جدر الضغط

[* عباية راس *]

السلام عليكم ورحمة الله وبركاته



بنات بخاطري اشتري جدر الضغط بس حيل خايفه منه

قريت انه انفجر وناس احترقوا منه

وفي ناس يمدحونه ومايستغنون عنه

اللي جربته أتمنى تنصحني اشتري والا ما اشتري

وشكرا لكم

 

[شهدQ]

وانا بعد امي مخرعتني منه تقول مرت جيرانا احترق ويها منه

 

[irresistible]

شتبين فيه يا عباية و شفيها جدورنا يا زينها زينااااااااااااه خلج على مينونج لا ييج اين منه

 

[hmama]

انا انفجر فيني الجدلر

نصيحه لا تشترينه

اشتري جدر من الغانم خاص حق العيش

يشتغل على كهرباء وامن شحلاته والله

انا استخدمه حاليا

 

[GAP^^الكبيرة]

انا استخدمه في طباخ اللحم اذا كنت مستعيله وحق الكراعين... المهم انج ما تبطلينه الا اذا طلع كل البخار عشان لا ينفجر .. بالجدر اللي عندي في نقطه حمرا اذا نزلت معناها اني اقدر ابطله
وصراحه انا اشوفه مريح

واقري هالموضوع بيفيدج ان شاء الله

http://www.q8yat.net/showthread.php?t=97319

 

[خريف]

السلام عليكم
انا من خلقت وامي تستعمله وحاليا ما باستغني عنه ابدا
واذا استعملتيه بطريقه صح ما فيه منه خوف وانه ينفجر هذي من النوادر
واللي احترقت ممكن ما قرات التعليمات الف سلامه للجميع وان شاء الله ما حد يشوف شر
انا عن نفسي بعتبره اساس المطبخ

_________________________________________________________
خريف

 

[جارة القمر]

أنا بيت ابوي


ما يستغنون عن جدر الضغط

بالذات لللحم

وحق الكراعيييييييييييييين

نفس كلام الأخت قاب

 

[شندوخه]

لاتلبسين عدسات لم تبطلين الجدر لان وحده نعرفها ذابت العدسه بعيونها وعمتها اسم الله عليكم

 

[fashion girl]

أهم شي تقرين التعليمات .. وانشاءالله الله الحافظ .. والاحتياطات واجبة حتى بالجدر العادي ..

 

[لوزوجوز]

للافادة بنات اللي بتبطل جدر الضغط تصب عليه ماي قبل لحد ما يطلع كل البخار اللي فيه وبجذي يسهل فتحه


الله يوفقكم

 

[* عباية راس *]

مشكورين عالرد خواتي

بصراحه خفت أكثر عقب ماعرفت ان في ناس انفجر فيهم

على قولة توتا خلنا على جدورنا اللي تعودنا عليها ماتسوى علي كبسة احترق من وراها

 

[النبع الصافي]

اهلي بعد مايستغنون عنه بس الي شجعهم خدامتهم خبره فيه

واشوف دعايات تيفال وودي أشتريه وما أدري احد جربه

 

[* عباية راس *]

النبع الصافي

أتمنى احد مجربه يفيدنا مع ان تجارب البنات معاه ماتشجع