توني والدة وحدي متوهقه ما اعرف شي

[بنت القادسية]

السلام عليكم. أنا توني والدة صارلي خمس ايام الحمدلله طبيعي بس بعد معاناة/من اليوم الثالث ماقاام ينزل علي شي شي بسيط بس حدي منصدمة وبطني مغص مو طبيعي بس ماكو شي/بطني اول ماولدت مثل الجلي والحين يابسه تخوف ماري شفيها/ واليوم رجولي وارمه شكلهم يخوف مع ان ما كان فيهم شي بالحمال/منو تعطيني حل حق هالاشياء/الله يجزاكم خير فيدوووني /أنا بجر ومااعرف شي

 

[نـور الكويت]

ياقلبي الحمدالله على السلامه ويتربى بعزكم يارب العالمين

اذا بطنج يابس اكيد معاج امساك اشربي دواء الامساء دوفيلاك يهبل

والوايه عادي يعورج بطنج اول الايام بعدين عااادي يرد

بس نصيحه كثري من الفلفل الاسود والرشاد ترى ينظف البطن ...

اما رجولج مادري رووحي شوووفي الطبيب وإن شاءالله مافيج إلا العافيه ..

والحمدالله على سلامتج ياقلبي

 

[LiL MaMa]

رد : توني والدة وحدي متوهقه ما اعرف شي

حتى لووو يوووقف الدم كمليي على الدوىىى

و انا مع راي الاخت نور الكويت

 

[بنت القادسية]

الله يجزاكم خير والله كانت مساك بس هاليومين احسن /احس عشان ماينزل دم بطني يابسه/مشكوورين ماقصرتوا

 

[جذابه بنت ذيابه]

رد : توني والدة وحدي متوهقه ما اعرف شي

الف الحمدلله على السسسلامه يا قلبي


اذا ماينزل دم .. تكرمين روحي سوي سونار


وكثري من لهم الرشااااااد

واشربي حليب حار بزنجبيل وفلفل اسود


واكلي تمر برشاد بحبه حلوووى


واكلج خل يكون دسم ويشبع
وحطي دوياتج فيهم



واشربي دايم دوا الغوووري



واشربي زعتر



وكثري من المسمار بالقهوه والنقوعه حطيها بالقهوه



وعسى ربي يجملج بعيون زوجج يارب

 

[ناتشوو]

رد : توني والدة وحدي متوهقه ما اعرف شي

حمدلله ع السلامة
وفي سبب لمغص البطن
الرحم يرد مكانه
وتورم الرجول صار لي وراجعت الطبيب وقال عادي
جم يوم ورجعو طبيعيين

 

[برعم الخوخ]

رد : توني والدة وحدي متوهقه ما اعرف شي

الله يعينج يا قلبي

 

[بنت القادسية]

الله يجزاكم خير طول عمركم ما تقصرووووون مشكوووورررين حبايبي بسوي اللي قلتوه والله يسهل

 

[رنين]

رد : توني والدة وحدي متوهقه ما اعرف شي

نصيحة قبل اي شي دقي على دكتورتج و وصفيلها الي تحسين فيه

بعدين لعرفتي شنو الطبيعي شنو الغريب ذيك الساع جربي شغلات الطب الشعبي

جاي اعشاب و لهوماتج و ادويتج الي كنتي مجهزتهم....


بالنسبه للرشاد الي اعرفه ناخذه آخر النفاس مو اوله تأكدي اول اذا يناسبج!!!

 

[دندونه@@@]

اللي يصير معاج نفسه صار معاي ولي شهر من ولدت باول يوم ولاده كان ينزل بلاوي وثاني يوم خف وايد عن اول يوم وثالث يوم بح كل شي وقف ولما سالت الدكتوره قالت عادي لانهم منظفيني بالولاده يسوون كحت للرحم وكل شي يتنظف قبل لا نطلع من الولاده كملي اسبوع ابتدي بادوية النفاس واذا فيج شي بينزل ...اما المغص اول يومين كنت اخذ ابر مسكنه لانه كان يذبح مع هالبرد وكل ما ارضع يزيد علي والسبب لان الرحم يرد لوضعه الطبيعي فلابد من الالم ووصفت لي الدكتوره حبوب مسكنه كل 6 ساعات والحمد لله ارتحت عليهم وبعد اسبوع اختفى الالم وكل كم يوم يمغصني بطني شوي ومع شاي الاعشاب ارتاح.....اما الانتفاخ في القدم كان رعب كأنج مركبه على كل اصبع بالونه وطبعا هذا من الكمام البنج اللي خذيته والهوى اللي دخل فيني وقت الولاده ....انشاء الله كل امورج طبيعيه واذا كنتي متخوفه من شي راجعي دكتورتج...لكن نصحيه لج لا تخلين الحليب الدافي على الصبح بالزنجبيل والحلبه وشااااي الاعشاب استمري عليه على طول حتى الفجر قومي اشربي منه وردي نامي واذا فيج امساك خذي حبوب الفحم من الصيدليه لان الامساك ممكن يأثر على خياطج وينفتح ....بعد كم يوم شوفيلج رداده ترددج وتسويلج كاسات هوى وتريحج وانشاء الله تعدي الاربعين علينا على خير ونطلع من الشر انا وياج

 

[دنيتى زوجي M]

ماعرف بهالامور والبنات يعطيهم العافيه ماقصرو

سلامتج وماتشوفين شر

 

[روعه 99k]

رد : توني والدة وحدي متوهقه ما اعرف شي

امشي لا تقعدين وايد
واذا نمتي رفعي ريولج علي مسند
وإكلي تمر مع حبه سودا ورشاد
ولا تشربين حليب

اللي فيج شي طبيعي غازات وسواإل
وما تشوفين شر

 

[بنت القادسية]

يا حياتي ماقصرتوا الله يسهل عالجميع يارب

 

[جوري85]

الله يكون بعووونج اتوقع ادوية النفاس اهيا الشي الوحيد اللي بيفيدج
والف الحمدالله على سلامتج

 

[بنت القادسية]

الله يسلمكم من الشر

 

[om al ghaleen]

ماقصروا البنات

\\