الزواج المبكر
ضد لانه يؤثر على المستوى الدراسي والتحصيل العلمي وبعدين لاحقين ع الزواج نخلص دراسه بعدين يصير خير وبعدي الرياييل هاليومين يبونها موظفه
الوثوووق بالناس
اكيد ضد
قيادة المرأه للسياره مع شي مهم تحت ظل روتين الحياة السريع يعني الوحده ماتدري يمكن يصير لها حاله طارئه لاسمح الله على مايوصل ريلها الا وييييييييين p:
حقوووق المراه
اكيد مع حقوق المرأة وهذا الشي لانقاش فيه موجود من عصر الرسول -صلى الله عليه وسلم- بس اكيد لازم نحسن الاختيار
التمسك بالرأي الخاطيء
ضد- كل واحد له حريه التعبير عن الرأي ولكن يجب ان لايكون في موضع خاطئ وهو يعلم انه خاطئ! فالاعتراف بالخطأ فضيله
الثقه الزائده بالنفس لووووووووووول مع بالعكس شي وايد حلو ذكرتيني بوحده تصير لنا مافيها من الجمال ولا حبه بس صج مشالله ثقه بالنفس موطبيعيه تخلي الناس صج تحبها !! تخيلوا !
مقووله الغاية تبرر الوسيلة
ضد ليس كل وسيله خاطئة ممكن نستخدمها للوصول لهدفنا يعني غلط الواحد يدفع فلوس عشان ياخذ شهادته بفلوس بدون لا يبذل اي جهد فهو غايته الشهاده ولكن وسيلته غير صحيحه فهي خاطئه
الاختلاط
الاختلاط مايمنع من الاختلاط! عادي يعني! بس اللي نشوفه هاليومين من لبس ومكياج يعني موبس البنات حتى الشباب والاغراءات والعطور جنه رايحين سهره يعني اكيد بتصير مشاكل بهالحاله!! يعني بكل مكان موجود الاختلاط لما نروح بيت الله والناس بالطواف والسعي بين الصفا والمروه موقاعدين نشوف هالمشاكل ليش! لان ملتزمين بدين الله والاخلاق على الرغم من وجود اختلاط وكل واحد مستور فلما الواحد يلتزم بأخلاق دينه ويلتزم بمبادئ الاسلام فهالشي مايمنع من الاختلاط!!
