جارنا اهو اللي حاط دوبه ودوب جلبنا .. باقووه مره ثانيه <تم تعديل العنوان>

[Couch potato]

لا حول ولا قوة الا بالله
ما مدانا نفرح بعد غيابه عنا لاكثر من 20 يوم
وبعد ما ردت عافيته باقه ومادري وين قطه هالمره حسبي الله عليه هالشايب ابليس الفريج :0bee2e8d89::0bee2e8d89:


مره يقطه بضاحية السلام
ومره يسممه
عسى بس هالمره مو ذابحه حسبي الله عليه

ودي ابلغ المخفر عنه بس ابوي مو راضي


اللي تشوفه يا بنات بأي منطقه ( مو ضروري تكون منطقه قريبه من مشرف لأن هالمره اتوقع قاطه ابعد ) تقولي بليز
والله تعبت ​

 

[JnJoOona]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

لاخول ولاقوه الا بالله مع اني ما احب الجلاب بس شنو هذا اف صج يهودي حسبي الله ونعم اللوكييل علييه ..

 

[ملاك زوجي]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

لا حول ولا قوه الا بالله اشفيه هذا معقد ولا شنو
امبيه الناس عقدو واقعدو
انا جار حماتي جذي بس ريل حماتي حط له حد
هذا لازم ابوج يحط له حد ولا راح يروح منكم الجلب

 

[رمانه كويتيه]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

بس بقيت اسالج سؤال انتى اسقصدج باليهودى انتى وين فى بامريكا ولا عايشه بالكويت حبوبه مايجوز تنعتين المسلم باليهودى علشان جلب ان لله وان اليه راجعون

امبى لا والمشكله كل البنات يردون عليهاا لحول ولا قوة الا بالله ويرددون معاها اسم يهودى اتقو الله

 

[3w!Shni]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

حبوبة ما يجوز تكفين مسلم يا قلبي .. ولا تنعتينه باليهودي او المسيحي ..

و شوفولكم صرفه وياااااااااااه لانه يرفع الضغط

شكو اهو بالجلب؟؟؟؟؟؟؟؟؟؟؟

شي ينرفز :|

حتى اختي منصدمة :/

 

[girl lesh]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

اختي انتي جذيه كفرتي الريال ولاترى في قانون تعويض مبلغ 20 الف ديربالج يعني لوووول

يوم اليمعه رحت سوق الحمام لقيت نفس جلبكم اهوه مو اهو مو متاكده لكني شفت نفسه

 

[JnJoOona]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

ابي بنات انا عبالي يهودي صج مادري اهي قاعده اتقول عنه يهودي

 

[شـ ShOoNa ـونـا]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

لاااااااااااااااااااااااااااااااااااااااااااااااااااااااااااا تقـــــــــــــــوليــن

والله ضـــــــــــاق خـلقي عليــه و عليـــج انتي أكثــر

واااي يـاحلاتــه ايـهبل حسـافه عليــه مسـكيـن .. شـوفي أختـي انتي اذا شفتي مرته ولا اي احد من الحريـم
قوليــلهم حــرامـ شنو هذا .. يقعدون يقطوونه كل يومين حضراتهم وويـن قاعـديـن يـدخلون فيها النــار .

هـذا يـــبيـــله تهـــديد حضـرته .. اذا لقيـــتوه انشالله يـارب مره ثانيه .
هــدي عليـــهم علشان يعرفون .

 

[lojeeen]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

والله حرام عليهم

زين انتو شان حطيتو فيه جهاز تعقب حتى تقدرون تدلونه هاذا شكله جاركم قاعد لكم قعده

 

[Ms_sWeeTaa]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

وييي مسكين هالجلب مو مترقع

يبا خلي اخوج يشتكي عليه
نعم وين قاعدين كل يوم والثاني ابوقه واقطه بمكان بعيد
مرة ثانية ان باقه انشالله يعضه ويصير فيه شي لووول حوبتكم

هددوووه وقولوله ان ما قلت لنا وينه بنشتكي علييك
بعد والله غير سالفة هذي :/

لوول هذا لو بامريكا جان سجن على طوول

 

[om_3kash]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

يمكن الجلب زااعج الجيراان بصيااحه

بس مهماا كاان المفرووض يكلمكم بالسالفه موو يبووقه و يودييه اماكن على كيفه

اخاف رااح بااعه و خذاا فلووسه @@ !!

 

[3w!Shni]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

خيتو

اخوي يقولج وديه عند هاليواخير في جبد

يدربونه يدافع عن نفسج ومايروح مع اي احد ..

ان شاء الله تلقونه هالمرة .. و شوفيلج احد يدربه

هذا حده اليف :/

يروح مع من هب ودب :/

وياركم هذا سووله شي خلوه ينردع بكيف خدامتهم يتصرف باغراض غيره

فهر وربي

 

[عود ومسك]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

انا اقووووووووول ما تسوينها وتجيبين جيرمن شيبرد حتى لما يردلكم الجلب بالسلامه خلي الجيرمن موجود
وعاد قولي لهالجار ابيك هالمره تقرب ههههههههههههه لان جلبكم الظاهر عادي عنده وخواف ويروح مع اي احد
والله حلاته جيرمن متعلم بعد اخيييييييييه محد يقرب صوب الباب كلش هههههههههههههه

 

[دمي مـטּ ذهب]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

أومبيه اهو شكووو ياخذه !!!!!!!!!!!
أخاف مأذيه الجلب ولا شيئ حبيبتي
انا من رايي تكلمين أبووج أو واحد من اخوانج الكبار يكلمه
ويتفاهم معاه ويشوف شسالفته مع هالمسكين
بس لا تسكتون له لازم تعرفون شسالفته

 

[النوري]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

تكفرين مسلم عشان جلب نجس ؟؟


ماني معاه بس كلمتج قويه .. إستغفري ربج ..

 

[بــدويه]

رد: جارنا اليهودي اهو اللي حاط دوبه ودوب جلبنا .. باقووه مره ثانيه

نــااسس مريضه والله هالشايب ...

يارب تلقووونه

 

[Om_Ksha]

انا عبالي صج يهودى :/

 

[Couch potato]

من القهر اسمحولي بنات الكلمه طلعت مني

كلمنا مرته اهي بروحها ما تطيقه وتقول استانس من يطلع من البيت
حسبي الله عليه

واللي تقول يمكن يزعجهم
والله ان ما ينبح الا نااادر بالشهر مره
وما يقرب صوب احد اصلا كله قاعد بحديقتنا

 

[@لشموخي روايهـ@]

انـا لله وانـا اليه راجعـــون
مأبغيــــــــــــتي تلقــونه الا ويجي ياخذه
لازمـ تلقون له صـرفه مايصير كا

 

[سكارف.فوشي]

حبيبتي انا من رايي من راي عود ومسك
حطو معاه جيرمن ههههه بششوف وي جاركم عقبها