جدي و جدتي

[strawberry89]

السلام عليكم ورحمة الله وبركاته


انا ما اعرف للمقدمات لكن بدخل بالموضوع مباشره :-

بنات اجدادكم سواء كان جدتج وجدج الله يحفظهم و يرحمهم المتوفين منهم

جربتي تخصصين لج يوم بالاسبوع تروحين تقعدين معاهم انتي وبس مو وقت الزواره يعني وقت مخصص لهم تقعدين تسولفين معاهم بالشي الي يحبونه

تروحين تنامين عند يدتج لو يوم وتقضينه معها تونسينها تسولفين معاها تشركينها باهتماماتج

ولا اذا قعدتي مع يدج و سولفتوا عن زمان اول يااااا حياتي يستانسون

لانه الي اشوفه بالزواره صج سوالف ودنيا بس ما تقضينه معاهم عدل وتسولفون

جربتي تطلعين يدتج او يدج و تمشينهم وتغيرين جو لهم

جربتي تبدين اهتمامج بشنو يحبون وتحاولين انج تبدين اهتمامج فيه



صج الحمد لله احنا نصل رحمنا بس ما نتواصل معاهم بطريقه تونسهم

كل وحده تكتب شنو تسوي لهم و حست انها ونستهم فيه يله

رفعوا الموضوع الله يرفع قدركم :fun:

 

[PinkY Dreams]

الله يرحمهم كلهم توفوا ابو امي وابو ابوي وام امي وابو امي

بس قبل كنت اسولف مع يدي الله يرحمه و كل ماأسولف معاه عن سنين أول يقول والله شقااا أيام البيوت طين
وطبعا كل ماأسولف معاه يقطع السالفه ويقول ( هاااااااا صداام صادوه ولا ماصادوه ؟ ) طبعا هالحجي بالتسعينات كان وايد متأثر بالفزو ويدتي الله يرحمها كانت تغنيلي يامريمي يامريمي تبين داوود وتقرص فخوذي لوول
الله يرحمها ويغمد روحهم الينه

 

[كراميلا مرة]

رد : جدي و جدتي

انا كلهم ماتوا بس ابو امي وبصراحه ماروح ازوره اهو يجي لنا
وجدتي ام ابوي اتذكر كل ليلة جمعه كنت اروح لها وفي الصبح اروح واخدمها لانها الله يرحمها كانت ماتمشي

 

[Dode-blwa]

رد : جدي و جدتي

يدي الله يرحمه كل جمعه نروح له
يسوي غدا لنا من الساعه 12 الظهر احنا عندهم
ونقعد مع بعض بس مو وايد انا الحين ندمت صج كنت اقعد مع بنات عمتي واسولف وع النت
يعني ما اشوفه وايد بس لمن دخل اسلم عليه واطلع

لمن توفى حدددي ندمت اني ماقعدت معاه
نصيحه مني >> سوو لكم يوم خاص تقعدون فيه مع يدج ويدتج
وربي بيفرحون اذكر يدي الله يرحمه شكثر يستانس لمن اقعد معاه واسولف
لاتصيرون مثلي ندمت اني ماقعدت معاه وايد
توفى وانا صارلي شهر مو قاعدة معاه

 

[شيخــه]

اااااااااخ بس عورتي قلبي على جدتي ام ابوي توها متوفيه ماصارلها اربع شهور وحييييييييل حييييييل فاقدتها كانت كل شي بحياتي احبهاا حيييييييل وماستغني عنها مشتاقتلها ابي احضنها نفس اول من كنت صغيره وانا عندها احلى ايام عمري اللي عشتها معاها الحين احس بفراغ كبير نصيحه يابنات لاتخلونهم والله القعده معاهم حلوه وزمنهم وايامهم حلوه فيهم الخير والبركه

 

[غرور وايل]

وعليكم السسلام ~


للاسف الشديد كلهم ماتوا وانا صغيره ~

عسسا جنه الخلد مثواهم و اجتمع معاهم بالجنه ~

والله كريم~

:hjy5jewf:

 

[~ بنت الهدى ~]

رد : جدي و جدتي

الغالي ابو امي توفى من كم سسنه .. اغلى منهم كلللللللهم .. :hjy5jewf:
و ابو ابوي .. اخ بس شر البليه مايضحك :dddds: شقول شحجي..فتحتي جروح مسكره..
لا ما اروح له بروحي لأنه يقول لأبوي خل مرتك تطبخ لنا و تعال انت و جدرك ولا تجيب عيالك oster_av1:

و ام ابوي طيييييبه حيل وحبوووبه و احب اقعد يمهاا بس جدي ينغص علينا وماتسولف معانا ولا تقعد مايخليها جنه توهم معاريس مايقعد بدونها يزفها جدامنها .. :cxxxp:
و ام امي...اروح لها مع اممي و دايم بيتها يكون فاضي و اقعد معاها و نسولف و الحياه حلوه

 

[Ṁαяyŏмα ≈]

رد : جدي و جدتي

.


انا كلهم متوفيـن الله يرحمهم ~