جـهاز Nokia N95 يسـتأثر بـجائزة TIPA 2007 رفيعـة الـمستوى

[^^دموع الكويت^^]

السلام عليكم ورحمة الله وبركاته

افضل برنامج تصوير من نوكيا الى الان


ويتضمن جهاز Nokia N95 العديد من المزايا الرائعة، منها:

• كاميرا بقوة 5 ميغابيكسل مع عدسات Carl Zeiss
• إمكانية التقاط صور عالية الجودة وتسجيل مقاطع فيديو بجودة الفيديو الرقمي
• مفهوم فريد للانزلاق من جهتين، مع أزرار مخصّصة للوسائط
• دعم بطاقات الذاكرة المتوافقة microSD بسعة تصل إلى 2 غيغابايت
• خيارات الاتصال اللاسلكي بالشبكة المحلية، وتقنية HSDPA بسرعات تحميل فائقة

• وحدة GPS المدمجة، وخيارات النفاذ إلى الخرائط لأكثر من 100 دولة




للمزيد من المعلومات
يرجى زيارة الموقع:
http://www.nseries.com/n95


منو عندها هالجهاز ؟؟

 

[New Mum]

تسلمين حبيبتي

 

[أم رشوودي]

شكرا أخت دموع - وهذا الجهاز عند أختي00

 

[^^دموع الكويت^^]

New Mum

حياج الله


أم رشوودي


ممكن تعطيني تفاصيل اكثر بجم خذته ؟؟ ومن وين؟؟ واشلون استخدامه ؟
حياج الله

 

[Mi$$ Parby]

سعره الحين 205 كان اول ب300 وشي

 

[جروح تبتسم]

التلفون عندي بس توه يديد ........ لايطوفكم ينن

دموعه اتعلم عليه واقولج كل شي عنه

 

[((MiSS CuTe))]

انا عنديييييييي

 

[^^دموع الكويت^^]

Mi$$ Parby

هلا وغلا اختي .. حياج الله .


جروح تبتسم

مبروك عليج التلفون .. بجم ؟ ومن وين خذيته ؟؟ واذا تقدرين تحطيلي صورة من تصوير التلفون ابي اشوف وضوح الصورة :eh_s(22):


مريم الكويت


مبروك عليج التلفون .. بجم ؟ ومن وين خذيته ؟؟ واذا تقدرين تحطيلي صورة من تصوير التلفون ابي اشوف وضوح الصورة :eh_s(22):


&&حياكم الله &&

 

[Raveena]

عندي هالتلفون ... ريلي شراه اول ما نزل كان سعره غاالي تقريبا بحدود الـ350 دينار

و احسن شي فيه الــGPS

 

[جروح تبتسم]

ان شاءالله ياقلبي خليه يشحن لي بالليل وبحط لج صور واضبطه على الوصل ياقلبي

وبالنسبه للسعر اخذته ب190 من رفيج زوجي عنده محل

بس يقول انه المنيوم موحديد بسرعه ينكسر وهذا اللي نزل سعره بسرعه

 

[^^دموع الكويت^^]

عندي هالتلفون ... ريلي شراه اول ما نزل كان سعره غاالي تقريبا بحدود الـ350 دينار

و احسن شي فيه الــGPS

مبروووك عليج الجهاز

جرببتي تشبكين فيه ؟؟ واشلون الشبك فيه سريع وفيه ماسنجر؟؟ والتصوير واضح ؟؟ سوري على كثرت الاسئلة:eh_s(22):

 

[جروح تبتسم]

المحل بالسالميه نسيت اسمه زوجي شاريه اذا انتي جاده تبينه اعطيج العنوان والرقم على الخاص

 

[بتبوتااا]

توني شاريته حق ريلي هديه خذيته ب 209 من الغانم

 

[شذى المودة]

ينزل سعره اشوي

واروح اشتريه

 

[CuTiE PiE]

انا عندى الجهاز ومن جد عجيب

 

[^^دموع الكويت^^]

جروح تبتسم
بتبوتااا
شذى المودة
مالقيت اسم

مشكووووورين ... حياكم الله​

 

[جروح تبتسم]

هلا دموع سوري ع التأخير امبيييي نسيت الموضوع لوووول

الحين بحط الصور

 

[جروح تبتسم]

هذي صوره التلفون ماشاءالله احسن مافيه
خفيييييييف
وشاشته رااااااااهيه ^_^

وعيبه ان الكاميرا تتبطل من ورى بس شوفي

سوري الصوره موواضحه من تلفوني الثاني @@


وهذا مفتوح من تحت .

وينزلق لي فوق بس مادري لي الحين ماتعبثت فيه

وفي عيب ثاني انه الزر يمين - يسار صغار شويه وصاير مكانه فوق زر القائمه وكل ساعه وموضاغطه الزر الغلط !!!!!!!


المهم صورت جم صوره بالضلمه مع الفلاش وحاولت انزلهم على الكبيوتر بس مايصير فدزيته على تلفوني الثاني ونزلتهم عبااااله

هذي صوره من تصوير التلفون ( بالليل + فلاش )

وان شاء الله ااااول انزل لج صور ثانيه بس مادري ليش موراضيه تنزل الصور من اجهاز دايركت ع الكمبيوتر !!

 

[جروح تبتسم]

باك ..

هذي صوره بدون فلاش

[/IMG]


نفس الصوره مع الفلاش

طبعا انا مصوره اي شي

 

[island]

انا توني خذته بس خذت اللون الساند وسعره عندنا وصل 2400 درهم بس انشالله يكون قد المدح لانه طايحين في المنتديات عندنا مدح فيه