جايتكم ضيفه ....وابيكم تساعدوني؟؟؟

[حلوه وصغيرونه]

السلام عليكم ورحمة الله..
شخباركم؟؟

بجي للكويت ان شالله خلال اليومين الجايه وماراح اطول يمكن يومين بس
ابي تدلوني على الاماكن الزينه اللي اروحلها والاسواق والمطاعم >>>>>كلها يومين وابي ازور كل شي:dddds:

يعني ابي افضل الاماكن اللي عندكم يعني افضل مجمعين وافضل المطاعم >>>>>يعيني اماكن تكفي ازورها خلال اليومين_03BA:

واهم شي اللي امووووووووووووووووووووووووووت ابي اشوفه سوق الهنود اللي تجيبون منه المكياج _03BA:



وشكرا مقدما :tek:

 

[حلوه وصغيرونه]

نسيت اقولكم ابي العنوان حق الاماكن اللي بتذكرونها >>>>>تعرفون كلها يومين ماابي تروح على اللف والدوران

ولا تنسون عنوان سوق الهنود حق المكياج>>>>>>>مو ذنبي اموت على المكياج

 

[@@@ام حمووودي@@@]

حياااااااااااااااااااج الله حبيبتي وبتنور الكويت ..........

أول شي سوق الهنود اللي تبينه اهوا سرداب المباركيه اللي بالديره ( سرداب الشايع ) وطبعا بالسرداب المكياج وفوق فيه المحلات اللي تفتح النفس عطورات وبخور وملابس ..........الخ

المجمعات عندج الافنيوز لا يطوفج وبعد المارينا مول وسوق شرق ...
المطاعم عندج فريج صويلح وعندج المطاعم اللي على شارع الخليج طبي وتخيري .....

وحيااااااااااااااااااااااج الله

 

[شيهانه]

اختي ما انصحك بفريج صويلح حده شعبي ..

روحي الافنيوز بمنطقة الري

روحي الرايه بمنطقة شرق ويمه سوق شرق وقريب عليهم سوق المباركية ( فيه سرداب الشايع الي فيه المكياج ) ويمهم مجمع الصالحية هذا كله ماركات


بمنطقة السالمية .. مجمع المارينا مو والكرسينت الي مقبله كله مطاعم وجلسته وااايد حلوة وبعد عندك مجمع الفنار ومجمع زهرة ومجمع الثريا كلهم بالسالمية وكلهم جنب بعض ..


المطاعم الحلوة عندنا اذا تبين هندي روحي اشاز بالافنيوز والمارينا كرسنت وهم المارينا كرسنت فيها كذا مطم حلو توتالي فيش وشوكلت بار وماكي وغيرها والافنيوز متروس مطاعم حلوة يعني تمشوا فيه وتلاقون الي يناسبكم ..وعندنا اللبناني اشهر شي ميس الغانم وبرج الحمام و الميجانا و المياس ..

واذا اي سؤال ثاني انا حاضرة

 

[غيـ الناس ـر]

اذا تبين السوقه الزينه والغاليه روحي الصالحيه والرايه ..

بالنسبه للمطاعم اذا ودج بشي رااااقي روحي الفنادق ..


ارشح لج جم مطعم


ياباني .. ساكوره بكراون بلازا الفروانيه
صيني .. ساس عالبحر
ايطالي .. ريكاردو الشيراتون
ايراني .. شهريار الشيراتون
لبناني .. الطربوش الشيراتون


اذا حابه نوع معين من الاكل قوليلنا ندليج على مطاعم

 

[بنت الامير]

حياج اللة في بلدج الثاني
ونفس ماقالولج البنات اهم مجمع والاجدد ( الافنيوز )
وبعدين عندج السالمية شارع سالم المبارك
والمارينا والفنار ...
والمطاعم انا غرامي الاسماك عند مطم فيش ماركت يم الابراج بالظبط ... وعندج مطعم النوخذة في مجمع بلازا بحولي ...
واتمنى انج تستانين عندنا ....

 

[حلوه وصغيرونه]

ام حمودي - شيهانه - غير الناس - بنت الأمير
بعد عمري والله ماقصرتوا الله يحقق لكم اللي ببالكم

وطلوا على موضوع يمكن يطرى علي شي >>>>>>ماانعطى وجه ابد هههههههه


معليش بثقل عليكم ابي أسأل عن فنادق أو شقق مفروشه تكون مو غاليه يعني سعرها وسط ؟؟واذا مافيه كلافه ابيها بجنب الأسواق والمجمعات اللي اذكروها ؟؟

 

[سمبوسة]

حبيبتي حياج الله بديرتج

بالنسبة للسكن شوفي هالرابط فيه صور وعناوين وأسعار ونصيحة اختاري بالسالمية أقرب لج للسوق والمطاعم
http://travel.maktoob.com/vb/travel159240/

والسوق ما قصروا البنات والمطاعم جربي اللي بالمارينا كرسنت حلوين وقعدتهم حلوة وخصوصا الجوكليت بار اذا بتحلين

 

[حلوه وصغيرونه]

سمبوسه>>>>>>>>>اشتهيتها
يسلمووووووووووووووو يعطيك العافيه حبيبتي

 

[اميرة الغيد]

اول شي حياك الله
والاسواق ماقصروا البنات فيهم اذا تبين ماتفترين ويروح عليج الوقت لان المده قصيره حددي شنو السوق اللي تبينه لان ديرتنا مليانه اسواق يعني تبين شي رخيص والا متوسط والا ماركات والا اسواق حق العبي انتي حددي واحنا نقول لج وبالنسبه للمطاعم لاتحاتين من هالناحيه مطاعم الكويت يمكن اكثر من البيوت واكثرها نظيفه وحلوه وسعرها معقول ، بالنسبه للسكن انصحج بفندق ريتز بالسالميه غير انه حلو وراقي مكانه بنص مكان الاسواق والمطاعم قريبه عليه .

 

[حلوه وصغيرونه]

اختي سالمية ...........
انا هذا اللي ابيه ان الوقت مايضيع علي عشان كذا سألتكم واعرفكم متقصرون.........
أنا ابي اسواق ماهي موجوده عندنا يعني ماابي افتر بمجمعات كلها نفس ماركاتنا او نفس المحلات>>>انا من السعوديه الشرقيه
يعني ابي الاسواق اللي اجيب منها شي مو موجود عندنا سواء ملابس او اكسسوار او مكياج ....

 

[بنفسجية]

الاسواق :
الافنيوز : مجمع كبير و فيه كل شي
محلات مثل مانجو ، زارا ، توب شوب ، موسكينو
كل لحظة ، فيرساس ، سي باي كلوي و غيره و غيره ..
جمعية كبيره : كارفور .
11 سينما بينهم سينما في اي بي .
مطاعم : ماكي ياباني ، نينو ايطالي ، اشاز هندي ، جاردن ايراني
الفيرنو ايطالي ، فرايديز و غيره .
قهاوي : شوكليت بار لا يطوفج ، لورينزو كافيه ، هاجين داز و غيره .
و ترى اهوا وايد كبير ، عادي تقضين فيه يوم كامل ..

مارينا مول: مجمع كبير ، منقسم نصين ..
الجزء الاول الي فيه محلات و سينما
وفيه كذا محل مو موجودين عندكم منها
زيربافت ، جايد فاشين ، تواقيع
والجزء الثاني عالبحر ، كله مطاعم و قهاوي
منها كافيه بلانك ، زعتر و زيت و كوستا .

الكوت و المنشر : هذولا مجمعين حلوين قراب من بعض حيل
مكانهم بعيد بالفحيحيل ..
الكوت حجمه شوي صغير
فيه سينما و كذا محل و جمعية
وداخله مطعم لبناني رهيب اسمه ميجانا
و المنشر حجمه اكبر و متروس مطاعم
و فيه فيلا مودا " ماركات " و جذي شغلات ..

هذولا التوب من المجمعات عندنا .. و الباجي
الفنار ، الراية ، الصالحية ، سوق شرق
المهلب ، ابراج العوض ، بلازا ..

اذا تبين ماركات روحي الصالحية فيه
ل في ، ديور ، فندي و فيرساتشي .
الراية فيه بربريز .
فيلا مودا بالمنطقة الحرة
فيه جوتشي ، برادا ، دولجي اند جابانا
و غيره من الماركات ..

اتمنى اكون فدتج!​

 

[سمبوسة]

حبيبتي بعد نسيت أقولج حاولي تمرين بيت ديفا وكاريزما وبيت سدرة وانت طالعة من سوق شرق يصيرون قبال سوق شرق والمستشفى الأميري بيوت عربية صغيييرة يعرضون فيها المصممات الكويتيات شغلهم أو بضايعهم اللي يجيبونها من برة وخصوصا ألحين فيه شغلات حلوة لرمضان والعيد ومو موجودة بمكان ثاني يعني انشالله تشوفين شي مميز
واختي بنفسجية بعد ما قصرت
وحياج الله مرة ثانية

 

[حلوه وصغيرونه]

اختي بنفسجيه ..............مشكوووووووووووووووووووووررررررررره ماقصرتي بعد عمري
سمبوسه .............. ياحبيلك والله ماقصرتي

 

[بنفسجية]

حاضرين
حياج الله حبيبتي ..​

 

[الكادي 1981]

حيــاج لله والبنــات ماخــلو شــي نقـــوله

 

[بنت جنيف]

يومين مايمديج اتفرفرين بالسوقه والمطاعم

 

[BabyStar]

حياج الله
الصراحه البنات قالوا كل شي )

 

[Lady^bird]

ان شاء الله استفدتني من البنات .. وحياج الله بديرتج الثانيه