جسد بلا روح ..

[ســــــــــما]

صباح / مساء الخير ​

يا بنات يا حلوات ​

الموضوع خاص جدا
عندي اسئلة خاصة واتمنى وارجو من الكل ان يجاوبني عليها
والي مو حابة اتجاوب لا تجاوب
بس بدون تعليقات جارحة رجاءا
ما كتبت هالموضوع ولا سألت هالاسئلة الا لجاجة في نفسي
وماقدر اسأل اي احد بموضوع خاص مثل هذا لا من قريب ولا من بعيد
حتى اختي استحي اسألها
فرجاءا مابي تعليقات جارحة الي ما يعجبها الموضوع تطلع منه بهدوء وبدون شوشرة ​

بالجماع​

منو يبدي اول انتي والا ريلج ؟ ​

اذا انتي الي تبادرين وتبتدين شلون قصدي من اي مدخل تدخليله وشنو تسوين ؟
انا ما ابيكم تقولون تفاصيل انا ابي بس المبادرة شلون تكون ​

واذا اهوا يبادر اول .. شلون؟ يغازلج ؟ يضمج ؟ ويبوسج ؟
والا سيده وعلى طول يدش بالعميق ؟؟؟؟​

وانتي شنو تفضلين ؟ ​

تفضلين ان تكون المبادرة منج انتي ؟ والا تفضلين ان اهوا يبادر ؟ ​

انزين اذا زوجج من النوع الي سيده اييج ويبتدي بدون ما يطالع ويهج يعني ما يبوسج كلش بس يدش بالموضوع سيده .. شنو تكون ردة فعلج ؟ تتفاعلين معاه ؟ والا تمثلين انج متفاعله معاه ؟ ​

 

[سلطانه العتيبي]

ههههههههههههههههه
من الاسأله شكلك مو متزوجه >>>>>>>>> صح

شوفي نصيحه منى لا تفكرين في كل هالكلام المعقد وخلي مشاعرك واحساسك هو اللي بيدلك ع الشي الفطري والطبيعي وانا ابتدي ولا هو مافي فرق بين المرا وزوجها المهم الحب والتفاهم

 

[انا لحبيبي .]

^_^​

 

[ســــــــــما]

سلطانة

شلون حكمتي اني مو متزوجة ماني فاهمة
امبلا انا متزوجة وراح اجاوب على اسئلتي بنفسي بس قلت اشوف الردود
وانا عندي مشكله واعاني منها لكن مو حابة ادش بتفاصيلها لان يضل موضوع خاص بس من خلال ردودكم ممكن استنتج بعض الشغلات
شكرا لمرورج


انا لحبيبي

شكرا لمرورج ورفعج للموضوع

 

[المرتاحة]

انا من اللي يتطمشون بس يمكن اقدر افيدج بجم شغله

حسب اللي اسمعه اذا الريال بسرعه يدش بالعميق اهني المراه تقدر تتمنع بدلع وتسحبه بالتدريج الي الشغلات اللي اهي تبيها

بعدين اذا المراه تبي تبادر اعتقد اهي فاهمه ريلها وشنو مزاجه في بعض الرياييل يكفيهم التلميح يعني وبعضهم يحبون اللي تييهم من الاخر

وبعضهم ما يحبون اللي تبادر كلش

"امبيه اتخيل امي تيي و تقرا اللي انا كاتبته بتنصدم ابنتها البريئه"

 

[ســــــــــما]

المرتاحة

شكرا لمرورج وردج

 

[سيلينا]

بصراحه جت فتره معينه خلال زواجنا ان العلاقه كانها طرف واحد واهو اهو

بس اعتقد انا الي وصلته لي هالشي ما اعطيه احساس ان انا لي رغبه ولي مزاج معينه عشان ادخل بالمود

كنت صج مافي اي مبادره ولا اي ردة فعل كاني طوفه بحكم استحي
واشلون اسوي جذي وشنو ردة الفعل !

تضايقت وبينت له ان لازم فيه مقدمات (مع العلم كانت موجوده ببداية الزواج بعدين جت فتره كانه مش حالك بسرعه المهم علاقه وانت توصل للي تبيه ) هالشغله لعبت بنفسيتي وصرت لي شفت فيلم رومانسي اتحطم
صرت كاني مراهقه وبينت له هالشغله والحين مرتاحه من هالناحيه وما تفرق انا الي اتقرب له ولا اهو الموهم ان العلاقه تكون ترضي الطرفين​

 

[ســــــــــما]

سيلينا

يبتيها لما قلتي
تضايقت وبينت له ان لازم فيه مقدمات (مع العلم كانت موجوده ببداية الزواج بعدين جت فتره كانه مش حالك بسرعه المهم علاقه وانت توصل للي تبيه ) هالشغله لعبت بنفسيتي وصرت لي شفت فيلم رومانسي اتحطم

 

[ســــــــــما]

انا اقول واقول اقول بس ماكو فايده يعتبرني مراهقة يعتبرني تافهة ويشوف هالمقدمات انها شي روتيني وممل

 

[سيلينا]

ســمـــا​

بيني له ان هالشغله ضروري يمكن اهو يحب ان يسوي على السريع (( سوري على هالجمله )) بس هم الرجل له مزاج صعب نفهمه
قولي مو مشكله خل هالروتين الممل عشان خاطري مره لي مرتين بالاسبوع على حسب الوضع عندكم والباجي براااحتك مثل ماتبي عشان انا بعد احس اني محبوبه
او مو شرط الرومانسيه تكون وقت العلاقه انتي بادري فيها وبتشوفين اهو يبدي يتقبلها
يعني متى ماحبيتي بادري انج انتي تتقربين له مو شرط بالاخير تكون فيه علاقه بس عشان تحسين بالرضا​

وترى الرجل مايفهم نفسيه المرأه والله يمكن مو قصده بس فاهم الموضوع غلط يحسب انتي بعد العلاقه بروحها تكفيج​

 

[( مي )]

اول الزواج
ومع كثرة اللحظات الخاصة بين الزوجين ،، دايما تكون في مقدمات ويكون في تفنن وتخطيط
بعد اليهال
ومع قلة الرومانسية او الجماع ويالله يالله الواحد يلقى وقت لهالموضوع ،، الموضوع قام يصير احيانا عالسريع بدون مقبلات
سييييييييييييييييييدة وجبة دسمة أو طبق رئيسي​

ممكن يكون عذره
بسرعة قبل لا اليهال يحسون
او بسرعة انا من زمان ناطر هاللحظات ومافيني صبر​

الحل
ان يتم الإكثار من العلاقة الخاصة بحيث يكون شبعان وفي مجال للمقدمات
بيني له اذا يا عالسريع ان ماكو تفاعل ،، يعني لا تمثلين خليه يحس ان فعلا طريقته غلط حسسيه بالفعل والكلام
وبنفس الوقت اذا بدا بالمداعبات بيني له شكثر انتي مستانسة وداشة جو​

عشان يحس بالفرق​

اتمنى أكون أفدتج ولو بشي بسيط
​

 

[نفهمها صح]

كتبت لج سطوور ونمسح
خيره

 

[kareeb]

حبيبتي خلي كل شي طبيعي يعني بالفطره يا اهوه يبدي او الزوجه وترا الجو والمكان هم يساعد

 

[ام شووووق]

مممممممم ومنكم نستفيد

 

[brettey]

انا مبداي ان الوده اذا ماشافت الي يريحها من زوجها تصارحه وتقول له عن الي تبيه

 

[أأأميرة الورد]

الله يرزقنا براحة البال
الزوج لو شنو ما تسوين
اللي في باله هو اللي بيصير
سبحان الله الرجل بطبعه الانانية

 

[حلااي]

خلي زوجج يقرا هالكلمتين

أوضح لنا رسول الله صلى الله عليه وسلم أن نقدم لأنفسنا بالقبلة والكلام، وفي هذا إطالة لأمد المراحل الأولى من الجماع بما يحقق متعة ليس للمرأة فقط بل للزوجين معًا، فقال صلى الله عليه وسلم: ((لا يرتمي أحدكم على امرأته كما ترتمي البهيمة، اجعلوا بينكم وبين الجماع رسولا))، قالوا: وما هو الرسول يا رسول الله؟ قال: ((القبلة والكلام)).


يعني حتى الرسول صلى الله عليه وسلم لمح بضرورة المقبلات قبل الجماع لانه من حق الزوةجة قبل الزوج وشبه الرجل اللى ياخذ حاجته ويمشي بالبهيمة

وقد جاءت الروايات لحديث الرسول صلى الله عليه وسلم: ((هلا جارية تلاعبها وتلاعبك)) [متفق عليه]، وفيه زيادة أيضًا: ((تضاحكها وتضاحكك)) [متفق عليه]، وفي رواية محارب بن دثار: ((مالك وللعذارى ولعابها)) [رواه البخاري].

والمقصود من كل ذلك هو المبادلة سواء في الملاعبة أو المضاحكة أو الإثارة، وإشعار الزوج بأنها تحب منه ما يحب منها،

ذكريه بالاحاديث هذي يمكن يحس شوي وعادي حبيبتي هذا حقج طالبي فيه والله يسمح امركم

 

[فوفو22]

اسئلتك بريئة ودليل انك عزوبية

الاجوبه تلاقينها ببساطه وتلقائية بعد الزواج

لا تحاتين الامور سهالات وحلوه

فوفو