جاي يشوف الحال كيفهـ بعد ماهزهـ حنينه
................................قبل يسألني سألتهـ كيف حالكـ يالحبيب
قال انا كني غريب ضيع دروب المدنيه
................................قلت انا كني مدنيهـ تنتظر رجعهـ غريب
قال اجل وش فيكـ تكرهـ سيرة الحب وسنيه
................................قلت أجل وشلون ماكرهـ سيرتهـ دامكـ تغيب
انت لامن غبت حتى مرايتكـ صارت حزينه
................................كيف ما تبغاني أحزن وانت لي حظ النصيب
الهدايا والرسايل والمكاتيب الثمينه
................................الليالي والقمر والريح والكون الرحيب
كل ماتبعد تجيب الشعر ليهـ من يدينه
................................وتقعد جروحي تودي بالطورايق وتجيب
يابعد كل القصيد ونزوة حداهـ وانينه
................................لاذكرتكـ لاح بيت وطاح ورد وفاح طيب
وان نسيتكـ مانساني صوتكـ المبحوح لينه
................................ياخذ لجرحي بثارهـ من خطاياكـ ويطيب
وبعد هذا جاي ترمي ذنبكـ بوجة المدنيه
................................مادريت ان المدنيه ـكلها شمعة غريب
التعديل الأخير:
