جربت الطلق الصناعي وزاغ قلبي وولدوني بعمليه ، وقررت ولاداتي التاليه بعمليه اشرايكم ؟؟

[Zaina-al-zaina]

[b]

​

[/b]


السلام ياحلوات ،،،


انا قررت بيني وبين نفسي ان شاء الله اذا حملت ولدت عقب ان كل ولاداتي بعمليه

والسبب اني ماتوقعت كل هالالم والمعاناة بالولادة الطبيعيه ، احس زاغ قلبي بعد

ماجربت الطلق الصناعي ومرعوبه من شي اسمه طلق ،،،،

والدكاتره ولدوني بعمليه لما نبض النونو قل ،،،

فحسيت بالفرق ،،، العمليه تخدير ولافي شي اسمه طلق ،،،


سؤالي : تايدون اني اطلب ولاداتي التاليه تكون بعمليه ؟
والا ماتايدون ؟ وليش ؟؟؟

.

.

.

 

[عطر الدوحه]

اممممم انتي شوفي الدكتور شنو ينصحج فيه

والله ماعندي علم

 

[Zaina-al-zaina]

ياقلبي يعني لو قالي الدكتور تقدرين

تولدين طبيعي برفض واقول ابي عمليه

والسبب خوفي من الطلق ):

تفكيري صح والا غلط ،،،!!!

 

[~Rou7~]

بصراحة خرعتيني بس مو شرط كل الولادات الطبيعيه
نفس الشي تعور انا بجريه ماجربت للحين
بس كل الي ولدوا وجربوا اكثر من مرة ينصحون بالطبيعي

يارب تسهل علي وماتعسر ولادتي

 

[*ريما*]

طبيعي
وان شاء الله الله يسهل عليك

 

[نـعـومـه]

الكل ينصح بطبيعي صج الم بس بلحظتها اما فتح بطن لويه

انا بجر وخوافه بشكل رهيب الله يستر مادري شبسوي يارب سهل بس

 

[MiiMoo]

اهئ اهئ لا تخرعوووووني انااا بجرررر وطابف على شهري اسبوووووع وخااايفه من الطلق الصناعي ابي اولد وماااا احس بولا شي ماابي يلعبون فيني ولا يفحصووووووني مليييييييت

 

[fofo200]

انا نفس الشي صار فيني جربو فيني كل انواع الطلق الصناعي وبالاخير عملية وقراري نفس قرارج لاني اللي شفت مو بس زاغ قلبي لا بعد عقلي زاغ بس انتي شوفي الطبيب شنو يقول وان شالله الولادة الثانية تكون اهون من الاولى يارب

 

[om MaRyooM]

انا ولدت قيصري اول حمالي ..

والحين مقررة بعد قيصري مع ان الدكتور قالي تقدرين عالطبيعي .. بس مابي اجازف اخاف اطلق بعدين يولدوني بعملية واكون عانيت بالاثنين




تفكيرج مافيه شي بالعكس.. كل وحدة ادرى بنفسها
والتساهيل من الله

 

[هيبة ملك]

نفسي بالضبط جربت الطلق الصناعي وكانت روحر بتطلع

والحمدلله ولدت قيصري وقررت اولد قيصري باي حمله جاية

 

[anooma_86]

انا نفسج بعد ولادتي كانت طلق صناعي و مت من العوار و آخر شي عمليه قيصريه و انا الحين حامل و مقرره اسوي قيصريه مابي اجازف اطلق و أموت من العوار و يمكن ينفتح الجرح

 

[أم عامر]

شوفي حبيبتي

الي تسوي عمليتين خلاص تنسى الطبيعي

راح تكون كل ولاداتها عمليات

الطبيعي عواره وقت الولاده وبعده خلاص سبحان الله يروح كل شي

عكس العمليه ماتحسين بالولاده بس من تفتحين عينج الالم مو طبيعي سكاكين ببطنج

انا جربت الطبيعي 3 مرات وعمليه مره والطبيعي ارحم مليون مره من العمليه

يكفي انج بالطبيعي تتحركين على كيفج وتقومين وتقعدين مو مثل العمليه


ولادتج الاولى كان لها ظروفها وولدوج بعمليه فنصيحه لا تلعبين بروحج وخلج على اللي كاتبه لج ربي وترى كل ولاده تختلف عن الثانيه انا بالبجر مت من الطلق والثانيه وصلت للولاده وطلعت الراس وانا مااحس بشي من الطلق

يعني الولادات تختلف عن بعض واذا انتي تولدين بخاص الله يخلي الكمام

 

[لبى قلبــه]

الله يخلي الكماااام الله يخلي ابره الظهر ​

حراااام ناس يتمنون الطبيعي منوووه ... حبيبتي القيصريه ينصحونها تجيب 4 بس لان فيه ناس اسم الله عليييييج بالطلق تنفتح خياطتهم القيصريه ​

وسالفه بنت جيرانا والله قاعده مع اختها وخرعتني عرفت ان الطبيعي والي من الله دااااايم احسن​

يعني تخيلي كان فيها طلوق تقول جاني الم مو طبيعي موطلوق احس بالموت اخر شي لمن افتحو بطنها شافو الرحم مفتوح ​

حتى الدكتور يقول سبحان الله احياااااج انتي والبيبي ​

ولو انها قاعده بالبيت كان راحت فيهااا هي والبيبي وقالها لاتفكرين بالحمال مره ثانيه انتي رحمج مايتحمل الطلق بسرعه تنفتح خياطته



وهي عندها اثنين بس . . عشان جذي توكلي على الله وتمني الطبيعي ​

واذا ماصار عالاقل يكوون من الله مو انتي ساااعيه له ​

عرفتي حبيبتي ​

والله يكتب لج الخيره بعد عمري .. تقبلي مروووري​

 

[Zen&7ala]

طبعا طبيعي و اخذ ابره ظهر احسن لج

 

[ام زاكي]

على فكره الطلق الصناعي مو مثل الطبيعي حيل اريح يعني ينفتح 6 سم وانتي تتنفسين وتردين على اليي يكلمج

 

[sweet fashion]

آنا عانيت مثلج بس ظروفي غير لآن بعد آلولاده آكتشفوا آن حوضي صغير والحمدلله
عآنيت جربت آلطلق آلصناعي وآخرتها عمليه لكن آلصرآحه كلهم مثل بعض الطبيعي حزة الحزة تعب وعوآر آما آلقيصريه سهآلات بعدها يبدي عوآر بسيط ويروح مع آلمسكنآت
علي فكره حتي آلطبيعي عقب آلولآده يجيلها عوآر بآلبطن
وآلسهالات من رب آلعالمين
شوفي آللي آنتي مرتاحه له وصلي آستخاره

 

[سوسن1980]

لا تحاتين ولا تقررين اللي مسويه قيصري مايعطونها طلق صناعي حاولي تولدين طبيعي

 

[بخـــارى]

استخيري ربج
والله يسهل عليج ولادتج يارب

 

[ديانا سبنسر]

اذا تقدرين طبيعي حرااام طبيعي البنات يقولون مع ابرة الظهر والكمام مانحس بشي

 

[ديانا سبنسر]

قصدي حرام قيصرية سوري بدلية