يمنع ذكر الاسماء والعنواين الواضحه منعا لتعريض البنت المعنيه للمشااااكل
Engineeria 85
السلام عليكم و رحمة الله و بركاته
____________________
اشلونكم كويتيات؟؟
الصراحة هالموضوع في بالي من زمـــان و متردده أنزله
لكن تشجعت و قلت لازم لزمن و لا بد أسدح الفكرة عليكم
خل أبدا في الموضوع من غير لف و لا دوران
انا شخصيا كانت لي صداقات قديمة .. مع بنات في طفولتي .. بالروضة و الابتدائي و لييي الجامعة
فرقتنا الدنيا و كل وحده راحت بطريجها
الصراحة بعضهم أشتاق لهم حيل و ودي ألاقيهم .. بس مادري اشلون!!
قلت احتمال كبير ان صديقاتي اللي أبيهم قاعدين يشاركون بالمنتدى معاي و كل وحده مو داريه عن الثانية
فاشرايكم .. اللي تبي تدور على وحده من صديقاتها وولهانه عليها تحط لها نداء عبر برنامجنا .. قصدي هالموضوع:dddds: عل و عسى ينلم الشمل و نرجع الأحباب :eh_s(6):
بس هااااااااااا
على شرط روحي بساعه و ردي بساعه ... (وي نسيت .. هذي ليلى و الذيب خخخخ
)الشرط الوحيد .. انه لا تكون في أسامي صريحة للبنات .. هم هذيلا بنات ناس و عيب ينفضحون على النت .. يا حلاوه عاد تصير الفضيحه بجلاجل
(و يا ريت المشرفات يتعاونون في هالنقطة و يشيلون الأسامي إن وجدت)
اذا تبين توجهين النداء كتبي أول حرف من اسم البنت و اسم أبوها مثل الجرايد ههههههه :dddds:
أو كتبي اسمها الدلع أو أي شي تدرين انها تعرفه .. مثلا اسم المدرسة و اسم الدفعه أو تذكرينها بموقف بينكم و جذي
اشرايكم؟؟؟؟؟؟
كل وحده تدور على صديقة من صديقات الطفوله .. و اذا لقيتوا بعض إن شاء الله كملوا المراسلات على الخاص:ggdw:
ناطرة تجاوبكم مع الموضوع .. إذا عجبكم نكمل و إذا ما عجبكم نطلب من المشرفات يشيلونه :0bee2e8d89:
