جايه تخطب لاخو زوجهاوشوفوا وش صار؟؟؟

[فوفو..]

السلام عليكم ورحمة الله وبركاته

♥♥♥ قصه حقيقيه♥♥♥

كان فيه اثنين اخوان متزوجين وعلى مايبدوا قاعدين
في بيت واحد , وحده كانت ربه بيت وزوجه الثاني تشتغل
في قطاع ما المهم الي هي ربه البيت زوجه مسكينه وعلى نياتها
وطيبه ماتهتم في حالها يالله تلحق شغل البيت والاولاد والزوج وماتهتم
بمظهرها اهم شئ عندها تلبي رغبات الاولاد والزوج وتشوفهم مرتاحين ....
نجي عند الزوجه الي تشتغل هاذي عاد برستيج
تهتم بحالها وبمظهرها وطبعا الي هي ربه المنزل بالنسبه
لها وحده بيئه لاتفقه شيئا من امور الحياه وماتعرف الشياكه والاناقه ولاتهتم بنفسها قدام زوجها
فحبت تسوي معروف في اخو زوجها
وقاعده تهديه يتزوج وحده فاهمه وتقوله شوتبي منها
هاذي ماتصلح لك انت يبي لك وحده كاشخه وحلوه خلاص بعطيك
صديقتي عز الطلب انا متأكده انك بتدعي لي لو تزوجتها
الرجال يوم سمع نصيحتها ماكذب خبر قال وينها ....
طبعا نسى افضال زوجته عليه !!!!
وجاء اليوم الموعود قاعد يتجهز للخطبه وطبعا البنت واهلها جاهزين لمايجي على حسب الموعد المتفق ...
تعالوا نشوف شو الي حصل ؟؟؟ وتجهز الرجال وكل شئ لكن
حصل شئ غير متوقع لما كان خلاص بيطلع عشان الخطبه
راحت زوجته قبل ماتعطيه النعال ( طبعا هي مو عارفه وين بيروح ) شافته متسخ مغبر فنظفت نعاله بملابسها ( حليلها )
حز بنفسه وقال هاذي الي بروح اتزوج عليهاشوفوآ شوقاعده تسوي لي ؟؟؟ بطل يروح ذيك الليله يخطب راح متصل عليه
اخوه ويخبره ليش تأخرت ع الموعد مايصير الجماعه
منتظرين فشلتنا بينهم ... رد عليه وقال مابي بطلت ماني متزوج على زوجتي
تعرفون شو الي حصل ؟؟؟ اخوه شاف نفسه في موقف محرج

مع الجماعه راح هو خطبها بدل اخوه عشان يصلح الموقف
اتصلت زوجته ( الي تشتغل ) في نفس الوقت
لصديقتها تستفسر عن الخطبه قالت لها بشري هاااا انخطبتي
لاخو زوجي ردت عليها وقالت لا ابشرك انخطبت لزوجك >فرحانه البنت

وخبزن خبزتيه يا الرفلا كليه :eh_s(2)::eh_s(2):

منقول
ردودكم & تقاايمكم

 

[cady24]

[
center]ههههههههههههههههههههه تستاهل[/center]

 

[شادن33]

اي قاريتها قبل
ومن حفره لاخيه وقع فيها سبحان الله
مشكووووره حبيبتي

 

[بــــدره]

من حفر حفرة لاخيه وقع فيها
احسن تستاهل

 

[iLLuMinaTion]

الله يعين

 

[معشوقتـــه]

هههههههههههههههههههههههههههههههههههههههههههههههههههههه


تسسسسسسسسستآإأهههل

آآآآخخ ودييي اشششوف شششكلها يوم قات لها رفيجتها انخطبتت زوجج ههههههههههههههههههههههه~~>فصلللللللللتت

 

[*ماي الورد*]

حلوة القصة

 

[غربتي طالت]

جان زين لو كل الرياييل مثله,, والله لو تنظف نعاله برموشها بسوي اللي برااسه!



حكااايات الف ليله وليله هالقصه


مشكووره عالطرح

 

[Gifts&Occaions]

تستااهل

 

[PuPa^^SWeeT]

تستاهل



وهذا بعد زيين قدر العشرة شوي

 

[راحيل العبدلي]

احسسسسن تستااااهل ماجاها
وهي شكو بحماها لو متزوج بنقاليه
شكو تبي تخرب بيت الضعيفه ����

 

[|•Nicanora•|]

من حفر حفرة لاخيه وقع فيها


تستاهل الوقحة, هي شدخلها فهالبريئة تبي تخرب بيتها؟​

 

[الريمـ اللعوبـ]

ههههههههههههاااي
علي نياتكم ترزقون شوف المسكينه حركه بسيييييطه كبرتها بعين زوجها

 

[إم بــــرٍآك]

قريتها من قبل

 

[رانيا6]

سبحان الله

 

[♥MaSteRiyA♥]

:krkrkr:​

 

[Miss Eteket]

خبزن خبزتيه يالرفله اكليه تستاااااااااااااااهل

 

[!@Bling@!]

وااااي صج صج تستاااهل هالملقوفه هاذي..!!

بس صراحه قويه رجلها يرقع الموقف يقوم يخطب البنت بدال اخوه هههههههههه شكله اهوا ع طريييف وماصدق خبر...


قطيييعه تقطع رياييل تهون عليهم العششرة ..