ثقافه اسلامية تعادل تاريخ حضارة ؟

[أم حمد =)]

السلام عليكم ,,


بنات صج ثقافه اسلامية تعادل تاريخ حضارة ؟

اذا اي شنو لازم اسوي يعني وين اروح عشان اقولهم عادلولي ؟ انا ماخذه ثقافه اسلامية بس من زماان وسمعت ان ثقافه تعادل حضارة .. فقلت ماني ماخذه حضارة وباخذ تربية اسرية .. لازم اروحلهم اقولهم يعادلولي ولا عادي اكمل موادي بدون ماروحلهم ؟

مع العلم ان ثقافه اسلامية مو مطلوبة علي بس خذيتها جذي ..

 

[شوق الولايف]

رد : ثقافه اسلامية تعادل تاريخ حضارة ؟

تعادلها
وتروحين للاستاذ محمد خريبط يعادلها لج بكيفان بس ما ادل وين مكتبه يا ليت البنات يفيدونا

 

[أم حمد =)]

رد : ثقافه اسلامية تعادل تاريخ حضارة ؟

اي مكتبه جبال مكتب التوجيه .. بس ما اروح العماده يعادلونها ؟

وانا توني قاعده اقرا بمنتديات ناس يقولون تعادلها وناس يقولون لا .. احترنا ! انا المشكلة خذيت تربية اسرية هالكورس على اساس اني خلاص ما اخذ تاريخ حضاره !

 

[شوق الولايف]

رد : ثقافه اسلامية تعادل تاريخ حضارة ؟

امبلا رفيجتي سألت التوجيه والارشاد وقالت الموظفه اي تعادلها
ولا بعد مو بس ثقافه اسلاميه في 6 او 5 مواد بعد تعادل تاريخ حضاره
وانا نفسج ما اخذت تاريخ حضاره وبدايه الكورس الجاي بروح اعادلها

 

[(ملاك)]

رد : ثقافه اسلامية تعادل تاريخ حضارة ؟

والله ماعندي فكره حبوبه بس دشيت ارفعلج الموضوع

اب
اب
اب

وانشاء الله البنات يفيدونج

 

[willa]

رد : ثقافه اسلامية تعادل تاريخ حضارة ؟



اي من فترة قالوا انها تعادلها

وترى تاريخ حضارة سهلة أنا أخذتها

اثنينهم المادتين سهلين تقدرين تخلين وحده منهم اختياري حر

موفقة

 

[أم حمد =)]

رد : ثقافه اسلامية تعادل تاريخ حضارة ؟

مشكورين بنات ..




willa

ادري انها سهله بس دام اني ماخذه ثقافه اسلامية من قبل وثقافه تعادلها شحقة اخذ تاريخ حضاره !

ثانكس حبوبة ..

 

[jen2n]

رد : ثقافه اسلامية تعادل تاريخ حضارة ؟

هالكلام حق جميع الكليات والا كليات معينه؟

وموفقين

 

[حلا الظفير]

ماتوقع انها تتعادل سالي محمد خريبط او التوجيه تاكدي

 

[أم حمد =)]

رد : ثقافه اسلامية تعادل تاريخ حضارة ؟

أصدر نائب مدير الجامعة للشؤون العلمية الدكتور ناجم محمد الناجم تعميماً الى عمداء الكليات في جامعة الكويت حول قرار لجنة الشؤون العلمية في اجتماعها الرابع للعام الجامعي 2009/2008 والذي ينص على الموافقة على مقترح عمادة القبول والتسجيل بعدم الزام الطالب بدراسة مقرر (تاريخ الحضارة العربية الاسلامية) اذا درس مقررا بديلا من مقررات حقل الثقافة الوطنية والعربية والاسلامية او مايكافئ هذا الحقل في صحائف التخرج الاخرى .

واعربت مصادر لـ «الوطن» عن استيائها من عدم الزامية مقرر (تاريخ الحضارة العربية الاسلامية) الذي كان يدرس طوال السنوات الماضية كمقرر الزامي لجميع طلبة الجامعة.

 

[أم حمد =)]

رد : رد: ثقافه اسلامية تعادل تاريخ حضارة ؟

ان شالله الاحد بروح الشويخ اسألهم واييب الخبر الاكيد ..

 

[@@روح الورد@@]

ام حمد شلونج

على كل الكليات موبس التربية وفي كذا مادة تعادلها وكل الطلبة ياخذون ثقافة علشان يعادلونها

 

[عاشقة وطنها]

أي صـح هي تعادلها

بس ماني عارفه شلون نروح الشويخ ولاعند الخريبط ؟؟

 

[أم حمد =)]

رد : رد: ثقافه اسلامية تعادل تاريخ حضارة ؟

ام حمد شلونج

على كل الكليات موبس التربية وفي كذا مادة تعادلها وكل الطلبة ياخذون ثقافة علشان يعادلونها

هلا حبيبتي ..بس هل القرار يطبق على كل الدفعات ؟

شكرا عالرد ..

 

[@@روح الورد@@]

احسن شي روحي العمادة سالي واخذي الكلام الصحيح تدرين بيت الزكاة " التوجيه والارشاد" عندنا ما يدرون الحمدلله والشكر