جراحة ضرس العقل

[كلي تفاؤل]

السلام عليكم ورحمه الله وبركاته ...

عندي ضرسين عقل طالعين غلط وحالتهم حاله رحت عند الدكتورة سيلينا بالهادي حبوبه سوت اشعة قالت ((اسنانج حالتهم مستعصية ))لازم جراحة وحولتني على مستشفى الجهراء...


بنات اللى تعرف دكتووورة شاطره في جراحة الاسنان تذكر اسمها ...انا سمعت عن الدكتور عباس الرامزي ...بس ماي هزبن مش راضي ....لازم دكتورة ......بانظاركم جزاكم الله خير

 

[ii DareeN ii]

وايد شاطر د عباس بصراحة دكتورة جراحة اسنان ماعرف شاطرة قليل اساسا بس حاولي تقنعينة لان دكتور عباس وايد شاطر واتوقع له عيادة في مركز بنيد القار التخصصي

 

[.. مـــلاكـ ..]

ماعندي فكرة
سلامات

 

[كلي تفاؤل]

هلا والله دارين ...دكتور عباس اول واحد بروح له ان شاء الله اذا ما حصلت مره وبحاول اقنع زوجي ..غالب اللى دقيت عليهم يا تخصص عصب او تجميلي ..وانا خايفة اروح حق تخصص ثاني غير الجراحة اخاف يلعبون فيني ....طيب موذاكره اي اسم من هالدكتورات ؟؟
مشكورة ع الرد نورتي

ملاك الله يسلمج وجزاك الله خير ع المرور

 

[om3boood]

انا بسوي جراحه ضرس عقل بعد ... عفيه لي سويتيها قوليلنا تجربتج

 

[كلي تفاؤل]

لى الحين ماسويت ...الله يسهل

 

[الحلآآآ]

الله يسهل عليج ,,

 

[كلي تفاؤل]

باركووولى شعلت واحد من ضروس العقل عند الدكتور عباس الرامزي ...في البداية احب اشكر كل البنات اللى كانوا ما يبخلون علينا بالمنتدي بذكر اسماء دكاترة مثل الدكتور عباس الرامزي جزاه الله خير ...

طبعا دخلت العيادة وانا ارجف من الخوف خاصة ان الضرس مكانه على عصب الخد ...دخلت عليه طبعا ما قصر عطاني الزبدة وشرح لى شيسوي وشنو المخاطر قاااااال :انتي ضرسج داخل على عصب الخد وبنسبة 1%ممكن يصير خدران دائم بالشفه السفلى يعني نادر ما يصير هالشئ بس من حقج انج تعرفين هالشئ واللى تبينه انا حاضر ,,

قلت :جراحة ؟؟
قال احاول اكسره واشيله بدون جراحة للكن اذا احتجت راح اسوي جراحة ....

قلت :صراحة انا خايفة ....قال ((الا بذكر الله تطمئن القلوب)) استحيت على وجهي لووول وقعدت اذكر الله ...

صراحة لما شفته لابس لبس العمليات طااااااااااااااااااااااار قلبي وشوي وابجي ...المهم قام يكسر السن ليما شاله ماخذي الا نص ساعه ...وبعدين خيط الجرح ...وقالي اسبوع وتعالى افج الخياط وعطاني علاجات ...

بالنسبه للعوار يعني عادي تقدرون تتحملونه ..بببس الرهبة من دكتور الاسنان هي اللى تخوفنا ...عموما ماحسيت الا بضغط قوي وصوت السن لما يتكسر ..وبعدها لما راح البنج قام يعورني شوي بسبة الخياط ..واي استفسار انا حاضرة ...والسعر :130 دينار لانها جراحة ,,,

 

[miss_math]

الحمدلله على السلامة

 

[كلي تفاؤل]

الله يسلمج حبيبتي جزاك الله خير

 

[مدرسة طفشانة]

الحمد لله على سلامتج وما تشوفين شر

 

[كلي تفاؤل]

الله يسلمج حبيبتي ومايجيج الشر جزاك الله خير

 

[بنفسج]

الصراحة انا بعد عندي ضرس العقل مدفون وافكر اشيله وحولوني جراحة الأميري وهم نفس الشئ الضرس داخل بالعصب ياليت اللي عندها اي تجربة تطرحها لأن حدي خايفة

 

[بنفسج]

بنات اللي عندها تجربة في ضرس العقل المدفون تقولها جزاكم الله خير

 

[ملكة الهدوؤوؤوء]

يووووه ياضرس العقل الله يصبرنا انا عواره يروح ويرد