جامعة الكويت

[كويتية كيوت و]

السلام عليكم بنات
انشالله بخير يارب
انا داشه بنك رفيجتي
حبيت استفسر انا مستوفيه شروط القبول في جامعة الكويت ونسبتي 82 ولم يتم قبولي وانا مقدمه على التربيه الاساسيه بعد وانا بخاطري الجامعه بغيت اعرف اذا داومت بالاساسيه هالكورس يصير اقدم عالجامعه الكورس الثاني ولا مايصير راح ياثر علي لاني احترت حيل ناس تقول ياثر وناس تقول عادي اللي تعرف لا تقصر علي بالرد :eh_s(22)::eh_s(16):

 

[رحماك ياربي]

اتوقع يصير بشرط تسحبين اوراقج من التربيه الاساسيه بعد ما يقبلونج بس ماتدرسين فيها ولا اداومين

بس وتقدمين اوراقج للجامعه الكورس الثاني وأكيد راح يقبلونج

وبالتوفيق لج انشاءلله

 

[غلا دنيتي جابر]

سحبي اوراقج وقدمي الكورس الثاني
موفقه ان شاء الله

 

[كويتية كيوت و]

انا اللي بعرفه اذا داومت:eh_s(11): بالاساسيه هالكورس عشان اظمن شي اخاف مايقبلوني الكورس الثاني فاكون ظامنه الاساسيه عالاقل اللي بعرفه الكورس اللي بداومه بالاساسيه راح يمنعني من التقديم للكورس الثاني بالجامعه امانه اللي تعرف ترد علي ولها دعوه حلووه مني والله اني محتاره حيل

 

[كويتية كيوت و]

امانه بنات ردوا يارب اللي ترد علي توفقها ويحقق اللي ابالها

 

[ورور92]

حبيبتي ..

فلنفرض مثلا .. قدمتي على الاساسية .. و اقبلوج و درستي فيها..

شنو الضمان ان جامعة الكويت بتقبلج ؟ يعني لو بتقدمين على الجامعة .. لازم تسحبين اوراقج سواء درستي او لا ..
عساس تقدمين عالجامعة و تنقبلين ..


بالحالتين لازم تسحبين اوراقج .. اتمنى اوصلت الفكرة ^_^

وانا اقول 99% ان شالله بتنقبلين نسبتج عالية الحمدلله .. ليش تحاتين ..؟؟

انتي تبين اي كلية ..

عسى الله يوفقج .. وتدخلين الكلية اللي تتمنينها ^_^

 

[ALo0ota]

حبيبتي بس بعطيج معلومه ..الجامعه ماتقبل طلاب مقدمين ع الجامعه وع التربيه بنفس الوقت وهالشي لان الاماكن محددوه بالجامعه والتربيه تسمح بكميه اكبر من الطلبه ..ولهالسبب مااقبلوووج لانج مقدمه ع التربيه


قبول الجامعه ماتضمنينه ..كوز رفيجتي دفعة 2010 ونسبتها كانت 92 اسحب اوراقها من كليه الطب المساعد عشان تقدم ع كليه الهندسه اططردوها من الجامعه..
الجامعه الحين تبي تفضي طلبه عشان المستجدات ..

فنصيحه خليج بالتربيه هالكورس ..وسحبي اذا قبولج الجامعه وتاكدتي فعلا انه تم قبولج ..كوز الجامعه اكتفت واغلب الطلبه ارفضووهم ...

والله يكتب لج اللي فيه الخير سواء بالجامعه او بالتربيه ..

 

[بنت^مطير]

حبيبتي نسبتج عاليه و تقبلها الجامعه! قدمي كورس ثاني مو خسرانه شي و اذا خايفه روحي القبول و التسجي مع بدايه الدوان وسألي و تطمني ! و احسن كورس ثاني لانه ماكو ضغط نفس كورس الاول

 

[رحماك ياربي]

لا حرام صدقيني تقدرين


خلي شهادتج تكون جامعيه


لا تخافين راح يقبلونج انشاءلله الكورس الثاني


لانج مستوفيه كل الشروط لا تحاتين

سحبي اوراقج افضل

 

[فـــخـــر]

اذا انقبلتي بالتربيه الاساسيه يبين عند الجامعه انج مقيده في التربيه

وماشالله نسبتج حلوه يعني ان شالله تنقبلين

 

[al-shyo0o5]

رفيجتي مثل حالتج بالضبط و مثل نسسسبتج

سجلت بـ آالاساسيه و الحين عقب امتحان القدرات و التسسجيل و م بقى شي ع القبوول غيرت رايها و تبي الجامعه

دقت ع الجامعه وشرحتلهم وضعها و قالت لهم نسسبتهاا

و قالولها قبوولج مضضموون بالجامعه الكورس الثاني

تبي كلية التربيه


بس معلوومه جديده انها المفرووض م تداوم بالاساسيه !

 

[كويتية كيوت و]

مشكورين عسالله يحقق كل اللي ابالكم يارب
انا ودي بكلية الشريعه
امانه اللي تعرف رقم الجامعه تعطيني عشان استفسر اكثر

 

[al-shyo0o5]

شلوون رفضتج الجامعه , رفيجتي نسسبتها 82 بووينت 8 إنقبلت شششريعه

والشريعه يبوون 82 بووينت 5 يممكن آنتي آقل من 5

عمومـآ هذآ رقم آلجآمعه 50200808 تقدرين تسستفسسرين عن آلي تبينــه

و مووووفقه غلـآي

ع فككككره ترى النسسب تنزل الفصصل الثاني , والششريعه تصير 80 تقريبا يعني تنقبليـــن إنششالله

 

[كويتية كيوت و]

شلوون رفضتج الجامعه , رفيجتي نسسبتها 82 بووينت 8 إنقبلت شششريعه

والشريعه يبوون 82 بووينت 5 يممكن آنتي آقل من 5

عمومـآ هذآ رقم آلجآمعه 50200808 تقدرين تسستفسسرين عن آلي تبينــه

و مووووفقه غلـآي

ع فككككره ترى النسسب تنزل الفصصل الثاني , والششريعه تصير 80 تقريبا يعني تنقبليـــن إنششالله

انا قدمت تربيه وحقوق واداب وعلوم اجتماعيه وشريعه وللاسف ولا شي قبلني مشكوره حيييل حياتي على الرقم ربي يحقق اللي ابال كل وحده ردت علي

 

[al-shyo0o5]

انا قدمت تربيه وحقوق واداب وعلوم اجتماعيه وشريعه وللاسف ولا شي قبلني مشكوره حيييل حياتي على الرقم ربي يحقق اللي ابال كل وحده ردت علي

ولوو حيــآتي م سسسوؤينــآ شي , آنتــي إختنــآ :eh_s(22):


وبششرينـآ شـ يصير معـــآآج