جزيرة فيلكا

[اميرة الصدف]

السلام عليكم عزيزاتي الكويتيات انا من السعوديه ومتواجده الان في الكويت للسياحه
وعندي بعظ الاستفسارات
1-وش رايكم بجزيرة فيلكا تنصحوني اروح لها ووش فيها حلو وكيف اروح لها
2- وش الاشياء المميزه عندكم والي تصلح هدايا للاهل
3- مجمع عربيد وين مكانه بالظبط
ارجو سرعة الرد ولكم جزيل الشكر:ggdw:

 

[اميرة الصدف]

وينكم بليز ردو علي

 

[روج كرزي]

موشي فيلكا روحي منتجع الهلتون روعة بالمنقف. روحي سليل بالجهرا ترفيهي ووناسة ومطاعم واسواق وروحي سوق شرق والمارينا وكويت ماجك يهبل وانشاءالله تستانسين بالكويت. والعربيد للدراريع يهبل بالفروانية خلف جمعية الفروانية. واي سؤال اسألي عالخاص.

 

[اميرة الغيد]

اول شي هلا فيك حبيبتي بالكويت
جزيرة فيكل الحين ماتصلح للسياحه من خربوها العراقيين بعد الغزو
العربيد في اكثر من مجمع بالفروانيه ، اللي حق الدراريع بالفروانيه ورا الجمعيه التعاونيه ، وفي العربيد جاليري مجمع حلو بآخر الشارع يم الحمرا مول بسوق الفروانيه . وفعلا دراريع الفروانية وعباياتهم احلى شي .

 

[dantilla]

حياج الله بالكويت,, على اني فيلكاويه بس راحت ايام السياحه هناك ,,, ما انصحج تروحين
عندج المجمعات واااااااااااااااااااااااااايد منها الأفنيوز والمارينا مول ,, وان شا الله تنبسطين عندنا هني