توهقت بشعري الاسود الفحم شنو يصلح له لوك ؟

[pinkigigi]

بنات توهقت بشعري الاسود الفاحم
حسبي الله عليها اللي صبغته
قلت لها بني غامج يعطي على سواد

صبغته اسود
وباجر انا بطب عليهم اتأكد

بنات

لونه حالك السواد

شنوو يصلح له من لوك


انا بيضا
شعري قصير كاريه لي الكتف

و ابي لوك يعطي حيويه

 

[مجرمه]

لا حبيبي ماتوقع اسود لانه انا بعد توني صابغه بني قامج اول شي تشوفينه اسود بس بعد جم غسله يطلع اللون الي انتي تبينه
ومافهمت شنو تقصدين باللوك مكياج ولا قصات شعر ؟

 

[ميس هارودز]

بعد جم غسلة ليصير لونه افتح أنا مثلج اول فساتين البني الغانم يبين اسود عادي

 

[q8ya sh8ra]

آب
آب
آب

 

[OLIVIA]

تبين لوكات مكياج يعني؟ سوي مثل ستايل جيني اسبر، مكياجها وايد حلو وهي بيضا وشعرها دائماً أسود فحم وان شاء الله يعجبج اللوك

 

[Makeup.Queen]

احس تصلح لج هللوكات الراقيه , والناعمه

 

[manoooram]

حبيبتي لا تحاتين مثبل ما قالت ميس هارودز والشعر الأسود أغلب اللوكات تمشي معاه من الناعم الى الثقيل












لاحظي الميك اب بألوانه وخطاته يلوق مع الشعر الأسود

 

[pinkigigi]

^^

وايد حلوه خطااات العين

بس انا مو سمره

هاللوك ماشي مع اللي صايره على تان

انا بيضه و اميل للشحوب مع اللوك الاسود

و ان شاء الله يفتح اللون و يطلع على بني

شكلي يضحك

 

[pinkigigi]

بنات تبون تضحكون

والله صايره اشبه الفنانه ناديه كرم

خصوصا اني ابس نظارات لمن اطالع التلفزيون

واااي

 

[pinkigigi]

لا حبيبي ماتوقع اسود لانه انا بعد توني صابغه بني قامج اول شي تشوفينه اسود بس بعد جم غسله يطلع اللون الي انتي تبينه
ومافهمت شنو تقصدين باللوك مكياج ولا قصات شعر ؟

وااي جان زين

انا اشوفه نفس لون شيلتي
اسوووووووووووووووووووووووووووووود

سواد اليل

يعني احس ما في امل يفتح!!!

ابي لوكات المكياج !

 

[مجرمه]

لالا صدقيني بيفتح وياج بعد 3 او 4 غسلات انا مثلج اول شي تحبطت صار اسووووووود لول بعدين فتح

 

[توتا الكتكوته]

اصلا انا يوم بصبغه اللي تصبغ لي قالت انسي اصبغ لج اسود يعني اهيا خبيره وتعرف شكلج رايحه مكان بوطقه سوري بس اللي تصبغ لج ما تدري ان اللون الاسود يبين الشعر باهت وجنه مدهن وما يعطي حيوية واصلا يخرع استغفرالله ياربي ويقسي الملامح
حق اللي ما يناسبهم وحتى اذا بتصبغينه صعب يتفتح علشان جذي رفضت تصبغه لي اسود ،، خليه يطيح اللونه وانشاءالله مع الغسيل يفتح بس ما ضنتي دام تقولين حالك الله يعينج ،،

 

[qataria999]

حبيبي لاتحاتين ولاتتضايقين الاسود ملك الالوان ويلوق حق الكل ..

لووكات المكياج ..جووفي صورتي الرمزيه كيم شحلاتها بالمكياج وشعرها ..واللوكات الناعمه بتناسبج شدوو الوان طبيعيه تقدرين تحطين لون ذهبي على كل جفنج وكحل اسوود ومسكراا وعدسات رماديه وعالخدوود برونز وشوي صوب اليبهه واماكن الكونتور لو تحبين هالحركه بتعطيج لوون ونضاره وبلاشر وردي على تفاحه الخد واضاءه والرووج بنك او لحمي اللي تحبينه وشعرج سوي فيه حركه خفيفه مثلا ربطيه على جنب او تاج كيووت مع القذله

وان شاءالله تطلعين احلى وحده

 

[توتا الكتكوته]

الاسود ملك الالوان بالملابس مو بالشعر هههه ،،، وبعدين الاسود يبيله عيون حلوة وبشره صافيه لانه يركز على ملامح الوجه ،،

وبعدين اسود باهت ناشف اما الكستنائي المايل للاسود هذا اللي مرغوب ،،، حتى زينب العسكري المشهوره بسواد شعرها

فيه لمعه فاتحه للشعر تعكس الاضاءه وتبين الستريحات وبعض التسريحات ما تليق عليه مثل الويفي وغيره لان اصلا مو بيان شي

ولا حتى بالاستشوار ،،، وبعدين انتوا وين وكيم وين شالثقه اللي تقارنين نفسج فيها ههههه يبا اهيا جسم جسم

وطينتها حلوة غيير عنكم العرب عرفتي اللي بالمسلسللات الكارتونيه اذا بيخرعون اليهال ايبون وحده ساحرة

تطير على سعفه شعرها اسود وخشمها طويل هههههه ومرت ابو فلة والاقزام ال7 هههه شعرها اسود يخرع

 

[فدوه لعيونك]

وبعدين انتوا وين وكيم وين شالثقه اللي تقارنين نفسج فيها ههههه يبا اهيا جسم جسم

وطينتها حلوة غيير عنكم العرب عرفتي اللي بالمسلسللات الكارتونيه اذا بيخرعون اليهال ايبون وحده ساحرة

تطير على سعفه شعرها اسود وخشمها طويل هههههه ومرت ابو فلة والاقزام ال7 هههه شعرها اسود يخرع

ردك ماعجبني كلش..ليه وش فيهم العرب
اللحين الغرب الكفار صاروا احسن من العرب..عجبي يادنيااا

 

[توتا الكتكوته]

وبعدين انتوا وين وكيم وين شالثقه اللي تقارنين نفسج فيها ههههه يبا اهيا جسم جسم

وطينتها حلوة غيير عنكم العرب عرفتي اللي بالمسلسللات الكارتونيه اذا بيخرعون اليهال ايبون وحده ساحرة

تطير على سعفه شعرها اسود وخشمها طويل هههههه ومرت ابو فلة والاقزام ال7 هههه شعرها اسود يخرع

ردك ماعجبني كلش..ليه وش فيهم العرب
اللحين الغرب الكفار صاروا احسن من العرب..عجبي يادنيااا

لا الجمال العربي ما يتقارن كلش بالاجنبي ؟؟؟ صح ولا لا ؟؟؟

فرق السما عن الارض

مو سالفة احسن هذي خلقة الله الله خلقنا غير عنهم قلبي غيييييير

واللي يناسب غيرنا ما يناسبها واذا الشعر الاسود حلا كيم مو شرط يحليكم

واساسا البنت كشخه وجسم وطول وازقرت فأي شي تسويه بنشوفه حلو

حتى لما صبغت شعرها اشقر كلن قلدها

بالنهاية الزين يفرض نفسه والكاريزما الشخصية تلعب دووووور

 

[اماراتيه 75]

الناس أذواق
أنا شعري طول عمره أسود ولا عمري غيرت لونه لانه في نظري ما فيه أي لون إينافس الأسود أبداااااا والبنت المميزه دايما أيكون لون شعرها أسود راقي جدا وفيه جمال غير طبيعي عمره ما جذبني غير الاسود

وعلى فكره أنا ما أصبغ أسود أولا لانه حرااااااااااام و ثانيا أيكون مصنع أنا أحنيه و بعدين أحط له كتم على يومين متتاليات واللون يطلع أسود طبيعي و لمعه مب مصنع وجنه روسيه صابغه أسود

حبيبتي ما عليج الشعرا لاسود من أجمل الوان الشعر وكل لوكات المكياج تمشي معاه طبعا أنا دايما أفرق من النص لانه الاسود حلو عليه الفرق من النص و أحط شدو بني غامج و بلاشر خوخي و قلوس خوخي على شفايفي يطلع جنان و أنا ما البس عدسات

بغيت أفيدج بس

 

[توتا الكتكوته]

الناس أذواق
أنا شعري طول عمره أسود ولا عمري غيرت لونه لانه في نظري ما فيه أي لون إينافس الأسود أبداااااا والبنت المميزه دايما أيكون لون شعرها أسود راقي جدا وفيه جمال غير طبيعي عمره ما جذبني غير الاسود

وعلى فكره أنا ما أصبغ أسود أولا لانه حرااااااااااام و ثانيا أيكون مصنع أنا أحنيه و بعدين أحط له كتم على يومين متتاليات واللون يطلع أسود طبيعي و لمعه مب مصنع وجنه روسيه صابغه أسود

حبيبتي ما عليج الشعرا لاسود من أجمل الوان الشعر وكل لوكات المكياج تمشي معاه طبعا أنا دايما أفرق من النص لانه الاسود حلو عليه الفرق من النص و أحط شدو بني غامج و بلاشر خوخي و قلوس خوخي على شفايفي يطلع جنان و أنا ما البس عدسات

بغيت أفيدج بس

اي انا مره قريت هالشغله ان حرام صح ؟؟

صج حرام صبغه باللون الاسود ؟؟؟؟

 

[اماراتيه 75]

هيه حرام فديتج وفيه أحاديث وايد إتقول أنه حرام يعني نخسر الجنه علشان لون شعر لالالالالالالالالالالالا والف لالالالالالالالا
أنا إللي اموووووووووووت في الشعر الاسود ما أصبغ اسود أخذ النتيجه من الحنا و الكتم هذا اللي وصانا فيه الرسول صلى الله عليه و سلم وعلى أله و صحبه أجمعين

أنا أخذ اللون الاسود من الحنا و الكتم و ياعيني سواد و لمعه حلوه طبيعيه

 

[توتا الكتكوته]

هيه حرام فديتج وفيه أحاديث وايد إتقول أنه حرام يعني نخسر الجنه علشان لون شعر لالالالالالالالالالالالا والف لالالالالالالالا
أنا إللي اموووووووووووت في الشعر الاسود ما أصبغ اسود أخذ النتيجه من الحنا و الكتم هذا اللي وصانا فيه الرسول صلى الله عليه و سلم وعلى أله و صحبه أجمعين

أنا أخذ اللون الاسود من الحنا و الكتم و ياعيني سواد و لمعه حلوه طبيعيه

يعني بس اللون الاسود صح ؟؟


انا صبغ الشعر بباقي الالوان عادي ما فهمت اتمنى التوضيح