جـــمـــالــيـــات ادب

[shine girl]

السلام عليكم ورحمة الله وبركاته

شلونكم بنات ؟

ماعليكم امر حبيت اسالكم عن الماده سهله ولا صعبه للاني مستجده وجدي ضايعه مو عارفة شي :eh_s(16):

اهيا الزاميه باللاداب وانا مستواي بالعربي مو هذاك الزود ><!

وابي احول ان شاء الله بأذن الله تعالى

فبسألكم الماده بلاغه يعني نفس الثانويه مانوع الشبه

تشبيه بليغ !

هالسوالف

ولا قصائد واساله عنها :eh_s(10):


ومنوو احسن الدكاتره اللي نضمن فيها الـ A مشكورين

:eh_s(17):

 

[أمل بعد ألم]

حبيبتي إذا انتي بتحولين تأكدي أنها موجودة هذي المادة بالكلية إلي بتحولين لها يعني إذا انتي بتحولين كلية العلوم الاجتماعية
موجودة فيها ....علشان ما تروح عليج
الدكتور إلي يمدحونه مرسل العجمي يمدحونه حيييييييييل. اختي مأخذة عندة و جابت قريد زين
أما عن المادة أنا ما أخذتها علشان أقولج بس إلي أعرفة انهم يحفظون قصائد ......... بس يقولون
أنها سهلة ....

 

[shine girl]

اها
مشكووره حياتي ماقصرتي
اي حيل سمعت عن مرسل العجمي بس مو منزل هالكورس
ان شاء الله ابي كلية التربية
اهيا ماده الزامية للتحويل


بانتضاركم

 

[^عسل^]

الماده واايد حلوه وسهله عند الدكتور مشاري الموسى وال a تضمنينها اذا درستي
والماده مايبيلها شي عنده ونظامه وايد حلو وسهل وماعنده حفظ قصايد كللش انصحج فيه

 

[الحورية الصغيرة]

مشار الموسى ممتاز


نظام الدكتور واااااايد سهل


و a عنده سهالات

10 درجات تحضير يومي
10 home-work
15 مدتيرم 1 و 2
50 فاينل
و تعامله معانى وااايد رقى صج ودي أخذ عنده الماده مره ثانية

و عندج بعد مرسل العجمي يمدحونه و هيفاء السنعوسي ما تعطي حفظ بس بدل هذا تمثلين انتي و قروب مشهد من مسرحيه أو مشهد أدبي

 

[Zozαĺiиaђ]

اهيه قصايد و اسآله عنهم

لا تاخذينها عند دكتور ايمن العشماوي
صعبه الماده عنده و يخليج تحفظييييييييين واااايد فوق ال60 بيت

 

[أنفآس الرحيل ~]

الماده إلزاميه لآزم تآخذينها أتوقع سواء حولتي والا لآ
ويمدحون مشاري الموسى وااااايد
و ع حسب ماسمعت انها الماده وايد غثيثه كلها قصايد وجذي
بس اخذيها عند دكتور زين وراح يبسطها وسهالات انشالله

 

[ذهـبـيـة ~]

أحسن دكتورين لهالمادة مرسل العجمي و مشاري الموسى

انا خذيتها عند مشاري الكورس اللي طاف

الحورية الصغيرة ما قصرت قالت لج عن نظامه وطريقته

المادة معاه حلووة وممتعة ، الدكاترة الثانييين يخلونج تحفظين قصايد

سجلي عنده :eh_s(22):

 

[قـمـر..دنـيـاي]

آنشالله يكونون البنات فادووج

 

[KelyAmanii]

المادة غثيييثة شّوي ..
عندج مشاري الموسى + مرسل رووعه
وعندج صباح السّويفان والله ما تحسين بصعوبه الماده عنده
أصلا يمر الكورس بسرعه عنده وتحسين برااحه مافي ضغوطات ..
انا خذيت عنده وطلعت بـ a هالكورس
وكلنآ كنآ a وقليل b
نظآمه يعطي قصيده حفظ عليها 12 درجه ، وبالنهايه ما سّمعوهآ الكل وعطآهم درجآت
امتحآنه ميدتيرم واحد ، قصيدتين بس تكتبين تحليل عنهم بيت بيت تشرحينه أو مقطع مقطع
وكل الشرح والتحليل يكون بالنت بس تحفظينه أو تفهمينه وتشرحينه
نفس الشي الفاينل شرح القصايد يكونون 3 قصايد وبس سهالات معاه

 

[vanillaq8]

اخذيها عند صباح السويفان

 

[BeDooo]

واااااااااي لا يطوفج صباح السويفان
تضمنين a
وماتحسين بالكورس وكل فترة وفترة يعطي اوف
ونااااااااااااااااااسه صج يجنن
ياليت كل المواد يدرسهم جان خذيت عنده ماعندي مانع
انا ماخذه هالمادة الكورس الاول

 

[قاهره عذالي]

الماده شعر

راح تدروس الشعر الجاهلي
وعقب جنه الشعر بعد الاسلام والشعر العباسي اللي خاص بالخلافه العباسيه
والشعر الاموي
كل شعر وخصائصه

حلوه الماده عند د احمد عوض مسهلها

 

[Nmnoum]

آب آب