جاوبوني ليه يعني لازم ارفع صوتي واصرخ !!!

[مابنكسرصابره]

احنا نلاحظ في هالزمن في نا س طيبين وفي ناس قاسين والاشخاص الطيبين دايم مظلومين ولاينحط لهم حساب ويناكل حقهم والفئه الثانيه الناس القاسين اوالمتسلطين الكل يحط لهم اعتباروكلمتهم اللي تمشي والله يكسرون خاطري الطيبين بهالزمن وانا من ضمن الناس الطيبين انا من النوع اللي اموت بصديقاتي على انهم مايجوني الاوقت مصلحه بس مايهون على اتركهم عشره بينا وماقدرارداي انسانه تقولي انا متضايقه محتاجه لك حتى لوبينا زعل بسرعه ينكسر خاطري ويقاطعوني شهورواذا كلمت وحده منهم وسالتها وش اخبارفلانه تقول كل يوم تكلمني وانا بس وقت حاجتها تدرون ليه لاني من النوع اللي ماعاتب الوحده بس صديقاتي اذا الوحده ماكلمتهم كلوها بقشورها عشان كذا يحطون لهم حساب ولايستهينون فيهم لاتقولون لي غيري طبعك ماعرف انا ربي خلقني كذا بس انا مومن النوع اللي شخصيتها ضعيفه ويناكل حقها لاوالله بس يحزبخاطري هالشئ يعني لازم ارفع صوتي واصرخ عشان يحطون لي حساب انا بس استمع واريح الوحده اذا شكت لي بس والله انقهرموبس انا في كثيرمن هالفئات واشوف بعيني واتضايق

 

[صعب غلاها]

والله هالايام صاير ماكو رفجه كله مصلحه بمصلحه

وقت اللي تحتاجج تلقينها تركض وراج بس تخلص منج ولا جنها تعرفج

 

[شذى2007]

عااااااااااااااادي ياقلبي عاتبي بس مو حيل باسلوب حلو

 

[يا عيون جدي]

رد : جاوبوني ليه يعني لازم ارفع صوتي واصرخ !!!

بس خلج ع طبعج بالعكس الطيبه حلوه مهما كانت تاخذ من حقوقج
وخلج احسن من رفيجاتج ما تدرين يمكن تحس ع دمها وترجعلج

لا هنتي يالغلا ع الموضوع

 

[&شوارفسكيه&]

اهم الغلط وانتي الصح يا الغاليه
دامج تشوفين ان رفجتهم مصلحه خلي علاقتج صطحيه فيهم
سلام عليكم وعليكم السلام وبس
والدنيا مثل مافيها الشين فيها الزين
يعني كلنا عندنا رفيجات بعضهم تحسين مصلحجيه ترافجج علشان فايده وبعضهم تحسين من حبها لج ترافجج وتستمر علاقتج فيها سنين
وهذي حال الدنيا

 

[كويتية وكلها جاذبية]

ما في صداقه في هالزمن صدقيني
خلج مع اهلج وبس
هذا زمن المصلحه خلي علاقتج سطحيه مع اغلب الناس واذا ما دقوا علييج اهما الخسرانين مو انتي
والطيبه احسن شي عرفتي لان الله يحبج مخلي قلبج طيب ونظيف مو مثل الكل
ويمكن في اشياء مشتركه بينهم وبين بعض عشان جذي يدقون على بعض واييد انتي همن خلي علاقتج فيهم سطحيه لين تحصلين الصديقه الي كل يوم تدقين عليهاا وادق عليييج

 

[عذايب عجمية]

رد : جاوبوني ليه يعني لازم ارفع صوتي واصرخ !!!

خلك على نيتك وطريقتك وربى بيرزقك نفسك ناس طيبين والله كلنا متاذين من نفس الموضوع وانا اختش

 

[ماء اللقاح]

رد : جاوبوني ليه يعني لازم ارفع صوتي واصرخ !!!

حبيبتى فى هذا الزمن ما فيه صدقات الاماندر وأنا أتكلم عن تجربه والله لى صديقه ما أنسا ها وقفت معها أكثر من الاخت والله لدرجه أن أنزل لسوق مع زوجى أشترى لعيالها أثياب وبدل لان زوجها ما يرضى لها تنزل السوق ومره تحسب ومره لا وأقول معليش من فرج عن مسلم كربه من كرب يوم القيامه فرج الله عنه كربه من كرب يوم القيامه
وفى موقف صغير نصحته فيه وما جات النصيحه على هو دارها تسببت وغلطتنى وما أقول الا حسبيى الله ونعم الوكيل :rgewrg:

 

[aṕriliå]

رد : جاوبوني ليه يعني لازم ارفع صوتي واصرخ !!!

انتي ماشية الدرب السوي ..

وانا فعلا مثلج كلمة توديني وكلمة تجيبني ..

بس الشكوى لله ..

 

[@ كويتيه @]

حبيبيتي مو المشكله انا مثلج بسسس ما اسكت لهم كما تدين تداان

 

[أم توتو]

عامل الناس كما يحبوا ان يعاملو ا هذا اللي قاعده اسويه

 

[ظفاريه كول]

هذي الحال الدنيا وكلنا كذا انا بعد مثلك صديقاتي ما يعرفوني الا وقت المصلحه اذا يبون رصيد او غيرة بس مرات مثلك يكسرون خاطري ومرات اعاملهم بالمثل

 

[الغلا كله لبوي]

مثل مايطنشونج طنشيهم ومافيها شي لو عاتبتيهم بااسلوب حلو بعدين

علاقتج معاهم خليها سطحيها

وربي يوفقج بصديقه الي تحبج وتقدر صداقتج صح

 

[Vdieta]

كلامج صح

شنسوي الزمن تغير

 

[تذكر خافقي رمحك]

والله وايد معورة راسج
الي تبيج اهلا وسهلا
والي ماتبيج ماتشوف شر
اما الي ماتييلج الا عشان مصلحتها .. سدي الباب بويهها