جابلي ريلج احسن لج

[لمااارالكويت]

:eh_s(22):
السلام عليكم انا عضوة يديدة معاكم
وان شاء الله ترحبون فيني عدل :sfg:
بنات انا بنزل اهني موضوعي واهو شبه مشكله
اول شي انا ماكان قصدي تتحول الامور جذي بس صار اللي صار

السالفه
معاي واحد بالايميل طبعا انا صغيرة هالسنة اول سنة بالجامعه
والاخ كبير عمره 36
ومتزوج وابو عيال :ioljnmlk:
بس لاحظت فيه بسرعه بسرعه ينقص عليه من البنات يعني انا ماكان قصدي اجذبه او اي شي لا بالعكس
كنت بشوف الريايييل ليش جذي هل فعلا اهما سهلين؟؟؟ :23_asmilies-com:
يعني انا ماقلتله اي شي بس اهوا بسرعه يروح بداهية
واهو هم مو قصده يعني لاحظت انه يحب مرته اي ويحب عياله وايد بس اذا بنت ابليييس يمه راح وطي
طبعا بوسط الكلام قاللي يبي يسمع صوتي --من حلات الصوت بس
قلتله انته ابو عيال وانا كبر بنتك شتبي فيني وانت تحب مرتك ليش بتخرب حياتك بايدك
يقول الشيطان بسرعه يقص عليي
:nocommint:
على فكره مرته مو مهتمة فيه معذورة اهيا لانه عندهم عيال ولازم تجابلهم
بس قاللي مو لهالدرجة اللي انا شايفها
وحسيت من كلامه انه مرته مو مهتمه فيه بكذا شغله
عالعموم بنات انا مارح اخرب بيت المرة اهم عايشين بسعادة ومو ناقصهم شي والله يفرحهم ويرزقهم ويبعدهم عن الحرام
نزلت هالموضووع عشان تجابلوون رياييلك و اهم شغله لا تخلونه برووحه لانه اذا كنتي مثلا تقعدين ببيت اهلج بالايام اهو يكون فاضي -----جابلوووهم جابلووهم----------
الشيطان رح يلعب بمخه والريال مايفكر ومايهمه اذا خرب حياته ولا كأنه شي صار
ممكن يندم ويتحسر بس فترة وتعدي ويعيش حياته
وترى الريايييل ماتكفيهم امرأة وحدة حيل لاحظت هالشي
والاخ اللي عرفته مو مستعد كلش يتزوج على مرته بس مستعد حق شنو تدروون؟؟؟


مستعد يخونها بالحرااااام --لما سالته انت تفكر تتزوج على مرتك قالي لا خلك على مينونك لا اييك اللي اين منه
يعني مايبيها بالحلال يبيها بالحرام :flower: وعادي عنده يقص على بنات نفسي بنات صغار مالنا ذنب بسرعه ينقص علينا
بس اهو ماقص علي يدري اني ذكية ويدري اني قاعده اختبره


:bye22:
لحد يزعل على كلامي

 

[النوري نور عيني]

ما شاء الله عليج ذكيه لدرجة تعرفين الاشياء الناقصته عدل ؟؟؟؟

 

[جنون زوجي]

الرجال مالهم امان حسبي الله ونعم الوكيل
الله ياخذه قبل لا يخون مرته والله حرام عليه
وانت حبيبتي توك على هالسوالف والله لم تكبرين تفهمين الحياة الرجال بلوى
الله يابلهم ماورهم الا الامراض
وانت انتبهي لنفسك ولاتخونك نفسك وتروحين فيه لا انتبهي الرجال عيبه بمخباته
ام الحرمه عيبه طول عمره
وانت استغفري وتوبي الى الله واتركي عنك مكالمات الرييل الله يهديك نظري دراستك وحياتك
ولاتحسبين الزواج اكل ونوم وشراء لاحبيبتي والله مسؤؤؤؤؤؤؤؤؤليه وتعب نفسي
الله يكون بعوننا يارب

 

[frketa1]

حبيبتي لا تكلمين أحد عالايميل من أساسه وهذا انسان أصلا مو محترم متزوج وقاعد يكلم بنات تعتقدين ان هذا مقياس عالرياييل؟ تقولين كلهم ما تكفيهم مرة وحدة وحطيتي فرضياتج واستنتاجاتج على هالانسان حبيبتي أكو رياييل محترمين وسنعين وصدقيني ولا واحد منهم بضيفج انتي ولا غيرج بايميله ويقعد يسولف معاج

 

[أميرة القصر]

الله يهديج ..
وترى الكلام اللي قلتيه ان يا حريم جابلوا رياييلكم مو مبرر انج اتكلمين مع ريال غريب عنج علبو بتشوفين تفكيره قدري الأمانه اللي عطوج اياها أمج وابوج وقبل هذا رب العالمين سبحانه .. لهي نفسج بشي ينفعج في الدنيا والآخره ..
لا يقص عليج ابليس ويزين لج هالشي ويخليج تقولين في نفسج ان انتي موقاعده تسوين شي غلط إلا هذا أكبر غلط ..

(لا تنه عن خلق وتأتي مثله عار عليك إذا فعلت عظيم )

وترى ما قلت لج هالكلام إلا من حرصي وان مابي لج إلا كل خير

 

[انا مو هني]

رد : جابلي ريلج احسن لج

يحليلج وانتي تستكشفين
اصلا السالفه من اساسها غلط ولو انتي مو عويه ماتعطينه مجال
وتسولفين معاه وتدرين ان اهوا متزوج وابو عيال

 

[Princess Lady]

رد : جابلي ريلج احسن لج

صح كلامج لازم المره تجابل ريلها أحسن لها

ولازم البنت ما تكلم ريال غريب عنها لان الشيطان ثالثهما .. ترى نار جهنم حاره

 

[خذاني الشوق]

وانتى فرحانه انج اكتشفتي شئ خطير ان نجابل رياجيلنا تدرين شالمشكله المشكله انج صغيره وهو قاعد يقص عليج ويالف لج قصص وانتى مصدقه يماما والله لو يسونهم حريمهم يا دهينه لاتنكتين والله لايخربطون هذولي مايترس عيونهم الا التراب والزمن اللحين يخرع حافظي علي ثقة اهلج وابتعدي عنه اللي ماترضينه لنفسج لاترضينه لغيرج

 

[اميرة-الاحجار]

احنا نجابل رياييلنا ..؟؟
انا اقول جابلي ربج برمضان احسن من هالاشكال اللي الخايسه اللب مجابلتها بالنت ..
الحمدالله عندنا رياييل مو قواطي مثل هاذا اللي ضايفته باين عليه وصخ وماعنده ذرة دين وشرف ..
ومايدل المسيد وين ..
شنو ابليس شاطر .. ليش حيوان مايقدر يتحكم بمشاعره حشى السامعين ..؟؟

 

[يارا1980]

عفوا ماقلتي شي جديد؟؟؟ الحمد اللة المحترم محترم والمحترمة محترمة محد يعلم احد الدور والباجي على بنات ابليس الى يصيدون بالرياييل واهم اكبر صيدة هاهاهاي

 

[خذاني الشوق]

انتى تقولين جابلي ريلج احسن انا اقولج جابلي امج وابوج احسن من سوالف مالها داعي

 

[لمااارالكويت]

رد : جابلي ريلج احسن لج


ثانكس بنات على مشاركتكم معاي

وانا عارفة اني غلطت لان صارت محادثة بيني وبين متزوج
والحمدلله اخاف ربي وماخربت بيته بالعكس نصحته وان شاء الله الله يهديه
واكيد مو كل الرياييل نفسه بس اغلبهم


وماقصرتوا بالنصايح على راسي :eh_s(15):

 

[كرز حالي.]

رد : جابلي ريلج احسن لج

وانتي شكو تكتشفين الرياييل وخيانتهم؟؟ بتصلحينهم مثلا؟؟
ولا شنو بتستفيدين؟؟ بتسوين دراسه مثلا؟؟
ماراح ادعي عليج انج تزوجين ريل يخونج لاني اخاف من الله
وانا افضل المره المتزوجه تجابل ريلها والبنت اللي مو متزوجه تجابل ربها وعبادتها وتخلي عنها الكلام الفاضي
والاستكشافات
الله يصلحج يارب ويستر عليج من بلاوي هالدنيا

 

[SALYY]

حبيبتي ترا الرجال اذكى منج بوااااااجد,,,,
واذا وده فيج راح يصيدج باي وقت يبي بس هذا باين عليه ماله خلق لج وقاعد يمشي معاج...يعني يتسله حبيبتي,,,يعني لا تحسبين نفسج ذكيه يعمري ,,,,
وابعدي عن الطريييييق نصيحه لج حبيبتي,,,,​

 

[!الجادل الصعب!]

رد : جابلي ريلج احسن لج

8
8
8


معآها بالكلام .. والدليل انج صدقتيه .. هذا متعووود يلعب عـ البنات ..

الله يستر عليج ان شآلله ..!

 

[miss-winter]

مادري مكتشفه الذره رايحه تلفين على ريال بوعيال انا اقول نصحي روحج وجابلي دراستج وربج والله يهديج

 

[σм 3ℓαωɣ ™]

شفيكم شبيتوا في البنت
هي ما قاعده تتفاخر باللي صار
هي تنقل لكم تجربة مرت بها ونتمنى إنها تكون درس لها وما تكررها لا مع متزوج ولا غيره

وشي ثاني
شفيه يوم قالت جابلوا رياييلكم
في حريم فعلاً ما يدرون عن أزواجهم فيروح الريال يدور برع بيته على الاهتمام سواء بطريقة صح ولا غلط
هي ما قالت فلانه وفلانه جبالوا ريالكم
هي رسالة للعموم
اللي واقعه في اهمال الزوج تنتبه واللي معتنية في زوجها تواصل على ما اهيه عليه

وانتي حبوبه استغلي النت في شي يفيدج ويخدمج مو شي يضرج والله يستر عليج =)

 

[ذكريات]

رد : جابلي ريلج احسن لج

لو انتي متزوحة ترضين اتيي وحدة تسوي مع ريلج اللي انتي تسويتيه ؟؟

و يقولج انا بسرعة بسرعة يقص علي الشيطان .. هذا مو قاص عليه الشيطان .. اهو قاص على الشيطان

 

[قمر^خالد]

ثانكس ع الموضوع



بس نصيحه جابلي دراستج .. ووخري عن هالأشيااء ...

 

[فوفو22]

هو رجال يكلمج ويكلم غيرج

ابي انصحج انتي حبيبتي

توج ببداية حياتج

لا تضيعين وقتج مع خمًه تلاقين حريمهم سنع ومنع

والرجال هذا صدقيني يستهبل عليج ويستعبط

انتبهي لدراستج

فوفو