جربتي التغذيه الي تدد جنس المولود تعالي فيديني ...

[tmtmt]

السلام عليكم ...
شلونكم ...

موضوعي واضح من العنوان ..

منو جربت التغذيه سواء تبي بنت ولا ولد ..
فاد معاج ضبط ؟؟

انا ابي ولد ان شاءالله ربي يرزقني ...

عند منو رحتي اي دكتور ؟؟
شنو لازم تسوين يعني اي معلومه تعرفونها ياليت تفيدوني وتفيدون البنات ...

انا كنت متردده خايفه ان حرام بس الحمدالله طلع يجوز

ف همتكم معاي
يعطيكم العافيه

 

[منتهى الرقة86]

هلا اختي tmtm انا وزوجي صارلنا شهر على الحمية واليوم رابع يوم الدورة وقاعدة اخذ منشطات

بس الحبوب والغسول مالت البوكس الازرق مو موجود بالكويت

وخليتها على الله تم الحمية والغسول

الله يرزقني ويرزقك بالاولاد الصالحين المعافين

 

[tmtmt]

حبيبتي مشكوره على الرد
بس لا تصدميني وتقولين لازم انا وريلي نسوي التغذيه ولا بس انا ؟؟؟
لن ادري بريلي ماراح يدام علىيها ...

ومابي حبوب انا بس ابي التغذيه يعني ما تنفع
ترى ما اعرف طريقتها عدل بشوف اغلب الردود اي دكتور ينصحوني وبروح ان شاءالله

 

[tmtmt]

حبيبتي مشكوره على الرد
بس لا تصدميني وتقولين لازم انا وريلي نسوي التغذيه ولا بس انا ؟؟؟
لن ادري بريلي ماراح يدام علىيها ...

ومابي حبوب انا بس ابي التغذيه يعني ما تنفع
ترى ما اعرف طريقتها عدل بشوف اغلب الردود اي دكتور ينصحوني وبروح ان شاءالله

 

[منتهى الرقة86]

اي حبيبتي لازم انتي وزوجك الدكتور قالي تبدى الحمية من اول يوم دورة لحد اليوم الموعود بس انا بديت فيها قبل قلت اضمن
انا اراجع عند د. مدحت فوزي بمستشفى العرف

هو قالي اضمن شي الحبووووب بس للأسف مو موجوده

والحمية على الخضار والفواااكة بسسسسسسسسس

وتبعدين عن الاجبان والالبان واي شي فيه كالسيوم ابعدي عنه حتى ماي الشرب

وقالي كثررررررررررري مووووووووز لاعت كبدي وانا اكله :eh_s(2):

 

[tmtmt]

ياااقلبي لا تعورييين قلبي

وييييييه شلون اقنع ريلي عيل الله يهديه ويرضى ...

الله كريم ميخالف بعد شتسوين ان شاءالله بتحملين باحلى صبي وتاكلين على كيفج بعدين

 

[منتهى الرقة86]

تسلمين ياقلبي

واذا على زوجك قولي انا موفاضية كل شوي احمل واجيب اذا تبي ولد شد حيلك وانت اللي تحدد

هم عادي عندهم الوضع بس اذا كثروا البنات يحنون يبون ولد

الله يرزقنا جميعا وكل محرومة يااااااااارب

 

[om__jana]

هلا حبيبتي انا نفسج مستحيل اقنع ريلي بحميه ماراح يرضى

انا ان شاء الله مفكره احمل بس بعد مو الحين لأني ابي اخلص من اسناني تنظيف واشوف اذا في سوس وبعدين احتمال اسوي عمليه للبواسير لأني بالحمله الاولى وايد تعبت

بالنسبه لموضوعج انا ان شاء الله بحاول احمل بولد وفكرت اراجع عند الدكتورة معصومه مقصيد لأني سمعت بنات قالوا عندها البوكس الازرق
فيه حبوب والحبوب عاديه حبوب بوتاسيوم ومعاه غسول بس انا اللي اعرفه انه الحميه لازم قبل شهرين تقريبا

وربي يرزقج اللي في بالج

 

[أوكسجين]

اللي اعرفه بس المره تسويه قبل شهر من الحمال
انا بنت خال ريلي عندها 3 صبيان وكانت تبي بنت
وسوته لمدة شهر بروحها من غير ريلها وماشالله الحين حامل ببنت

تمتم راجعي فيها دكتور احسن

 

[داناو]

انا اللي اعرف انج تبعدين عن الالبان والاجبان والخضروات الورقيه مثل الخس والجرجير والبقدونس
وتكثرين موز وسفن اب وبقوليات وزهره...وانج تشربين .. فوار يورال من اليوم 12 اظن الى اليوم 16
وانج تغسلين بدش مهبلي بيكربونات الصوديوم قبل الجماع بنص ساعه
وان تسوين سونار داخلي عند دكتورتج عشان تشوف لج متى التبويض وتحدد لج اليوم والوقت المناسب للجماع بانها تعطيج ابرة تفقيس
يعني ماله داعي تروحين لدكتوره وتقطين فلوس على شغلات متوفره بالصيدليه مثل الفوار والغسول المهبلي...
ولازم الجماع بوضعية السجود مع الاستغفار الدائم .. ودعاء قبل الجماع

 

[tmtmt]

حبايبي مشكووري وما قصرتوا
بس ياليت تعطوني اسامي دكااتره ...

بس انا ودي احمل اليحن هالشهرين يعني ...
سمعت ان يطول 3 الى 6 شهور

الله يرزقني ويرزقكم يارب ...

داناو : ميخالف الدكتور اضمن يقولي كل شي بالضبط احسن اريحلي ...

 

[شووقة]

تمتم وانا بعد معاج ابي احمل بولد
الله يرزقج ويرزقني الولد الصالح قولي آمييييييين

 

[غلا عيوني]

الله يرزقج ان شالله

 

[twinsmam]

الله يرزقج انشالله بالولد الصالح
ما حبيت اطلع بدون تعليق

 

[داناو]

والله انتي نفس حالتي .. انا حاطه في بالي معصومه مقصيد... او نداء بوخضور او فوزيه القطان
مدري احس شاطرات ..وانشالله ببلش من هالشهر

 

[mrs.perfect]

شوفي انا مو مجربه بس منقول
الكل يعرف وسمع بالحمية الغذائية لتحديد جنس الجنين وهذا اقل شي تتبعي الحمية قبل الحمل بشهرين لان لو تبغي ولد لازم يكون نسبة الصوديوم والبوتاسيوم عاليه بجمسك عشانها تساعد لجذب الحيوانات الذكورية .
انا من الناس اللي اكره الروتين وما احب احد يجبرني او اجبر نفسي على شي لفترة او مده طويلة ومعينة لاني اشعر بالملل فشوفي ايش اتبعت ومن راسي لان كان همي اوصل لنتيجة النهائية وهي النسبة العالية للصوديوم والبوتاسيوم في جسمي
- من اول يوم لدورة صرت اكل موز بكميات كبيرة يعني 4 او 5 موزات باليوم . (للامانة هذا اللي اكلته بس لاني احب الموز)
ممكن تستبدلي الموز باي من الفواكه الغنية اللي تحبيها وكتبت لكم الاطعمة اللي تحتوي على هذا العنصرين اللحوم - الاسماك - الخضار والفواكه : البقدونس والثوم والسبانخ والفاصوليا الخضراء والصبار والفريز والتوت البري ويحبذ بقوة الباذنجان والفطر والملفوف والبطاطا والبندورة والمشمش والاناناس والموز والبطيخ والدراق والتفاح والاجاص والخوخ .
- الصوديوم معروف في ملح الطعام كنت والله اشرب موية وملح في الصباح وفي الليل مرتين بعد الفطور احط نص كاسة ماء وعليها ملعقة ملح يعني طعمه معقول وحتى لا يسبب لك استفراغ او شي .
2- اذا دورتك منتظمة سهل عليكي جدا معرفة ايام التبويض لانها عادة في اليوم 14 و 15 و 16 من الدورة او ممكن تتبعي برنامج فيمتا او تشتري جهاز التبويض من الصيدلية او تشوفي افرازات التبويض (في موضوع نزل بالمنتدى صور لافرازات التبويض وبصراحة فادني كثير لاني عرفت البويضة نازلة لمن شفت نفس صورة الافراز اللي حاطينها) جزا الله الف خير كاتب او كاتبة الموضوع كان نفسي الاقيه لتعم الفائدة اكثر لكن للاسف ماني لاقيته واللي يلاقيه لا يتردد لحظة يرفقه في اي رد لهذا الموضوع.
- انا عن نفسي ولله الحمد وما شالله تبارك الله دورتي منتظمة ومارست الجماع عن طريق رؤيتي للافرازات وكانت يوم 12 من الدورة.
3- غسول بيكربونات الصوديوم لا تكثري كميته لانه ممكن يقتل الحيوانات المنوية كلها الذكورية والانثوية - استخدميه بحسب الكمية المذكورة بالروشته .
4- لازم الزوج يغسل اعضاءه وخاصة الخصية بماء بارد لان البرود تشل حركة الحيوانات الانثوية - ممكن تحطي مكعبات ثلج في منشفه صغيرة ويضعها الزوج على خصيته او اي شي بارد علبة كولا او بيبسي فارغه تحطيها في الثلاجة وتكون بارد ليضعها - اي شي بارد .
5 - يجب ان يشرب الزوج كوب قهوة قبل الجماع بنص ساعه - انا يوميتها خرجت من المعهد واشتريت كوبين كوفي وخليته يشرب قلت اشتهيتك تشرب معاية - خخخخخخ وهو مو عارف انها مؤامره لان كما قرأت القهوة تساعد على تنشيط الحيوانات الذكورية يعني تخليها اسرع وهذا هو المطلوب للوصول للبويضه .
6 - عملية الجماع : الزوجة تنتهي اولا وتتم عملية الانزال بوضعية السجود لان الحيوانات الذكوية تنجذب مع القوة الجاذبية الارضية وتصل للبويضه .وباذن الله يكون المولود ذكر .
- هذا كل اللي عملته يالغاليااااااااااااات للحمل بولد والحمد لله عرفت جنس جنيني وهو ذكر ولله الحمد ويارب يحفظه من كل سوء ومكروه وهذا كله بفضل الله سبحانه وتعالى وكرمه .
- كل اللي ابغاه دعوه ان الله يوفقني في دراستي ويهدي ويسخر لي ابنتي وزوجي وابني عبودي اللي جاي بالطريق وان شالله تتسهل ولادتي واولد طبيعي واي استفسار انا موجودة .

اميرة بدنيتي

 

[tmtmt]

مشكووورين كلكم نفرا نفرا

بيرفكت : يزاج الله خير وما قصرتي خووووش معلومات ...

 

[tmtmt]

رفع ...

 

[حرم_طيار]

الله يرزقج الولد ان شألله

 

[ريماالشوق]

اشكر لاخت اميره بدنيتي ع المعلومات افادتنا و جزاها الله خير ويسهل لها ولادتها وتقوم بسلامه