جاوبوني على سؤالي الله يجزاكم الجنه

[شوكلاتة سويسرية]

باقي على موعد الدورة الشهرية 9 ايام, لكن عندي احساس داخلي اني حامل
يمكن يكون غلط
لكن ملاحظة على نفسي اني كلش مو طبيعية
يعني الم اسفل البطن اول ماقوم
ولما احاول اشفط بطني على داخل ماقدر يألمني
وشهيتي مفتوحة,ودايم اصدع.
مادري يمكن اتوهم:eh_s(10):
شرايكم؟
وهل اقدر اسوي تحليل حمل منزلي قبل الدورة ويكون دقيق؟:gr4uu:

 

[سمووورة]

والله مادري سووي تحليل منزلي او تحليل دم بس نطري شووفي الدووره تتاخر عليج

 

[مناير البيت]

هلا حبيبتي
انا لما كنت اشك اني حامل اسوي التحليل المنزلي ..
وقبل الدورة باسبوع واكثر ..الحين انا حامل وسويت التحليل قبل الدورة باسبوعين
وطلعلي خط ثقيل وثاني خفيف حيل فعرفت اني حامل ..​

 

[شوكلاتة سويسرية]

بسوي تحليل منزلي
بس ان شالله يعطي نتيجة مضبوطة وهو قبل الدورة بفترة

 

[يا عيون سمي]

حبيبتي نطري لما تتاخر الدوره وحللي دم واذا مستعيله حللي دم هرموني يبين قبل الدور بسبوعين

 

[لوكي 22]

براحتج سوي دم ادق
واذا قبلها بيومين سوي تحليل منزلي
موفقه

 

[م و م وبينهم ري]

باقي على موعد الدورة الشهرية 9 ايام, لكن عندي احساس داخلي اني حامل
يمكن يكون غلط
لكن ملاحظة على نفسي اني كلش مو طبيعية
يعني الم اسفل البطن اول ماقوم
ولما احاول اشفط بطني على داخل ماقدر يألمني
وشهيتي مفتوحة,ودايم اصدع.
مادري يمكن اتوهم:eh_s(10):
شرايكم؟
وهل اقدر اسوي تحليل حمل منزلي قبل الدورة ويكون دقيق؟:gr4uu:

حبيبتي انتي نفس الاعراض الي صارتلي و إنشالله حامل بس يوم سويت تحليل المنزلي ما بين حمل لان مو دقيق إذا باقيلج 9 ايام سويه قبل الدوره بيوم ولا يوم دورتج يكون التحليل دقيق 99 بالميه ومكتوب بكرتونة التحلل 4ايام قبل الدوره 50 بالاميه و3ايام قبل الدوره 70 ويومين 80 ويوم قبل الدوره 99 بالامييه الدقه ف 9 ايام ما راح ايبين:eh_s(7):

 

[شوكلاتة سويسرية]

مشكوورين وماقصرتوا
الله يجزاكم خير

 

[الحرير]

انا انصحج ماتسوين الحين
نطري على ما يطوف موعد الدورة بيومين
وبشرينا بالحمل ان شاء الله

 

[درر ستار]

أول ماحملت جاني شد اسفل بطني أول ما أقوم
مبرووووك إنتي حـــــــــــــــــامل

بشريني بعدين عالخاص

 

[شوكلاتة سويسرية]

ان شالله ببشركم اول مايحصل حمل
الله يرزقكم بالذرية الصالحه يارب

 

[شوكلاتة سويسرية]

أول ماحملت جاني شد اسفل بطني أول ما أقوم
مبرووووك إنتي حـــــــــــــــــامل

بشريني بعدين عالخاص

يوم مابقى على موعد الدورة الا يوم واحد سويت التحليل المنزلي مرتين
كلير بلو وواحد من ماركة ثانيه
والحمدلله كلهم طلع حامل
رغم انة مايطلع غامق مرة :yaaaaaarb:
وبكرا ان شالله بسوي تحليل دم عشان اتاكد زود:ggdw:.
بس بعرف انا الحين باي اسبوع وباي شهر ووش السالفه ماعرفت احسب وحست
ابي اعرف انا باسبوع كم بالحمل
اخر دورة ابتدت في 25_6_2011
وانتهت في 30_6_2011
ممكن احد يعلمني الحين وش السالفه

 

[تبطي عظم!]

مبروك حبيبتي الحمل روحي لدكتوره تطيج فيتامينات وفوليك اسيد

وتقولج انتي بأي اسبوع

 

[جمالي خيالي]

في مواقع تحسب لج شكثر لح حامل

وفي برامج للآيفون تحطين تاريخ اخر دوره ويطلع لج شكل البيبي بالصوره وشكثر لح حامل بالايام والاسابيع

تلقين هالبرامج بال اب ستور حطي كلمه pregnancy واختاري البرنامج اللي يعجبج

 

[KOKO_284I]

التحليل يبين اذا قبل الموعد 4 ايام بس اذا مستعيله الهرموني يبين لج . بس نطري حبوبه ما بقى شي

 

[Kawaii GiяL]

تو الناس علتحليل حبيبتي حتن بالتحليل الهرموني ماراح يبين و اهو اكثر فحص يبين الحمل مبجر

فما بالج تحليل دم و منزلي ماراح يبين و نتيجه بتطلعلج سالبه

اذا مستعيله تبين تعرفين نطري خل يصير " باقي على دورتج اسبوع " التحليل الهرموني يطلع نتيجه قبل الدورة باسبوع
بس راح تكون نسبة حيل خفيفه بس تتعدا ال 5

تحليل الدم العادي راح يبين "بعد تأخير الدورة باسبوع"

غير هالاوقات النتيجه مو مضمونه
التحليل المنزلي بحكم تجربتي ما اعتمد عليه لان سويته مرتين و انا حامل طلعلي سالب و انا شاريه احسن نوع بالصيدليه




​

 

[Kawaii GiяL]

حبيبتي حملج صارله 3 اسابيع و 6 ايام
باجر انشالله تكملين شهر ( 4 اسابيع )

اخذي pregnaplan حتا لو موحامل مفيد فيه كلشي حق الدم وايد زين

انشالله موعد الولادة يوم السبت 31-3- 2012
تابعي بنات تجمع مواليد مارس

و اذا تبين تتابعين حملج نسخي رابط BB code و حطيه بتوقيعج
http://www.pregnology.com/preggo-ticker.php?day=31&month=03&year=2012

و الياهل ماراح يبين ال بالاسبوع السابع يصير بحجم الزيتونه
بالاسبوع السادس راح يبين الجيس بس قبل الاسبوع السادس ماراح يبين بالسونار شي لا تتعبين روحج

في جميع الاحوال لازم تراجعين الطبيب عشان يوصفلج بريقنابلان

و لو رحتي بالاسبوع السادس و مابين الجيس لا تحاتين هم عادي جايز حملج مو على موعد دورتج و لاقط متأخر
فا راح يعطيج حسبه ثانيه

يعني انا الحين المفروض بالاسبوع 14 على موعد دورتي
بس حملي لقط بعد الدورة باسبوع فا صرت الحين بالاسبوع 13 عرفتي

و بس مبرووك حبيبتي الحمل الله يثبته لج انشالله
و يارب يهون علي و عليج النساة و الوحام و الطلق و الولادة
​

 

[شوكلاتة سويسرية]

ماقصرتي يعطيك العافيه والله يقومج بالسلامة يارب

 

[خيشة شكر@]

مبروووووووووووووووووك والله فرحت لج والفال لي ان شاء الله ياربي
اللهم لاتذرني فردا وانت خير الوارثين

 

[ام الشوامس]

عالبررركه
و الله يثبته ياارب و يجعله من الذريه الصالحه