جربتي حبوب الرواكتين تعالي ......

[danawi]

السلام عليكم ورحمة الله وبركاته

شلونكم حبايب قلبي يمكن الكل سمع عن علاج حب الشباب الروأكتين وهو عباره عن حبوب تاخذهم المريضه بجرعات على حسب الوزن وتحليل الدم وتصل فترة العلاج لمدة 6 أشهر تقريبا بس لها أكيد أعراض جانبيه .

ياليت كل وحده جربتها تكتب تجربتها علشان الكل يستفيد والله يجزاكم كل خير
:eh_s(17)::eh_s(17)::eh_s(17):

 

[danawi]

معقوله ولا وحده عنده معلومه صغيره عن هالعلاج

 

[زبــــــــدة]

انا كنت بجربهم بس اعرف وحده خذتهم ووقت الدورة ماااااااااااااااتت من العوار ...هذا من اعراضه الجانبيه

وانا مو ناقصه صراااحه عوار ...

بس هذا اللي اعرفه والله

 

[danawi]

مشكوره اخت زبده على الرد

 

[unapproachable]

انا جربتهم وكانت مدة العلاج 7 شهور ... لها اعراض جانبيه اثناء العلاج واااااااااااااااااااااااايد بس تسوا التعب الصراحه .. الحين بشرتي الحمدلله مافيها حبوب واذا طلعت لي تطلع صغيره حيل ومو نفس قبل
يعني كثري شرب ماي ولا تسوين اي رياضه لان العظام تصير وايد ضعيفه والجسم متكسر واذا تبين اي مساعده او اي استفسار دزيلي على الخاص لاني يمكن ماادش هالصفحه مره ثانيه

 

[!الجادل الصعب!]

سوي بحث بالمنتدى .. فيه تجمع لمستخدمآت الروآكتين ..
اقري في الموضوع .. حيل مفيد .. موفقه ..!

 

[اشراقة المحبة]

خذيتها قبل فترة وبصراحة تسوا الواحد ياخذها لاني جربت كل شي حق حب الشباب وما فاد معاي الا الريكوتان ... اكثر اعراضها الجانبية اللي حسيت فيها عوار المفاصل خاصة الركب والحوض ... وبعد النفسية يعني لج عليها ... وبعد تساقط الشعر ... اما الجفاف الحمد لله كان خفيف لاني من النوع اللي اساسا وااااايد اشرب ماي فالحمد لله ما حسيت ان جسمي ناشف بشكل كبير بس كنت اعطش وايد ... نصيحة اذا كنتي تعانين من حب الشباب وجربتي اشياء ثانية وما يابت نتيجة معاج انصحج اخذي الروكاتان نتيجته صج صج روووووعة وعلى فكرة 6 شهور بلمح البصر يطيرون وما راح تحسين فيهم ان شاء الله ... والاعراض الجانبية للدواء باذن الله خلال شهر الى 3 شهور من انتهاء فترة العلاج راح يروح من جسمج وعادي راح تردين مثل قبل وما فيج الا العافية ... يمكن الشي الوحيد اللي لحد ألحين اعاني منه تساقط الشعر بس قاعد يخف ...


اتمنى تستفيدين من تجربتي ... وبالتوفيق ان شاء الله

 

[catwiti]

انا جربتها وخلصت العلاج صارلي اعتقد سنتين من خذيتهم وبالنسبه للاعراض الحمد لله ماحسيت باي اعراض وتختلف عن كل بنت بس صدقينيي لاتحاتيين ماكو شي يخووف لايخرعونج البنات ونادر الي تصيرلهم اعراض مزمنه منها اصلا طول ما انتي تراجعين الدكتور ومعاج تحليلج كل شهر ان شاء الله ماراح يصير الا كل خير واعراضها الجفاف اخر جم شهر بس هم يختلف في جفاف شديد وفي جفاف عادي انا كل شي كان طبيعي الحمد لله
وتييييييييييييييييييينننننننننننن احمد ربييييييييييييييييييييييييييي الف مره اني خذيتهم وافتكيت من الحبوب واااااااااااااااااااااااااااااااااااايد زينين وعلى فكره انا مسويه تجمع من اول ما استخدمتهم بحطلج الرابط ودشي شوفي البنات وشوفي اسئلتهم وسوالفهم بخصووص فتره العلاج
واسم دكتوري كان مشعل الغريب بمركز اسعد الحمد حكومه دكتور فااهم وشاطر و يهبل رووحي وانيت متطمنه ان شاء الله

 

[catwiti]

هاذا التجمع

http://www.q8yat.com/t255726.html

 

[عذبة السجآيآ]

الحين انا قاعده استخدمهم والحمدلله بشرتي تعدلت حيييييييييييييييل

والشي اللي حسيت فيه بس جفاف البشره الجسم والشفايف بس

وشعري يتساقط خلقه من زمان

بس الحبوب رووعه للوجه وحب الشباب

 

[q8ia7]

تنفع حق الحبوب اللي تحت الجلد بنات ؟؟؟؟؟؟

 

[اشراقة المحبة]

الحين انا قاعده استخدمهم والحمدلله بشرتي تعدلت حيييييييييييييييل

والشي اللي حسيت فيه بس جفاف البشره الجسم والشفايف بس

وشعري يتساقط خلقه من زمان

بس الحبوب رووعه للوجه وحب الشباب

اي حبيبتي تنفع وراح تصفي جسمج من كل الحبوب سواء اللي على سطح الجلد او تحته ... رفيجتي كانت تطلع لها حبوب في مانطق بجسمها تحت الجلد وكانت حييل تعورها وخذت الروكاتان والحمد لله راحت كل الحبوب وما قامت تطلعها تحت الجلد ... توكلي على الله واخذيها ... موفقة ان شاء الله

 

[danawi]

أنا وصف الدكتور بس 20 غرام مره وحده باليوم مو جنه خفيف ماراح يأثر ومتى تبدى الحبوب تطلع بالويه ويتهيج البشره بأي شهر من العلاج ؟

 

[توفـــا]

انا عفست الدوره عندي خذيتها لمده 7 شهور وصج صفت بشرتي الحمدلله بس دورتي كلش كلش كل مره نزيف مو راضيه توقف والحين قاعده اعالج هل شي يعني اذا مو حب الشباب مأذيج صغار ولا مو وايد حاولي تعالجينهم بكريمات وهل سوالف بس اذا كبار ويضايقونج وايد ومسوين لج ازمه لا تاخذين ولله انا عالجت شي وطلعلي شي ثاني االدوره مو راضيه توقف مليت الا بحبوب ولا بالغصب بعد توقف

اعدولي اتشافي انشاءلله ​

 

[بنت.المطيري]

انا استخدمتهم. مادري اهم لهم كذا اسم انا استخدمتهم قبل ٤ سنين

بشرتي لله الحمد تحسنت وااااااااايد

وماصرت اعاني نفس قبل. يعني استخدمتهم ٣ شهور اول شهرين يةميا حبتين بعدين تدريجي قللت الى حبة باليوم عقب صار يوم وترك وبعد الشهر الرابع ماستخدمتهم لاني وايد تعبت كنت كله اشتكي من ظهري
وصرت مثل العيوز ككل شي يطقطق فيني والام بركبي وكل يوم لازم احد يدلك ظهري لان صار فيني عوار وخمول


بس مجرد ماتركتهم راح كل شي ومعاه الحبوب

لكن..

اللي باقي معاي لي اليوم واعتقد ان منه .. جسمي ناااااااااااشف وجاف حتا شعري
بس ماني ندمانه الجفاف اشرب ومماي واعيش عالكريمات لكن اهم شي البشرة صافية بس طبعا ترا حزة الدورة طبيعي تطلعلج حبة حبتين صغار عادي جدا

 

[[ نور عيني ]]

بنات اشلون احصل عليهم
من وين وبجم ؟؟
ولازم قبلها اسوي تحاليل واروح حق دكتور ..
وانا بشرتي مو حبوب بس يعني خفيفه وانا اتمنى تكون بشرتي صافيه ..
والحبوب مالتي احياناً تروح وترد شالحل معاها ؟؟

 

[ReeM ^ Style]

تصدقين حبيبتي كنت استخدمهم مدة وقطعتهم
لان دكتورتي قالتلي الرواكتن علاج قوي
ومحد ياخذه بامريكا الا اللي الحبوب مدمرتهم
او اللي اعمارهم فوق ال45
اذا كانت حبوبج ماتسوى كل هالاعراض الجانبيه
لاتستخدمينهم حراام

 

[danawi]

up up

 

[danawi]

روأكتنيات وينكم وين ردودكم

 

[~{GooShTa}~]

انا خذيتهم و الصراحه من عقبهم بشرتي صارت اتينن .. حتى الحبوب اللي بظهري راحوا .. الشي الوحيد اللي عانيت منه انه شفايفي تشققوا وايد و انا بروحهم خلقه يتشققون بس مع الحبوب زاد الجفاف .. بس الصراحه يسوى و انا ترى من اول اسبوعين شفت النتيجه ..
وعلى فكره لها اضرار على الكبد و مانعين هالحبوب ببريطانيا لانه وايد لهم سايد افيكت و اذا انتي متزوجه و ناوية اتيبين يهال بالفتره اللي تبين تستخدمين الحبوب ما انصحج فيهم ..