جربت خلطة السدر للاكزيما نصيحه لحد يجربها شوفو شسوت بولدي ???

[كتالونيه]

بسم الله ابدي
بنات طبعا كلنا نبي راحت عيالنا وندور الدواء الي يشفيهم
بعد الله سبحانه وتعالى
انا طبعا ولدي فيه اكزيما سويت كل شي مافاد
طبعا دشيت موقع قريت عن خلطة السدر انج تحطين سدر وماي
واحطينهم على مكان الاكزيما طبعا اول يوم حطيتله
ولدي يبجي ويقول يعورني ثاني يوم يعوره بس
صار شكلها يخرع زادت حيل وقامت تحكه وكله دم
حرام يكسر الخاطر توووبه اخذ اي شي من المنتدى
مع انه الي كاتبتها تقول والله انها ماتضر
نصيحه ابتعدووو عنها تراها تزيد الاكزيما
والله يشفي ولدي من الاكزيما صح شكلها تعور القلب
حبيت اقولكم علشان لاتحطونها وتصدقون كلام الناس
مثلي
ويعطيكم العاافيه

 

[أملي بعد الله]

رد: جربت خلطة السدر للاكزيما نصيحه لحد يجربها شوفو شسوت بولدي ???

ياحياتي��اسم الله عليه مايشوف شر يارب
وسلامته الف سلامة
الخلطة يمكن ماتنفع للاكزيما

لانه معروف السدر بفوايده ماشا الله

انا بنتي ويهها من يبتها
وهي حبوب بالخدود تروح وترد

مابقا مرهم ولا فازلين وقريت عليها وحتى النشا جربته

تخف تالي ترد وهاليومين زادت
وهي تحك وتهرش فيها حبيبتي وايد متاذية

مساكين اليهال يكسرون الخاطر حيييل

اليوم عاد حطيت زيت زيتون خلاص طفح الكيل

 

[^^ ǺГฬα]

رد: جربت خلطة السدر للاكزيما نصيحه لحد يجربها شوفو شسوت بولدي ???

حبيبتي الله يشافيه لج يارب

تعرفين التاجره جراس - Grass كذا حاله فيهم اكزيما جربوا لعيالهم زبده الشيا طبيعه وفادتهم

​

 

[بنت الوفا]

رد: جربت خلطة السدر للاكزيما نصيحه لحد يجربها شوفو شسوت بولدي ???

الله يشف ولدج اهم شي ترطيب والدعا وصدقه والله يشافي مرض المسلمين وترحم موتنا وموت المسلمين

 

[تمنيـتگ]

رد: جربت خلطة السدر للاكزيما نصيحه لحد يجربها شوفو شسوت بولدي ???

يا حياااتي

الله يشافيه يارررب اهو جم عمره ؟؟

لانه اللي سمعته انه اذا ياهل لما يوصل عمر 6 سنين تروح الاكزيماا

 

[كتالونيه]

رد: جربت خلطة السدر للاكزيما نصيحه لحد يجربها شوفو شسوت بولدي ???

يعطيكم العافيه
عالردود

 

[Om.hsoone]

رد: جربت خلطة السدر للاكزيما نصيحه لحد يجربها شوفو شسوت بولدي ???

الله يشفيييه منها و السدر مفييد له فوايده لكن ما اتوقع يصلح للحساسيه و الاكزيما لانه ينشف و الاكزيما محتاجه ترطيب
حتى بنتي جذي حساسيه تروح و ترد بس مشكلتها تحك بقوه ويتم الاثر
استخدمت جيل جونسون اللي نفس الفازلين و فاد معاها

 

[أمـ مبارك]

رد: جربت خلطة السدر للاكزيما نصيحه لحد يجربها شوفو شسوت بولدي ???

ربي يشاقيه


الاكزيما انواع يابناااااااات


في اكزيما في طفح في امراض جلديه


خاصه الجلد ماينفع معاه الا العلاجات والكريمات الطبيه


اما سوالف الاعشاب والخلطات هالاشيا مفروض ماتنحط


ان كان فيها ماء زمزم او ماء مقري عليه




والله يشافي وليدج

 

[golden_coca]

رد: جربت خلطة السدر للاكزيما نصيحه لحد يجربها شوفو شسوت بولدي ???

انا ولدي سنه كامله يعاني من الاكزيما
جربت كل شي ما فاد
ورحت نليون دكتور ، ما فادوني
الشهر الي فات رحت الدكتور احمد الخياز ، بمزايا كلينك
الوحيد الي عطا ولدي علاج ماشاءالله الاكزيما راحت

 

[حبيبة اهلهاا]

رد: جربت خلطة السدر للاكزيما نصيحه لحد يجربها شوفو شسوت بولدي ???

واااي من صجج تغامرين بولدج الله يهديج بس

وويع وويع ذكرتيني لما كنت حامل و خلصت شهري و ماكنت مفتوحه الا سانتي

دورت فالنت الا وحده كاتبه تبين يفتح رحمج شميلج حلتيته ويع ويع ويع

انا رحت و شريته والله انضريت اكثر من انه فادنب و ريحته معفنه وريحته لصقت بجسمي لو اتسبح هم ماكو فايده

كرهت نفسي و ما رحت بيتي الا لما تاكدت راحت ريحتها

و من بعدها تبت اخذ كلام المنتدا

 

[حروف من ذهب*]

رد: جربت خلطة السدر للاكزيما نصيحه لحد يجربها شوفو شسوت بولدي ???

الله يشافيهاا يارب ويخليه لج

 

[كتالونيه]

رد: جربت خلطة السدر للاكزيما نصيحه لحد يجربها شوفو شسوت بولدي ???

الله يشفيه حبيبي بنااات
ترى جلد ولدي زادت فيه الاكزيما حيل
من السدر
والحين ارطب كل يوم
علشان احاول اخففها
يارب تشفي وليدي حبيبي

 

[noha33]

رد: جربت خلطة السدر للاكزيما نصيحه لحد يجربها شوفو شسوت بولدي ???

السلام عليكم
أولا شكرا على النصيحة
ثانية ألف سلامة لولدج
ثالثا ليش تشقين عمرج بالوصفات وديه الطبيب أو المستوصف
ومعروف الإكزيما تبي كريم كورتيزون مرة والثانية وخلاص
وساعات تكون مرتبطة بحساسية الصدر أو الربو
وديه المستوصف والله يشافيه

 

[مظلومة حيل]

رد: جربت خلطة السدر للاكزيما نصيحه لحد يجربها شوفو شسوت بولدي ???

حبيبتي ولدية لعيادة جلدية يعطية مرهم مضاد وعلاجات مهمة لا تخلينة

عاد السدر انتي بس لما تحطينة على راسج تحتكين حتا لما احط على جسمي احس يتقارص الله يشفية ويخلية لج يا ربي

 

[@أم يوســـف@]

رد: جربت خلطة السدر للاكزيما نصيحه لحد يجربها شوفو شسوت بولدي ???

الله يشافيه

 

[قصْر شآمخ~]

رد: جربت خلطة السدر للاكزيما نصيحه لحد يجربها شوفو شسوت بولدي ???

يااا عمررري

بس والله غريبة
أنا فيني أكزيما وأختي وبنت أختي جربناه وعادي
بس كنا نتسبح فيه يعني نخلطه مع الماي

ما يشوف شر وربي يشفيه ويخليه لج

 

[بقلآوه،]

رد: جربت خلطة السدر للاكزيما نصيحه لحد يجربها شوفو شسوت بولدي ???

أنا بنتي ٥ سنين فيها اكزيما ما خليت شئ ما جربته

و من فتره زادت عليها تخيلي جسمها تنفخ و جان يعطيها الدكتور إبرة كورتيزون

ما اعتقد في علاج غير كريم الكورتيزون و بعد ما تخف عليه عليج بالترطيب ٢٤ساعه و لا تهملينه لان صيف و لا تخلينه يلعب ف الحر لان بيتعب

و أكله و غسيل ملابسه و كل شئ طبي و إذا عندج أي استفسار أنا حاضره

و أبعديه عن الكاتشاب لان حار و يهيج الحساسية ف ثانيه

 

[شندوخه]

رد: جربت خلطة السدر للاكزيما نصيحه لحد يجربها شوفو شسوت بولدي ???

حبيبتي معروووف السدر يجفف
يعني طبيعي ماينحط للاكزيما

 

[M!SS.LOBY]

رد: جربت خلطة السدر للاكزيما نصيحه لحد يجربها شوفو شسوت بولدي ???

مايشوف شر ان شاءالله

 

[M!SS.LOBY]

رد: جربت خلطة السدر للاكزيما نصيحه لحد يجربها شوفو شسوت بولدي ???

فعلا السدر يجفف معاج حق شندوخه