف ما ادري ليش؟؟؟

انا احط له كريم جونسون الوردي عرفتوه؟؟

بس لما الحين جااااااف

وطلعه نفس الحبوب الحمر بخده اليسااااااار ما ادري اذا اكزيما والا لا؟؟

يا ليت الي عنده اي معلومه ....تفيدني

وجزاكم الله خير

 

[غيمه ظميانه]

رد : جفااااف

اذا يبجي ويحرك ايده على خده يعني حساسيه واكزيما

وديه بوحمرا حيل شاطر بالجلديه وهالسوالف

وماكو الا كل خير

 

[lovely-girl]

اهلين غلاي


حبيبتي عادي تحسس بشره الياهل

لاتنسين ان طفل وبشرتة حساسه حيل,,,بس لا تحاتين استمري عالمرطب

استخدمي بيبانثين او فازلين مال الاطفال

وانشالله مافيه الا العافية....

 

[غلاي امي وزوجي]

تسلمون ما قصرتوا على الردود

 

[دانة بعين بحاري]

مايشوف شر لا تحاتين مافيه الا العافيه عادي بهالعمر تكون بشره الياهل جافه انصحج بكريم سيباميد مخصوص حق الوجه جربيه بيفيده ان شالله

 

[دانة بعين بحاري]

وعلا فكره جونسون ابعدي عنه لان مو زين فيه عطور وممكن ولدج بشرته حساسه

 

[@ دهن العود @]

نفس عيالى

جربت الفازلين ولا فاد

 

[أميرة طفولتي]

رد : جفااااف

وعليا على هاليهال
مساكين كل شي حاشهم
انا ولدي بعد جذي ويهه نااااااااااااااااااشف حطبه على كثر ما ارطب ولا اكو فايده خصوصا جبهته وحواجبه مسكين بالضبط بالضبط
جني اجيس القار ونفسج استعمله كريم جونسون الوردي ومره حطيتله فازلين وايد حار حبب ويهه ماتحمل
بجرب سيباميد انشالله ينفع

 

[سارووونه22]

بنات حطو نشا وماي ورد اخلطوهم وحطو شوي على وجوه بيبياتكم يرطب البشرتهم وينعمها

 

[dnyay_mll]

رد : جفااااف

حطي بيبي اويل بالبابونج

يومين وبيروح ان شاءالله

 

[*ريما*]

رد : جفااااف

نفس ولدي
وحطيت علية فازين وراح
بس من ماحط يوم يرجع
الله يعين

 

[*ريما*]

رد : جفااااف

نفس ولدي
وحطيت علية فازين وراح
بس من ماحط يوم يرجع
الله يعين

 

[غلاي امي وزوجي]

خلاص بجرب اول شي سيباميد وان شاء الله ينفع

 

[noha33]

اشتري من الصيدلية لوشن خاص للبشرة الحساسة وصفلي الطبيب حق ولدي اسمه (((سيتافيل)))

 

[غلاي امي وزوجي]

اول شي بجرب سيباميد

بعدين ببدا بالخلطات الثانيه

 

[om al ghaleen]

ياعمري عاد توه حطيت حق ولدي واااي جسمه كله جفاف وبدايه اكزيما
استخدمي كريم سيمابيد وايد ممتاز استخدم المجموعه كامله والحمدالله منه فايده "

وهالجفاف كله من الجو البارد دفيه عدل
وهذي صوره الكريم

 

[om al ghaleen]

بنات لاتحطون فازلين ينشف اكثر والله عن تجربه
في رش جونسون على زيت هذا احسن من الفازلين ..

 

[Coffee-Girl]

انا حق جسم بنتي مجموعة سيباميد

اما الوجه نفع معاها المرطب الابيض الي وصفتلي الدكتوره الجلديه الي بالحكومه وايد ممتاز

اهو بقوطي ابيض تقدرين اتحصلينه بالمستوصف اينن هالمرطب

 

[remaas]

حبيبتي كريم جونسون الوردي يسبب الحساسية احس كل منتجات جونسون تسبب الحساسية ماتطيح على كل ياهل تركيهم وراح تحسين بالفرق

كريم سيباميد ينن ومنتجات بيجون بعد زينه

 

[ملح الدنيا فيني]

حطى فازلين الاصلي

هذي صورته