توني عروووس حسبي الله ونعم الوكيل بس

[اشتقت ياجرح]

مرحبا بنات بدش بالموضوع على طول








انا متزوجه لي 4شهور مشكلتي الي بمووت منها زوجي يابنات لاعصب

قعد يغلط ويقط كلام مثل السم سب واهانات و كل شي

المشكله يابنات لارضى مافي احلى منه مااصدق انه الي قبل شوووي

جنني بتقولون ابتعدي عن الي يعصبه ولاتحاولين تعصبينه

اصلا يابنات لو سالفه ماتستاهل تافه لو اطلب منه شي تافه قعد يهاوش

ااااااااااااه بس والله كرهته حرام عليه ليش هاالمعامله انا مو عوبه

والله جنني احسه متناقض

والله تعبني باهاناته ابي احط لها حد شلون خاطري مره ازعل عليه زعله قويه يحفضها بقلبه بس شلون توي عروس وماعرف

بهسوالف وماعندي غيركم يابنات

اخاف ياخده طبع السب والاهانات

قولولي يابنات شلون ازعل عليه زعله يحفضها بقلبه

قولولي اي شي اي حل والله قعدت اخربط من القهر

تونا قبل شوي متهاوشين وماخلى كلمه وسخه بهدنيا ماقطها بوجهي

ليش عشان قلت ابي فلوس

اه يالقهر اه
شسوي يابنات الحين هو طالع شسوي لارد

لاتقولون تفاهمي معاه التفاهم مايجيب نتيجه عشرين ابو الف مره متكلمه معه بهالموضوع ومافاد وانا تعبت


شلون احط له حد واتوبه شلووووووووون اتوبه من كلامه الوسخ

 

[احبكم ذاتي]

اللة يعينج ياحياتي
هذولا الرياجيل لاعصبوو خلاص يمكن يبي يفرض شخصيتة عليج واللة بعضهم يحب هالحركات
انا في بداية زواجي جذي حييل تأذيت من هالسوالف بس ماكان يسب يعني ادناة شي يعصصصب ومعالايام تأكدت يبي يفرض شخصيتة
انتي طنشي مو كل سالفة توقفين عليها ماراح تخلصين واهم شي يفهم ان هالاسلوب مو اسلوب اثنين تو متزوجين وان انتي مووعاجبج هالاسلوب
ولاتيأسين وبالنفاهم مرة وثنين وثلاث كل شي يصير
واللة يألف بين قلوبكم ويوفقكم يااارب

 

[shahooda123]

اى والله صاجة الاخت اللى قبلى بس انتى حاولى تكلمينه بعض الريايل ليعصبو ينسون نفسهم يقوم يخربط بالكلام انتى لاتردين عليه من نفسه ترى بحس بغلطه ويعتذرلج

 

[ياراا]

عادي شي طبيعي معرس يديد يبي يفرض رايه وهيبته عطيه طاف اخرتها بطخ الظاهر ربعه موصينه افرض شخصيتك عليها وهو يمكن زودها شوي

 

[Gourges]

كتبي له رساله ... والله من صجي ادري بتقولين كلام تافه وبيضحك علي لا بالعكس
بيدي ان انتي جد مجروحه من الي قاعد يسويه وكلامه وقلت ادبه ..

والله جد اخذي ورقه كتبي فيه كل الي فقلبج ..وحطيها على مخدته ونامي .. وخلي يمج جم كلنكس معفس جنج ميته من البجي ليمن نمتي ...
والله حيل بيتاثر وبيفهم انه قاعد ياثر عليج والصبح نفسي .. وردي على كلامه بس لاتسولفين وتضحكين بيني انج متضايقه لمن اهوا ايي ويسولف عن هلموضوع ويعتذر قولي له لي متى وابجي عاد شوي .. قولي والله هذا واحنا باول حياتنا جذي تسمعني كلام عمري ماسمعته عيل بعدين شبتسوي
وبس والله صدقيني هذا حل يناسب وضعج انج عرووس .. وانج متاثره ... وانج ماتبين السالفه تكبر ...
الحل انه يحس انه غلط وجرحج

 

[Tulips]

الله يعينج حبيبتي

قوليله ان ما احب هالاسلوب .. كلمني بهدوء افهم ماله داعي السب والصراخ.. خلج جديه معاه بهالكلمتين خل يحس انج مره ثانيه ماراح تسكتين له لازم يكون الاحترام متواجد بينكم

وانتي لازم تعرفين شلون طريقته و متى وبأي وقت تكلمينه يمكن كانت نفسيته موشي يوم طلبتي منه واذا عصب امتصي غضبه بطريقتج اوهو بنفسه راح يلبي طلباتج بس عرفي متى تطلبينها.. خلاص هذا طبع فيه وانتي شوي شوي غيريه لازم تتحملين

 

[غيمه ظميانه]

شوفي دام انه اذا رضى يصير حبيب وطيب

اهم شي بالرجال قلبه ولا اللسان خليه على صوب لان هالشي يرجع لشخصة الفرد يمكن هو

ينسى نفسه اذا عصب
...............

اهم شي كلميه بيوم يكون فيه هادي كلميه بهدوء وخلي نفسج مسكينه ومكسوره قوليله انا احبك
بس طلبتك طلبه اذا لاسمح الله عصبنا بس تعوذ من ابليس


تصدقين الواحد من يتعوذ من بليس يخف الغضب وانتي جربيها اذا صار شي ذكريه قوليله

قول اعوذ بالله قول لا االه الا الله وخليته يتعوذ

لمى ياخذ هالشي عاده

وانشاالله ماكو الا كل خير وانتوا توكم معاريس طبيعي تصير مشاكل وفرض شخصيه

 

[ام بديير]

تفاهمي معااه بهدوء وقوليله احنا تونا بأول حياتنا!! شلون بنكمل حياتنا جذي وقولي اللي بقلبج صدقيني بيحط الكلام اباله ويتعدل انشالله ..

 

[ديانا سبنسر]

الله يهديه لج

 

[قصه طويله]

بانوثتج ياانثى يااحلى بنت تقدرين تغيرينه ؟؟؟؟؟؟

 

[ريح قهوه]

عندنا وعندج خير

وانا اختج اصبري عليه المره مو كل يوم لها رجال

شوفي دام انه لا هدى ماكو احسن منه اشوى هذا فيه رجا

خليه يغلط ويعصب ويسب وانتي اسمعي واسكتي لا هدى قولي له حبيبي انا احبك وانت هادي وكلامك يجرحني لاعصبت انا مابيك تاخذها طبع وحنا ابداية زواجنا خل حياتنا نظيفه

وانتي عاد صيطري عليه وخلي طلباتج بالمعقول وطوفي لحد ما تملكينه وتخلينه يشوفج كل شي بدنيته والله هذيح الساعه مايرفض لج طلب

بس نصيحه لاتزعلين وتعودينه على زعلج بعدين والله مايراضيج وترضين من نفسج خلج ريلاكس لاعصب

 

[بقلبي مجلسك]

والله والله مافي مثل الدعاء ادعيله بكل سجده الله يهديه لج ان شاءالله

 

[Sweetq8]

اللا السب عاد شنو وين قاعدين قولي له ترضا أسبك انتي ماسويت شي غلط عشان يعصب طلبتي حقج تبين فلوس قولي له اذا ماتقدر ع مصاريفي ليش خذيتني ازعلي وروحي لاهلج الي يسب بكرررره يطق شنو كلميه وقوولي احبك وهو سابها اي شي وهذا رأي وانتي حره الله يهدييه لج

 

[دقة قلب 1986]

والله ربي يكون بعونجج
بس سراحه لازم توقفينه عند حده
اقصاها قوليله ترى لو بوقف عالزلة حياتنا ماراح تمشي
ومافياحد كامل شي مايعجبك قولي بهدوء وتراني افهم ولاني عنيده
ولاتخلينه يتمادى عليج وعلى اهلج وانت تعرفينه اكثر من غيرج

 

[^q8ia^]

الله يهديه ويسخره لج

 

[جوك احلى جو]

الا الاهانه لازم توقفين وقفه له سنعه ولا ترا بتعود ديري بالج

 

[دانه_83]

الله يهديه ويسخره لج

 

[شقرديـه عالطل]

كتبي له رساله ... والله من صجي ادري بتقولين كلام تافه وبيضحك علي لا بالعكس
بيدي ان انتي جد مجروحه من الي قاعد يسويه وكلامه وقلت ادبه ..

والله جد اخذي ورقه كتبي فيه كل الي فقلبج ..وحطيها على مخدته ونامي .. وخلي يمج جم كلنكس معفس جنج ميته من البجي ليمن نمتي ...
والله حيل بيتاثر وبيفهم انه قاعد ياثر عليج والصبح نفسي .. وردي على كلامه بس لاتسولفين وتضحكين بيني انج متضايقه لمن اهوا ايي ويسولف عن هلموضوع ويعتذر قولي له لي متى وابجي عاد شوي .. قولي والله هذا واحنا باول حياتنا جذي تسمعني كلام عمري ماسمعته عيل بعدين شبتسوي
وبس والله صدقيني هذا حل يناسب وضعج انج عرووس .. وانج متاثره ... وانج ماتبين السالفه تكبر ...
الحل انه يحس انه غلط وجرحج

احس هالطريقه تنفع معاه جربيها
والله يهديه لج انشالله

 

[جولينار]

اهم شي لما يعصب لاتردين عليه والا تسفهينه وتروحين

لا ... نزلي راسك تحت وسوي انك مجروحه ونزلي كم دمعه وخلي صوتك وااااااطي وانتي تردين عليه

هو يبي يحس انه سي السيد ,, حسسيه منتي خسرانه شي ,,

واذا هدى كلميه بأنوثه ورقه قولي له ابيك تحسسني بأنوثتي واني تحت ظل رجال

احتويني مو تهاوش وتسب بأسلوب واحد يتكلم من اصحابه !!

وياقلبي هدي بالك توك سنة اولى زواج

 

[شنوووفه]

الله يعيييينج حبيبتي كل الريااييل لي عصبي قطو كلالام مايثمنونه
موفقه