لقد تزعزعت الأمور وكل واحدٍ منهم يفكر بمصلحة نفسة فقط
وليست بمصلحة العائلى ككل ...
عائلة ابو حمد ..
الاب : اسمه ناصر وعنده شركات ومدير أعمال ناجح ويحب عياله وايد ويخاف عليهم بس ساعات مايكون فاضي عشان شغله
الأم : اسمها منيرة تحب تكشخ وتحب تطلع كل يوم تغير جو مع يرانها ماتهتم لحد وله لعيالها
حمد : الولد لكبير موسيقي ورومانسي ويحب الموسيقى ويدرس بمعهد العالي للفنون المسرحية وحلمة يصير ملحن ويحب دايم يقعج بروحه بس قلبه على اخوانه
سارة : البنت الوحيدة طيبة وحبوبة وقلبها على الكل وتحب تساعد الناس بس محد معبرها وتشتغل مدرسة رياض اطفال بالرَوضة وعندها رفيجتها هيا
بدر : اصغر واحد ومومهتم بدراسته اهم شئ عنده ان يستانس ويطلع ومايهمه احد وامه مدللته واي شئ يبيه ياخذه منها ..
بدر : Hi baby good morning
أبو حمد : شنو هاي بابي تكلم عدل وسلم سلام مثل الأوادم مو سلام الأجانب إحنا مو أجانب إحنا عرب
بدر : اوووه يبه حتى السلام جذي صار ممنوع عنا
أبو حمد : اسكت بس اسكت موناقصني غير انك تيي واطقني وطالع لحد الحين محد نزل فيهم وامك هاذي تاخرت ماصارت ريوق
حمد : سلام يبه .. يبه شفيك ليش معصب
أبو حمد : هلا مو معصب اقعد خو احنا ناطرين طلبية
سارة : السلام عليكم يبه شلونك وشلون صحتك
أبو حمد : هلا بنيتي الغالية انا تمام يوم اشوفج مرتاحة مو مثل
بعض الناس الي يسلمون وما يسالون عن ابوهم
بدر : تقصدنا يبه
أبو حمد : لأ حشاك اقصد الي وراك
بدر : بس ماكو احد وراي
أبو حمد : تستعبط انت ويهك اسكت بس واكرمنه بسكوتك
بدر : بس انا ما اعرف آكله
ساره : :eh_s(6):
أبو حمد : امج وينهي ما صارت
سارة : كاهي يبه انزلت
أم حمد : ويه بعدكم ماتريقتوا
أبوحمد : ننطرج سنه على ماتنزلين لو طالب ريوق من المطعم
جان وصل بس الشرهه علي الي انا ناطر صارلي ساعه وخري
انسدت نفسيتي أكلي أنتي وعيالج عن اذنج تأخرت عن الدوام
أم حمد : هاذا شفيه كيفك الي ريحك
بدر : شلونج يمه
أم حمد : هلا بوليدي حبيبي آنا زينه دامك زين حبيبي
سارة : يله انا شعبت تأخرت عن الدوام عن إذنكم
حمد : وآنا بعد أخليكم
أم حمد : الحمد لله والشكر هذول شفيهم
بدر : ماعلينا منهم يمه بصراحة بغيت فلوس ماعندي وله فلس حدي مفلس مامعاي حتى دينار بجيبي
أم حمد : افا عليك حبيبي روح داري وأخذ الي تبي
بدر : واي يمة فديتج محد فاهمني بهابيت غيرج حبيبتي والله
تعود بدر ان دايم يعتمد على أمه كل ماخلصت فلوسه وحمد ماله شغل غير الفن وبس ويحب اخوانه اما المسكينة سارة محد حاس فيها غير رفيجتها هيا الي صج تعتبرها اكثر من اختها واكثر ..
وكالعاده أبو حمد بالدوام يخلص شغله والمعاملات الي تييله والمنافسات بين الشركات شئ صعب بس دايم أبو حمد اهو الربحان..
صبحي : ياعمي دول المعاملات الي نهارده جايه دلوقتي
أبو حمد : خلاص مومشكلة ودهم حق السكرتيرة واهي تضبطهم لي وتييبهم ومره وحده نادلي محمد خلي ايي
صبحي : أنت تامر ياعمي هَندهولك دلوقتي تامرني بحاقه تانية
أبو حمد : لأ ما أبي شئ بس نادلي محمد وخلاص
صبحي : محمد المدير عاوزك
محمد : المدير يبيني ماقالك شنو يبي فيني ؟
صبحي : لأ ماقالش ولاحاجة قالي اندهلي محمد انا عاوزه وقلتله انت تأمر ياعمي
محمد : اوكي خلاص انت روح شوف شغلك انا الحين اروح اشوفه الله يستر
أبو حمد : تفضل
محمد : السلام عليكم
أبو حمد : وعليكم السلام استريح محمد
محمد : هلا عمي ناديتني عسى خير انشاء لله
أبو حمد : لا تخاف خير انشاء لله الا ماقلتلي يامحمد انت جم صارلك تشتغل اهني بالشركة
محمد : والله ياعمي فضلك علي ما انساه طول عمري انا اشتغل صارلي 5 سنين والحمد لله مرتاح بشغلي
أبو حمد : مم الحمد لله شوف يا محمد بصراحة انت الوحيد الي بالشركة الي محافظ على دوامك وعارف اصول الشغل عدل وبناءا اني فكرت وايد وبعد قرار طويل انا رقيتك وخليتك نائب مجلس الادراة وقلت محد يستاهل هالمنصب الا انت
محمد : : :eh_s(6): صج عمي والله احرجتني وما ادري شقولك والله ما انسى فضلك علي وراح اكون عند حسن ظنك ياعمي
أبو حمد : انت تستاهل كل خير يامحمد هذا تعبك وجهدك واشكر الله واحمده
محمد : الف شكر لك يارب
أبو حمد : خلاص انت الحين روح لمكتبك وناد السكرتيره وانت طالع
محمد : انشاء لله عمي ... اقول سوسن أبو حمد يبيج
سوسن : اوكي انا الحين رايحتله
أبو حمد : تفضل سوسن سمعيني سوي اجتماع لمجاس الادارة الحين وبلغي كل الموظفين بسرعه انا رايح لغرفة الاجتماعات انطرهم
سوسن : اوكي عمي تامرني بشئ ثاني
أبو حمد : لأ سلامتج سوي الي قتلج عليه بس
سوسن : اوكي ... صبحي بلغ كل الموظفين يحضرون اجتماع مجلس الادارة بسرعه العم أبو حمد ناطرهم قولهم لا يتاخرون
وهذا حال أبو حمد يرقي احد والثاني يغارون من هالموظف وليش ترقى بس الحمد لله الشغل ماشي مثل ما او يبي ..
وسارة المسكينه بالدوام وتعابل بهاليهال بس اهي مو بروحها معاها رفيجتها هيا بالدوام وتساعدها بعد مع اليهال وسارة كان ضايق خلقها
هيا : شفيج سارة عسى ماشر شفيج مضايقه ومكدره خلقج
سارة : الشر ماييج لأ ماكو شئ بس تعبانه واحس اني مضايقه
هيا : من شنو قوليلي شلي مضيق خلقج
سارة : ما ادري شقولج يا هيا اخوي حمد من صوب وبدر من صوب ثاني وامي الله يهديها
هيا : ليش اصاير شفيهم اهلج
سارة : تعبت والله وانا اكلم امي ما يهمها الى نفسها وبدر نسخت امي وحمد مسكين حييل حبوب وطيب ويحبني وبعض الاحيان يفهمني ابوي طيب وعلى نياته بس امي الله يهديها وانتي عارفه شنو كانت تعاملني واناصغيره وما اقدر انسى الي سوته فيني وشوفي الحين انا شلون اعاملها واهي شلون اجازيني
هيا : ماعليه يا حبيبتي تحملي وصبري شسوين ومهما كان هذول اهلج يعني مالج غناة عنهم بس المسألة يبيلها شويت صبر وكل شئ راح ينحل صدقيني ..
سارة : انشاء لله الله يسمع منج
هيا : انتي لا تفكرين بهالاشياء وخلي الله يسهلها
سارة المسكينه تحاتي اهلها وقلبها عليهم مهي عارفه شسوي خصوصا امها تخاف حتى تقعد معاها ماتنسى الي سوته امها فيها الي عن باقي اخوانها
