ثـقـافـتـج و ثـقـافـتـه

[i'm so happy]

السلااااااااااااااام عليـكـم ...:68_asmilies-com:


كـيف حالكم ..؟؟:tek:

من زمان ماكتبت موضووووع , وووحشتووني وايد:33_1185028183:

اليوم طبعا موضوعي عن ((ثقافتج وثقافه ريلج)) << في اللغة الانجليزية >> ...

بما اني رحت البارحة المطعم وقبالنـا وحده وزوجهااااا مأسـاه الله يكون بعونهم مساكين

قعدت افتكر انا وريلي شلون الواحد والوحده بيتصرفون في مطعم أو مستشفى او حتى سـفـر وأهي أو أهو مايمتلك
هذي اللغة المهمة جدا !!

لأنه لـو بـشـوفـون أشـكـالـهـم كـأنهم ضايعين وغير المنيو انجليزي مافي عربي الحالة صعبة حيل :cxxxp:
واللي مستغربة منه مو كبار بالسن صغااااار انا مستغربة !!!


أشرايكم أنتوا بالزوج اللي ضعيف باللغة الانجليزية وشرايكم بالزوجة اللي ماتعرف انجليزي مووووليـه
وهل تأيـدون هذا الشي انه عااااادي الوحدده اتم جذي مو مهم الى هل درجه
او انكم تعارضون لا والله تدخل معهد وتتتعب على نفسها وهـم أهو


انا عن نفسي لو مااعرف هذي اللغة احس نفسي ضايعه


اترك المايك لكم ..

 

[om MaRyooM]

رد : ثـقـافـتـج و ثـقـافـتـه

موضوعج حلو



والله اللغة واااااااايد وايد مهمة .. اذا بالديرة الناس قامو يتحجون عنجليزي شلون اذا الواحد يبي يسافر لوول

انا عن نفسي الحمدلله تماام فيها لأن دراستي كانت انجليزي ..بس ريلي مش ولا بد لووول فوايد تصير لنا مواقف لما نسافر واقط عليه نغزة ان بس نرد الديرة ندش معهد انا وياك ماقوله دش بروحك عشان لاينحرج لوول


بس بصراحة انا نفسج احس لو ماعرف اظييييع

 

[zaina alotibi]

رد : ثـقـافـتـج و ثـقـافـتـه

حلاته الإنسان مثقف بكل شي بالدنيا وغلط نخلي نفسنا جاهلين بأي جانب من جوانب الحياة سواء علم لغة دين كل شي عشان نقدر نواكب هالتطور الي صاير بحياتنا ونربي جيل مثقف وواعي . ونكون شركاء لأزواجنا يفتخرون فينا
( ان تعرف شيئا عن كل شيء افضل من أن تعرف كل شيء عن شيء )

 

[Om_Ksha]

انا اطقطق وريلي كان ميييييح بس الحيييييين ماشاااااااءلله غيييييير وتطوووور صار يعدلي ساعات هههههههههه

 

[هنـــــد]

رد : ثـقـافـتـج و ثـقـافـتـه



عاااااااااااااادي جداً
أنا لغتي الانجليزيه ممتازه وزوجي مايدري وين الله حاطه بالانجلش خخخخ
مو غلط ! لانه مو حاب يتعلمها وهذي حريه شخصية ..
وهالشي مو منقص منه شي وبعيني هو اكمل الرجاجيل فديته


ودمتِ

 

[i'm so happy]

يعطيكم العافية خواتي على المشاركة الحلوووة

صدقتوا هذي اللغة أهي اهم شي وانصح اللي ماتعرف تدخل معهد

 

[^أم يوسف^]

رد : ثـقـافـتـج و ثـقـافـتـه

هالشئ مايقلل من قيمت الشخص نفسه
هي وسيله لتخاطب بها الاجانب
ريلي فلته لتكلم مع اااجنبي
<<< انا:eh_s(2):
بس اامشي نفسي
وااكرهاااا الانجليزي لو بدش معهد اكيد بطلع فلته<<<< العن يوم الثقه:rerrerek:

 

[FeShinGoOo]

رد : ثـقـافـتـج و ثـقـافـتـه

انا جيده بالانقليزي وريلي ممتاز بس ماحب لي رحت مطعم اتكلم انقليزي لانهم يشتغلون بدوله عربيه ومجبورين يتكلمون عربي اشوف لي رحنا دولهم مايتكلمون لغتنا لوول ترى انا شاده من هالناحيه احنا مو مجبورين نتكلم لغتهم اوكي اتعلمها عشان اذا سافرت او اذا اتعاملت من شركات او مواقع او عقود او غيرها بس مطعم ترى اغلب الي يشتغلون بالمطعم يتكلمون عربي ويفهمون عربي جربو وشوفو

 

[شمس 20]

ياحلو الثقافه
خاصة بالانجليزي
الحين وين ماتروحين لغه انجليزيه
الافنيوز ومحلات الزارا وستاربكس لازم انجليش
انا اطقطق حافظتلي جم كلمه بس
والا رفيجتي ياحليلها
لادشيت معاها محل ملابس
قالت للفلبينيه
eaxsyousme مافي discount

 

[BiiShOoO]

انا الحمدالله لغتي الانجليزية ممتازة و ريلي يمشي حاله و الحمدالله ماشية امورنا سواء بره او داخل الكويت

 

[ko_ok]

بصراحه بصراحه

انا نص ونص يعني امشي الحاااال :O_SHH_:

بس ريلي ماشاءالله توووووب باللغه :eh_s(13):

المفروووض الواحد يطوور من نفسه ويحاول يحسن من مستواه

 

[فنكيه]

والله اللغه الانجليزيه مهمه انا بصراحه مو فلته بس اعرف اتصرف حتى لو امثل لوول

 

[ولهااااانه]

أيه والله ألحين وين ماتروووحين يتكلمووون انجلش

 

[Tom ♥ Jerry]

رد : ثـقـافـتـج و ثـقـافـتـه

.


لا الحمد لله انا و ريلي نعرف آنلقش !

 

[حرم راشد الماجد]

انا وياه نفس المستوى وكلنا فلونت الحمدالله

 

[مجنونة بس عاقلة]

أنا لما كنت موظفه كنت امارسها يوميا
وكنت بلبل بالانجليزي ومن تركت الوظيفه من كم سنه
احس ضعفت لغتي شوي مو كثير
أما زوجي ماشاء الله عليه فلللللللته:friends:

 

[Tutti-Frutti]

رد : ثـقـافـتـج و ثـقـافـتـه



انا مو متزوجه بس اعرف انجلش لانها تخصصي بالدراسه
واتمنى اخذ واحد يعرف انجليزي
مو توب بس عـ الاقل يعرف :d

 

[ملكهـ علي عرشي]

رد : ثـقـافـتـج و ثـقـافـتـه

السلام عليكم ورحمة الله وبركاته

عن نفسي الحمدلله اعرف انجلش وحتى اهو كان يعرف .. مافي فرق بينا بالثقافه

يعنى مشيه حالى .. وبماانى بالبيت وماشتغل :× حاليا احاول اطور نفسي وهذا الاحسن

يعطيج العافيه حبيبتى ع المووضع

 

[تميزي بفكري]

رد : ثـقـافـتـج و ثـقـافـتـه

حلاته الإنسان مثقف بكل شي بالدنيا وغلط نخلي نفسنا جاهلين بأي جانب من جوانب الحياة سواء علم لغة دين كل شي عشان نقدر نواكب هالتطور الي صاير بحياتنا ونربي جيل مثقف وواعي . ونكون شركاء لأزواجنا يفتخرون فينا
( ان تعرف شيئا عن كل شيء افضل من أن تعرف كل شيء عن شيء )

^^
^^
معاج 100%
نفس تفكيري بالضبط أنا دايمن احب اكون مواكبه الاحداث العامة مثل مااحب اواكب الموضة واللبس
احب أطور من نفسي دايمن وهالشي راح ينعكس على تربيتي لعيالي إذا الله كتب
وانا الحمد الله توب بالانجلش وزوجي يمشي حاله لما نسافر
بس بنفس الوقت أنا ضد ان اللغة الانجليزيه تسيطير على تعاملاتنا بديرتنا لغتنا لغه القرآن ولازم تفرضها عالاجانب مو اهم يفرضون لغتهم علينا بديرتنا
*

 

[منوة القلب]

حلو الواحد يطور نفسه وحلو يكون ملم بالي حوله

بس للاسف شباب هاليومين انسلخوا من هويتهم العربيه بكل شي حتى اللغه

على فكره ليش هم مايتعلمون لغتنا