توني رجعت من ماليزيا .. وحشتوني

[سعودية قلبها كويتي]

السلام عليكم

شلونكم يالغاليات ..

والله ولهت عليكم :ggdw:

الحمدالله توني رجعت من ماليزيا :68_asmilies-com: واللي بخاطرها سؤال تسئل

بس اسئلوني عن كواللمبور .. لأنه الدوره عند زوجي كانت بالعاصمة وماامداني اروح مناطق ثانية ..

 

[رقي]

الحمدلله علي سلامتج
وحياج الله
وان شالله تكونين استانستي
اهم شي

 

[Betty]

ألف الحمد الله على سلامج حبيبتي

 

[سعودية قلبها كويتي]

الله يسلمكم من كل شر يارب

الحمدالله بس الجو وايد رطوبه وحااااااااااااااااااااااااااار

 

[كل الورد]

الحمد للة علي السلامة أناودي اروح ها الصيف بسألك عن اهم الأسواق اللي سعرها معقول واسم الفندق المناسب والمطاعم الحلوة ودمت سالمة

 

[ملاك الشوق]

حمدلله على سلامتج يالغلا


انا برووح بعد اسبوعين ان شاء الله


يلاا ابي نصاايحج وين ارووح

 

[banota]

الحمد لله على السلامة

 

[سعودية قلبها كويتي]

الحمد للة علي السلامة أناودي اروح ها الصيف بسألك عن اهم الأسواق اللي سعرها معقول واسم الفندق المناسب والمطاعم الحلوة ودمت سالمة

الله يسلمج يالغلا ..

روحي بالصيف بس الله يعينج على جوها :0bee2e8d89: كلش مو طبيعي حر ورطوبه ..

شوفي اختي بالنسبة للأسواق اللي سعرها معقول .. احلى مافي مجمعاتهم انها تجمع مابين الغالي والرخيص

اذا ركبتوا في التاكسي .. قولو له نبي اسواق رخيصة .. وماراح يقصر معكم ..


السوق الصيني حلو بس احذرج منه .. بغيت انطق فيه ..صج توني تأكدت ان الصينين يكرهون العرب ..

النشالين فيه وايد .. انتبهي .. واذا دخلتو محل .. لا تحوسون بضاعتهم ورجعو كل شي مكانه .. والمشكلة انهم مايبون مفاصل بالسعر .. وفوق هذا النفس خايسة علينا ..

شارع العرب حلو .. خلو التاكسي يوصلكم اول الشارع .. وانتم كملو مشي .. بتحصلون المجمعات الحلوة فيه

بس انتبهي حق جنطتج .. من اللي يركبون دبابات هناك (ماادري شنو تسمونها بالكويتي :dddds: )

المطاعم العربيه حلوة هناك بس عيبها غالية شوي ..

مطعم الطربوش .. مطعم خيمة الصحراء .. مطعم الباشا .. مطعم ناب .. وياشين الخليجيين بهالمطاعم .. لاشافو عرب قعدو يطالعون فيكم جنكم يايين من المريخ ..

مطاعم الفاست فود .. عادية هناك .. انا مااعجبتني وايد ..

والفنادق .. فندق ايميليا انا سكنت فيه حلو وهادي ..

 

[سعودية قلبها كويتي]

حمدلله على سلامتج يالغلا


انا برووح بعد اسبوعين ان شاء الله


يلاا ابي نصاايحج وين ارووح

الله يسلمج من كل شر

وتروحين وترجعين بالسلامه يالغلا

راجعي ردي السابق واذا بخاطرج سؤال معين عيوني لج

 

[سعودية قلبها كويتي]

الحمد لله على السلامة

الله يسلمج من كل شر يالغالية مشكورة حبيبتي وماقصرتي

 

[حاااايره]

الحمد لله عالسلامه

بنات اللي محتارين بفندق في كواللمبور بشارع العرب شوفو فندق رويال بنتنج حلوووو ونظيف 4 نجوم

ادري داخله عرض بس حبيت افيدكم سفره سعيده ياااارب

 

[الطيبه]

الحمد لله علي السلامه ونورتينااااااااااااااااااا

 

[sweet]

الحمدالله على السلامة ومشكوره على المساعدة والإفادة

 

[أم^هيوني]

الحمدلله على السلامه حبيبتي بس حبيت اسالج حرهم مثل حرنا والشمس تصلخ نفسنا لان احنا عندنا صيف مهب صاحي انشاء الله ناويه اسافر بشهر ثمانية

 

[brettey]

الحمدلله على السلامه انا رحت لها الصيف الي فات حدها رووووووووووعه

 

[سعودية قلبها كويتي]

الحمد لله عالسلامه

بنات اللي محتارين بفندق في كواللمبور بشارع العرب شوفو فندق رويال بنتنج حلوووو ونظيف 4 نجوم

ادري داخله عرض بس حبيت افيدكم سفره سعيده ياااارب

حياج الله اختي والله يسلمج من كل شر

بالعكس لاداخله عرض ولا شي .. بلعكس داخلة بالقلب والله

ومشكورة على الأفاده يالغلا

بارك الله فيج

 

[سعودية قلبها كويتي]

الحمد لله علي السلامه ونورتينااااااااااااااااااا

الله يسلمج يالغالية والنور نورج حبيبتي

مشكورة ماقصرتي

 

[سعودية قلبها كويتي]

الحمدالله على السلامة ومشكوره على المساعدة والإفادة

الله يسلمج يالغلا ولاشكر على واجب حبيبتي:tek:

بارك الله فيج

 

[سعودية قلبها كويتي]

الحمدلله على السلامه حبيبتي بس حبيت اسالج حرهم مثل حرنا والشمس تصلخ نفسنا لان احنا عندنا صيف مهب صاحي انشاء الله ناويه اسافر بشهر ثمانية

الله يسلمج يالغالية

بالنسبة للحر .. ترا احتمال الحر يختلف من شخص لشخص .. انا عن نفسي تضايقت من الحر والرطوبة مع اني رحت بشهر 5 عيل انتي الله يعينج ..

انا كان معي ولدي وكان وايد يتضايق من العرق لما يسيل على جسمة ويقعد يصيح يبي يرجع للفندق:0bee2e8d89:

شمسهم حارة بس اتوقع مو مثل شمسنا .. لكن الحر عندهم مو طبيعي ..

انتي فترة الظهر روحي المجمعات .. وبالليل ترا جوهم معقول نوعا ما

انا صج بغيت اسيح يوم رحت لأفاموسا .. صج رطوبة وحر اشد من اي منطقه ثانية

وان شاء تروحون وترجعون بالسلامه

 

[سعودية قلبها كويتي]

الحمدلله على السلامه انا رحت لها الصيف الي فات حدها رووووووووووعه

الله يسلمج حبيبتي
والحمدالله انج انبسطتي ..