جربتي منتجات من الصيدلية او الجمعيه دشي وكتبي لنا على تجربتج وكسبي دعوه

[نور المغرب]

قوووووه بنات :ggdw:

يا حليلكم بردودكم

بس هالموضوع غير نبي الكل يشارك بالمنتج لي فاده

وهاذي فكرة الموضوع

رحتي طبيبه جلديه او مريتي الصيدليه او الجمعيه او من رفيجتج

وشفتي منتج وقررتي تجربيه للبشره وكل مشاكلها (بشرة الوجه والجسم) او الشعر او الاسنان او مال الرحم ومشاكل

الهواء والاصوات واشتريتيه وجربتيه

فادج وستانستي عليه الله يتمم لج نتيجته

او

مافادج وتحسفتي على ثمنه لووول وقطيتيه الله يعوضج احسن منه

ياريت تكتبين لنا عنه وعن ثمنه ومن وين شريتيه ولشنو يفيد

دقيقتين في الكتابه مارح تاخد منج شي واكسبي اجر البنات

ودعواتهم لج

بس بشرط ما نبي خلطات طبيعيه

لا

نبي كريمات لوشنات سيرومات انبولات يعني بخلاصه مواد

تجميليه طبيه من الصيدليه او شريتيهم من الجمعيه

ياريت يابنات تتفاعلون وترا غيرج يستفيد و يدعيلج انج حليتي

مشكله من مشاكله دعوه في ظهر الغيب تاخذينها وانتي قاعده

في بيتج

لا تبخلين على خواتج

يارب يكون مرجع لنا كلنا

فديتكم

 

[نور المغرب]

رح ابدى باول منتج فادني لتساقط الشعر وهو عطته لي دكتورة جلد
[G]
صراحه روعه لتساقط استعملتهم شهرين الحين ماشاء الله تبارك الرحمان التساقط خف حيل

وهو عباره عن انبولات لشعر استعملهم مرتين بالاسبوع واقعد 24 وهم بشعر كنت احطهم الظهر والظهر لليوم التاني اغسلهم

وعادي اطلع فيهم لوووول مالهم ريحه قويه
اسمهم انبولات phyto
Phytolium٤
ثمنهم تقريبا 22 دينار

 

[&موناليزا&]

موضوع حلوووووو ومفيد

مشكورة حبيبتي

وعزيزتي رفع لعيوووووونج

 

[اشلون يعني &]

صابونة البابايا تهبل
كريم الجلسويد

 

[أم البناات]

خووش موضوع ..والله مادري شقول وشخلي...المهم اول شي لتساقط الشعر حبوب بورتين من اول شهر يوقف التساقط وثاني شهر تحسين قام ينبت الالشعر اليديد بس لازم تواضبين عليه وطبعا هذول خذيتهم من الصيدليه..والحين سوالف الجمعيه طبعا من لوريال كريم للخطوط التعبيريه عجيييب اشوي علييه ومن يولاي كريم اليل والنهار وفيه زبده بعد فيها كولاجين للشفايف هم عجييبه ..وطبعا ماي الورد اللي مايفارقني حاطته في مرش وارشرش منه على ويهي باليوم ثلاث اربع مرات عادي ..وعندج صابونت البابايا بقطع الفواكه اغسل فيها الصبح وقبل ما انام وطبعا خلال شهر الكل لاحظ علي التغيير بس موعارفين وين التغيير بالضبط يقولون صايره حلوه بس وين الحلات مايدرون لوووووول

 

[نور المغرب]

يسلمووو بنات على الرفع الله برفع من قدركم

بحط كريم للهالات يخفيها بي 60 %
وصفته لي الدكتوره وقالت لازم تستمرين عليه
وهاذي صورته اسمه NeoStrata

عجبني حلو انا مستمره عليه

صاحبتي وصفت لها الدكتوره كريم للهالات غير هذا وجربته وصراحه لونهم تغير وشكلي رح اخلص هذا وشتريه
وهذي صورته
Cernor XO

بنات وين مشاركاتكم ولا وحده تحب الخير يعني

 

[MisS.Wawa]

عاد انا يا نور شحط وشخلي
انا وايد وايد اشتري من الصيدليه اكثر من الحواي والجمعيه
شوفي مواضيعي
شقول وشخلي ههههههههه
انشالله اذا رديت البيت احط صور اذا فضيت
الله يعطيج العافيه على مواضيعج الحلوه​

 

[نور المغرب]

خووش موضوع ..والله مادري شقول وشخلي...المهم اول شي لتساقط الشعر حبوب بورتين من اول شهر يوقف التساقط وثاني شهر تحسين قام ينبت الالشعر اليديد بس لازم تواضبين عليه وطبعا هذول خذيتهم من الصيدليه..والحين سوالف الجمعيه طبعا من لوريال كريم للخطوط التعبيريه عجيييب اشوي علييه ومن يولاي كريم اليل والنهار وفيه زبده بعد فيها كولاجين للشفايف هم عجييبه ..وطبعا ماي الورد اللي مايفارقني حاطته في مرش وارشرش منه على ويهي باليوم ثلاث اربع مرات عادي ..وعندج صابونت البابايا بقطع الفواكه اغسل فيها الصبح وقبل ما انام وطبعا خلال شهر الكل لاحظ علي التغيير بس موعارفين وين التغيير بالضبط يقولون صايره حلوه بس وين الحلات مايدرون لوووووول

فديتج اول وحده تحط اشياء استفادت منها الله يحميج يارب ويبارك لج
حبوب الشعر لي قلتي عليهم دورتهم مالقيتهم في قوقل ياريت تكتبين اسمهم بالاجنبي
وفعلا اي شي تواضبين عليه بس ما تتعدين اربع شهور لانه يخلي الشعر كسلان ومعتد على الحبوب او الانبولات
حلو لوريال
هاذي صورته

مال ليل والنهار
بس انا عندي منه حبه مال ليل ونهار وكولاجين بعد بس في فرق بينهم انا شريته من امريكا مدري يمكن هل هم نفس بعض او غيرهم لانها قربت تخلص وابي اشتري غيرها
هاذي صورة لي عندي

منو تعرف الفرق تقولي مممم

وياريت تنزلين لنا صورة مال الشفايف
ويارب تتهنين بالنتيحه والله يديما لج

 

[نور المغرب]

عاد انا يا نور شحط وشخلي
انا وايد وايد اشتري من الصيدليه اكثر من الحواي والجمعيه
شوفي مواضيعي
شقول وشخلي ههههههههه
انشالله اذا رديت البيت احط صور اذا فضيت
الله يعطيج العافيه على مواضيعج الحلوه​

ههههههههههههه انتي مثلي
اقولج تعالي نحط خيمتنا هني هههههههه
ان شاء الله حبيبتي تردين بالسلامه
وانتظر منتجاتج ومواضيعج روعه استفدت منها فديتج

 

[ما كو اسم]

رفع رفع رفع

 

[توتا حمرا]

لوشن نيفيا للتفتيح الطبيعي عن تجربة يفتح البشرة ومع الاستمرار يوحد خصوصا الاماكن الغامجة مثل الأكواع والمفاصل والركب

 

[نور المغرب]

لوشن نيفيا للتفتيح الطبيعي عن تجربة يفتح البشرة ومع الاستمرار يوحد خصوصا الاماكن الغامجة مثل الأكواع والمفاصل والركب

صح كلامج سمعتها من بنات كثيره جربوه

هذا للبشره الجافه حلوووو حيل

هم هذا يفتح وينعم روووووعه

مشكوره توتا على تجربتج فديتج

 

[نور المغرب]

صابونة البابايا تهبل
كريم الجلسويد

:eh_s(16):تدرين اسفه ماشفت ردج
انتي اول وحده تحط شي نفعها
فديييتج
وفعلا البابايا تفتح استعملها هي والجليسوليد

 

[روج بنكي]

upppppppppppp

 

[Kirsten storms]

موضووووووووع روعه ولي رجعه

 

[omsalooom@hotma]

نبي. شي للشعر ينبت ااشعر ساعدونا بتاجربكم

 

[نور المغرب]

تسلمين روج على الرفع الله يرفع مقدارج
تسلمين كريستين فديتج ننتظر رجعتج

بحط شامبو ضدد التساقط هم وصفته لي الدكتوره

الحين صار لي شهرين وشوي استعمله

نتيجه مرضيه الحمد الله
وهاذي صورته اسمه KERIUM من ماركة LA ROCHE-POSAY
شريته من الصيدليه تقريبا 6 او 5 دينار

 

[نور المغرب]

غسول للبشره رووووووووووووووووعه اول ماتستعملينه رح يعجبج حييييييييل ومارح تستغنين عنه في منه للبشره العاديه وللحساسه وطبعا من اخذته بوصفة دكتوره

غسول PROVEGOL SVR
ينباع بالصيدليه
طريقته تحطينه على الوجه دقيقتين وتغسلينه روووووووووووووووعه
هاذي صورته
للبشره الحساسه

للبشره العاديه والجافه

 

[نور المغرب]

وينكم بنات كل هذا مشاهده ومافي ردود يعني ماجربتي شي ونفع لج
انا شكلي بوقف اكتب شي لانه ماينفع تستفيدين وما تفيدين

 

[mnoooll]

فديتك نور كل شي تقدمينه بخدمة الجميع جزاك الله الجنه فيــــه ....

انا جربت شغلات كثيره بعضها اذكرها وبعضها ناسيه اسمهااا اممممممم

عندك اولاي مره روووعه

وعندك بوندس الوردي رااااااااااائع خلصته
وقبل كم يوم شريت بوندس اللي لونه احمر جنان يخلي البشره مورده
وامس كانت عندنا جمعة بنات وقلت مابي اتكلف بالميك اب حطيت من بوندس الاحمر واحمر خدود فوقه خخخخخ
وكحلت عيوني وماسكارا والكل يسألني يقولون فيك شي جذاب مادري مورده وصايره حلوه خخخخ بس ممكن من عنايتي مو منه

بس انا اعجججججججبني

وعندك كريم بالاعشاب اولاي بس ماركزت فيه كثير احسه طلعلي حبوب تحت الجلد

وعندك لووووووووووشن قمه بالروعه اممم لحظه اطلع صورته هو اغلى كريم شريته ويختفي كثير بالصيدليات مادري شسالفته

هذا اسمه urea body lotion babe

مزوووود هالكريم بالفيتامينات مع الاستمرار بتطلعيين توب بس احنا كسولاااات


والاهم بكل شي الغذاءءءء من الداخل او الفيتامينااات مهمه للجسم من جوه والمويه مهمه

ناسيه شغلات كثيرررررره

اممممممم بس افكر وارجعلك واقولك الباقي اذا فتحت مخزني خخخخخخ