جبسه الحمل

[الكادي 2011]

هلا بنات اني صارلي سنتين من سقطت ولا صار عندي حمل قالولي انه انجبست لان شفت الجنين

منو سمعت او شافت وحده مجبوسه وشنو العلاج وصحيح هالكلام

الحين مافيني شي لا اني ولازوجي مااعرف شنو السبب

 

[*ماي الورد*]

الله يرزقج
عليج بالالحاح بالدعاء

 

[زينة الهيلا]

والله انا هم قالولي جذي انا لما تزوجت اختي نفاس ومافيني شي قالوا الحريم الكبار أني انجبست !!!!! الله يرزقج يالغاليه انا وياج وجميع المسلمين

 

[الزيـــــ^^ـــــن]

حبيبتي في ماي الجبسه لااازم تسبحين فييه علشان تحملين

واذا تبين رقم المرأه ادزلج عالخاص أوكي

والله انه وحده بوحده وبأذن الله بتحملييين

 

[ملح الدنيا فيني]

هذى بدعه وخرافات

عليج بالرقيه وبس

والجبسه نوع من انواع الشرك

مشهوره عند فئه معينه


لا تلتفتين لكلام الجاهلات


وعليج بالرقيه الشرعيه بس من الكتاب والسنه

 

[ba6re8a]

نفس الشي قالوليي واتسبحت بماي مال وحده والده وكله طلع خرابيط


مالج شغل كله حجي عيايييز

 

[الكادي 2011]

مشكورات حياتي صديقتي نفس حالتي جابولها خرز تحطها بالماي وصدك وراء شهرين صار عندها رغم ضلت سنتين تراجع الاطباء

 

["*آآآنؤؤؤقهـ*"]

خرررز بماااي من صجج انتي ولاتضحكين
استغفري ربج يامراا،،.
صدف وحملت الله خلها تحمل بيشرفها تحمده وتشكره
ولاتصدق البدعه اللي اخترعوها بعض البششر ؟؟
الله عظييم اكبر من اي شي خلي ايمانج بالله
وشنو ماي جبسه ،؟؟؟ شنو يعني نحطوط فييه ؟؟
والجبسه خرافات خرااااااافاااااات ،،

 

[*qalaa*]

الله يجبر خاطرك يارب وخاطر كل محرومة

 

[الكادي 2011]

الله يجبر خاطرك وخاطر كل محرومة

يارب:yaaaaaarb:

 

[*ماي الورد*]

اسمع المصريات بدوامي يسولفون عنها
و لهم طريقة بالعلاج بس ناسيتها بس مو خرز

 

[بحر الذكريات]

خراااااافااااات وبدددع وشرك اعوذ بالله

الله يرزقج ويرزقنا بالذريه الصالحه يارب

 

[خيشة شكر@]

الله ياربي يرزق كل وحده فينا اللهم اميين ياربي

 

[الكادي 2011]

الله ياربي يرزق كل وحده فينا اللهم اميين ياربي

يارب ياكريم

 

[خفايا البحر]

الله يرزقكم الذريه الصالحه يأرب

 

[نكهةالبرتقال]

حبيبتي ،،، الغريق يتعلق ختى بقشة

فهمتي ، انا نفسج الحين لي السنة الرابعة انتظر الحمل

و كل ساعة احد يطلع لي شي


مرة يقولون شيلي حشوة اسنانج ، مرة يقولون اكلي اعشاب
و الخ ،،،


حبيبتي ، عندج القرآن الكريم و السنة النبوية الصحيحة

ماعليج من الخرابيط و البدع


هذا اختبار ، من رب العالمين


بس


و علاجج أولا بالرقية الشرعية ، ثانيا عند دكاترة الطب ، مو عند المشعوذين


و اللي حملت من بعد هالخرابيط صار معاها صدفة ، لأن الله كاتب لها الحمل ،

 

[أحبج يمه]

الله يرزقج بالذرية الصالحة

 

[الكادي 2011]

حبيبتي ،،، الغريق يتعلق ختى بقشة

فهمتي ، انا نفسج الحين لي السنة الرابعة انتظر الحمل

و كل ساعة احد يطلع لي شي


مرة يقولون شيلي حشوة اسنانج ، مرة يقولون اكلي اعشاب
و الخ ،،،


حبيبتي ، عندج القرآن الكريم و السنة النبوية الصحيحة

ماعليج من الخرابيط و البدع


هذا اختبار ، من رب العالمين


بس


و علاجج أولا بالرقية الشرعية ، ثانيا عند دكاترة الطب ، مو عند المشعوذين


و اللي حملت من بعد هالخرابيط صار معاها صدفة ، لأن الله كاتب لها الحمل ،

صحيح كلامج الغريق يتعلق ختى بقشة

 

[فروح]

حبيبتي عليج بالدعااااء .. كثري من الدعاااء بصفى نيه ..
وابعدي عن الخرز وهالسوالف اعوذبالله ..

ويـــــأأرب يرزقج ويفرح قلبج .. ~~

 

[حلاتي غير]

علي بقراءه القرءان والاستغفار والصدقه باذن الله تحملين