لا بالعكس .. اخذي راحتج وسئلي كثر ما تبين
لنكاوي احلى شي الرحلات البحريه .. روحي رحلة المانقرف ب 250 رنجت .. قارب سريع خاص لعائلتج بس .. والرحله فيها .. زياره لمنطقة النسور وانتي بالقارب اتشوفين النسور فوقج وفي قارب ثاني يعطيهم اكل .. وبعدين اتدشون كهف صغير بالقارب بعد .. وتمرون على مزرعة الاسماك .. اتشوفين انواع الاسماك .. حلوه واخر شي بالرحله تمرون على كهف الخفافيش.. تنزلون من القارب وتدشون الكهف .. رحله ممتععععه .. ومدتها 3 ساعات
وفي رحله بحريه .. اسمها رحلة الام الحامل ما انصح فيها ب 280 رنجت 4 ساعات بس ما فيها شي بس يوقف القارب عند جزرتين وانتي تنزلين ودورين بالجزر .. ممله ..
انا اتوقع 3 ايام يمكن كافيه لأن معاج يهال ..
تروحين فيها رحلة المانقروف + مزرعة التماسيح + الاكواريوم + التلفريك + وممكن تزورون الشلالات بس يمكن متعبه على اليهال .. طبعا هذا غير الرياضات البحريه بنانا بوت والجتسكي والبراشوت
بينانج انا ماحبيتها .. فما اقدر افيدج فيها
الكاميرن يمكن طريقها متعب 4 ساعات بالسياره او بالباص ... مافيها شي للأطفال
كوالالمبور .. فيها اماكن حلوه للأطفال .. مدينة الملاهي جنتنج (بارده نسبيا لبسي اليهال اكمام طويله او جاكيت ربيعي)
او المدينه المائيه (سن واي) sunway lagoon
فيها العاب مائيه روعه للاطفال .. ويقولون برجايا تايم سكوير فيه العاب انا ما زرته ..
ولا تنسين حديقة الحيوان ..حلوه ..
وفي اماكن سمعت عنها بس ما زرتها .. منتجع افاموسي او رحلة سفاري ..
الفنادق اللي سكنتها ..
كوالالمبو
امبيانا (ليله) ....... عادي بس نظيف 30 دينار
تريدرز (ليلتين) ..... جميل جدا ويطل على حديقة البرجين (التوأم) فيها العاب ومسابح صغيره للاطفال ويوفر خدمة التوصيل مجانا للبرجين (مجمع سوريا) الليله ب 45 دينار للغرفه المطله على البرجين
بينانج .... فندق قولدن ساندس .. جميل جدا ويصلح للعوائل انصحج فيه .. الليله تقريبا 40 دينار
لنكاوي .. فندق فيديرال فيلا (عادي) بس اضطرينا ناخذه لانا رايحين بدون حجوزات واهو تابع لفندق هوليدي فيلا يمه بالضبط بس الهوليدي احلى وانظف .. خذينا الليله ب 16 دينار
واخر يوم غيرنا الفندق .. ورحنا فندق لنكاوي لاقون .. سويت على البحر ( داخل البحر) عجيب !!
بس غالي الليله ب 80 دينار ..
واي سؤال !
احنا سافرنا بدون حجوزات يعني مغامررره !!
وحجوزاتنا كلها من الانترنت.. ارخص
