جسوة الشتاء ؟؟؟؟

[@ دهن العود @]

السلام عليكم









خواتى انا ام بجريه واول مره بمر على الشتا مع عيالى الله يحفظهم

ومو عارفه شنو اشترى جسوة الشتا؟؟

انا حاطه فى بالى ما ابى اكثر واااايد لان تدرون الشتا جم شهر وعقب ماراح يستفيدون فيهم بشى

صح وله انا غلط ؟؟؟:s141:

اهم الحين اسم الله عليهم بداية الحبى يعنى ما مشوا للحين

اخ> تبانات جم طويل وله اخ>هم حفر واكتفى بالبجايم الثقيله ؟؟؟

مادرى مادرى فيدونى شنو اشترى :080402ask_prv:​

 

[@ دهن العود @]

رد: جسوة الشا؟؟؟؟

 

[بودرة سكر]

رد : جسوة الشا؟؟؟؟

حبوبه اشتري لهم ملابس كم طويل وقطنيه وللطلعات لبس ثقيل وطاقيه لشعرهم وشرابات ولاتطلعين الا في النهار افضل علشان مايمرضون ولا تسبحينم الا يوم الجمعه الظهر افضل لك وكل شي تلقينه بالسوق مناسب اخذيه واسالي امك واخواتك بيفيدونك

 

[@ دهن العود @]

رد: جسوة الشا؟؟؟؟

الله ياكبر البدليه بالعنوان ههههههههههههه

اقصد جسوة الشتا هههههه

مشكوره اختى بودره

 

[nsoom777]

رد: جسوة الشا؟؟؟؟

اخذيلهم تبانات للنوم كم طويل والافضل مخمل او قطن وملابس داخليه الطقم السروال والفانيله البيضه وتبانات داخليه حفر ودلاغات وكبابيس الطقم الدسوس مع الطاقيه واللفه وجواتي وفنايل ام رقبه البيضه
وجاكيتات عن البرد و المطر وبدل للطلعه واي شي حلو بالسوق خذيه

 

[أم سلوم الحلو]

حبيبتي دشي السوق وراح تشترين من غير ما تحسين
روحي مذركير وh&m وسنتربوينت
احل شي حق اليهال

 

[ZajiL]

هلا وغلا دهن العود شخبارج وشلون كتاكيتج الله يحفظهم :friends:

شوفي ياقلبي بالنسبه لي بيتي دافي حتى بالشتا ماشاء الله فاكتفي بالبجايم القطن بس تحتهم تكون الفنايل
الي جم طويل

وبالطلعه مااكثر ملابس لانه الشتا شهر ويخلص فاخذيلج 4 بدل انا احب البس صبياني ترينق بالشتا اول شي دافي

ثاني شي عملي وثالث شي لو لبسته تحته هاينك او اندر وير مايتقيد لانه حيل عملي

واهم شي الكبابيس لانه لو الجو بارد بالنسبه لليهال لازم دفين راسهم واذونهم

عيالي مالبسهم وايد لانه محرارين حيل

والتبانات اخذي 3 بوجم طويل مو اكثر لانه مرات يكون دفا مو مال تكود على اليهال هم الدفا الزايد يمرض :s142:

اقل لفحة هوا واي سؤال انا حاضر من هالعيون @@

 

[@الياسمين@]

انا بالنسبه لي اهم شي للياهل بهالعمر
اندروير قطن فيه بهاينك وفيه العادي وتلقينهم بالاسواق الشعبيه
وهم فيه تبانات جم طويل .. ينفعون
بجايم البيت :: اوفورولات مخمل او خام ثقيل شوي حسب الجو داخل البيت او بجايم دافيه
للطلعه :: انا افضل الافرول الكامل اللي اهو يعتبر بدله
هذا شكله



والله يحفظ عيالج ويخليهم

 

[الأميرة جوري]

رد : جسوة الشتاء ؟؟؟؟

اهم شيء التبانات لاتلبسينهم تابانات طوال راح يتضايقون خليها حفر ولبسيهم بيجايم ثقيله وجاكيتات ..

 

[eman12]

الله يحفظهم لج يارب
حبيبتى خلى اللبس اللي برا اهو الثقيل والداخلى نص كم

 

[ZajiL]

رد: جسوة الشا؟؟؟؟

الله ياكبر البدليه بالعنوان ههههههههههههه

اقصد جسوة الشتا هههههه

مشكوره اختى بودره

:wqedqw:

عدلته لج ولا يهمج

انا اولماشفته استغربت من العنوان مافهمته
تالي دشيت جان استوعب

 

[مدام فاشن]

انا رحت شريت حق بنتي

اخذت لها من h&mوايد شغلات منزلين جاكيتات صوف ثقال اتينن ويشوووقوون
اخذت لها بنطرونين جينز بلونين ازرق والثاني رمادي
وتي شرتات جم طويل ملونين ينلبسون تحت النفانيف وتحت الجاكيتات مع الجينز

وبعد نفانيف حلوين حق لزوارات

وهم غاب منزل سوالف اتينن حق البنات نقانيف تريكو الضيجه وجاكيتات حلووين هم اخذت لها منه

واخذت لها من ماركس سبنسر نفانيف حياكه حلوين ومعاهم هيلوهبات نفس نقشة النفنوف

والاشياء المميزنه الي شفتها

الكابات الحياكه من h&m حلوووين اشكالهم
جواتي البنات بعد عندهم وايد خلوين للبيت ودافين
دلاقاتهم حلوين واشكال تشووق

واخذت حق بنتي 17 دلاق بطلعه وحده


ونكست منزل هيلوهبات حلوووين واشكال غريبه ونقشات ورسمات


بس محتاره من وين اخذ لها ملابس داخليه الاندر وير الابيض الي يدفي ؟؟

وباقيلي بجايم دافيه لها بروح اخذ لها من سنتر بوينت

 

[حرم راشد الماجد]

خل اقولج انا شنو شريت حق بنتي


اولا : الملابس الداخليه
خذيت لها ملابس داخليه من ماركس اند سبنسر وايد نوعيتهم جيده خذيت لها 2 واحد حق البيت وواحد حق الجنطه كل جيس في 5 حبات تقريبا

وخذيت لها ملابس داخليه جم طويل بالحبات من سنتر بوينت هم جيدين

وهاي نك خذيت لها 5 شي من سنتر بوينت وشي ام يابتهم لي مادري من وين



ثانيا : ملابس الطلعه
- خذيت لها بنطلونات جنز ومخمل من نكست ومذركير بس ملوت نكست احلى البنطلونات ( واحد جينز والباقي ملونين واهم لون عند البنات الوردي فخذيت لها واحد وردي وواحد فوشي وواحد احمر والالوان الشتويه هذي
- تيشرتات جم طويل لقيتهم ب ikks حلوين واشكالهم غريبه
- جاكيتات خذيت لها واحد صوف من h & m وواحد اللي جنه افرول
- جاكيت عادي خذيته من محل بالكوت فوق نسيت اسمه


رابعا : ملابس البيت افرولات قطن 3 فرولات مخمل 3 وتريننقات 3 خذيت شي من سنتر بوينت ورخاص على 3 ونص والقطن من مذركير اللي يكونون 3 بجيس والتريننقات هم امي يابتهم اتوقع من النصر


الاشياء البيسك ( كبوس صوف مبطن ودسوس من h & m ) هيلهوبات من نكست وسنتر بوينت بس ملوت نكست احلى وخذيت لها كبوس قطن حياكه شكله جنه شتوي بس هو قطن حق الاماكن الداخليه لان الصوف يخلي الراس يعرق وهذا بروحه شي موزين

اي وشريت لها جواتي صوف ومخمل حق البيت من سوق شعبي الوانهم مو حلوه بس عشان تدفي خذيتهم للان بنتي على طول بالدراي والسيراميك بارد


- اتمنا اكون فدتج

 

[كـ غلا ــلي]

انا بعد محتاره شاخذ لودي وجم قطعه اشري له وعلى فكره همن ولدي محرار وين الاقي احلى محلات للاولاد

 

[*ماي الورد*]

رد : جسوة الشتاء ؟؟؟؟

هلا دهن العود

1- بجايم عادية اذا شقتج دافية او بجايم ثقيلة اذا شقتج باردة
2 ترنقات حق الطلعات الخفيفة جمعية مستوصف
3 -بدلات طلعة
4- جاكيت واحد خفيف حق البرد الخفيف وواحد ثقيل حق البرد القارص
5 دلاقات
6 جواتي خفيفة حق الطلعة

 

[@ دهن العود @]

مشكوووووووورين ماقصرتوا

صج استفدت منكم وااااااااااااااايد

زجول هههههههه طوفى طوفى البدليات كاتبه الموضوع الفجر

 

[ديانا سبنسر]

على حسب طبيعة البيت اذا بيتج دافي لاتقمتينهم بالملابس

اما اذا انت عند حمولة وبيت مفتوح لا والله اخذيلهم تبانات جم طويل وبجايم قطن وبجايم مخمل يعني يفرق على حسب المكان

 

[غلاي عزوزي]

انا اشوف المخمل والصوف والهاينك حق البيت وايد البيت دافي ومو مال جذي انا لازم اندروير داخلي وبيجامات قطن
لازم قطن جم طويل صيف عشان المكيف واو اشتا عشان احسن من الصوف والمخمل ويع الياهل دايمن يتحرك ويعرق فيهم
وياحلوهم عند فاشن ميل قطن سوريوابلاش بدينار ونص


ترنقات ماكثر 3
جينز وبلايز جم طويل يهبلون عند ماكس
جاكيتين علي حسب الوان محايده تمشي مع اي بلوزه كحلي عنابي احمر
الدلاقات صيف وشتا مو شي يديد لانه تكييف الصيف همن محتاجيله دلاقات

 

[eman84]

خوووش موضوع لاني انا بعد محتااره ابي اشتري حق بنتي و مو عارفه

يسلمووو

 

[عبث طفله]

خوش موضوع ..

انا مشكلتي ما اعرف اشتري لاتضحكون علي

صج اتوهق لي رحت السوق .. متعوده بس اشتري لنفسي

كتبت اللي قلتوه بورقه بسوي نفسكم


صج صج خوش موضوع