توني راده من سوق الحمام و معصباااااااااااااااااه

[lojeeen]

السلام عليكم و كل عام و انتو بألف خير

اعذروني خواتي على الكلام اللي بقوله بالموضوع ><

معصبه حيل و الدم فاير بعروقي

توني الحين الحين راده من سوق الحمام قلت خل آخذ امي و ابوي بطلعه تمشي اشوف الطيور و الحيوانات و اوسع صدري اهناك بين خلق الله و على شان ^emy^ عندها قطو لونه برتقالي ضايع معانا بالمنتدى قلت يمكن القاه اهناك
^emy^ ترى في وايد قطاوه اهناك يشبهون قطوج إذا ما رحتي انصحج تروحين الحين تعرفي عليه ترى القطاوه حالتهم حاله و ضعاف حيل و ما لهم خلقي حتى اطل بوجههم

بنات ............ انصدمت من اللي شفته

انا صحيح مو أول مره اروح هل سوق انا رحت مرات و مرات و كنت انصدم و اتضايق و أقول ليتني ما جيت ...

يا بنات يمكن اغلبكم يعرف اني مربيه قطط و اولد القطاوه عندي بالبيت و اكثر من مره بعت من قطاوتي

شفت واحد من قطاوتي اللي بعته على وحده من نفس هاذا المنتدى هاذا كان شكله لما سلمتها اياه

راعي المحل ما رضى اصوره و لو حطيت صورته ببجيكم مثل ما بجيت >< صار هيكل عضمي و شعره الطويل كله طاح
و عيونه الواسعه ورمت و تسكرت من الكريم الأكسباير اللي يحطه بعينه

تخانقت مع البنغالي قلت له شتسوي انتا ليش ما توكله يقولي هاذا ما يبي ياكل و ليش عيونه شذي و ليش فيه اسهال اتصدقون يا بنات حتى ما يعرف انه هاذا ذكر يقولي نثيه هاذا ولدي انا اعرفه عدل و يقولي لا هاذا نثيه ><

امي شافته قالت لا هاذا مو ولدج مالج كان متين و مريش هاذا شكله شوارعي و بيموت هاذا ولدي انا اعرفه ><

شاسوي بنات جسمي نفر كله و صارت مبقعه و اهرش انا حابسه نفسي بغرفتي و بطلع بعد اشوي للحمام بتسبح بديتول حتى ما اعدي قطاوتي و عندي قطوه توها والده لو بينعدون راح يموتون ><

شاسويي ............. اشتريه ...... البنغالي الله لا يوفقه يبيه ب60 دينار و اهو محتاج اكثر من 100 دينار حتى يعيش و الدهماء مو فاتح لو اشتريه وين احطه حتى ما يعدي اللي عندي بالبيت


بنات ........... وصلوها رساله للكل محد يبيع حيواناته بهل سوق واللي يرحم والديكم

هل مخلوقات لها جسد و روح و احاسيس ليش احنا نحطها بمثل هل مكان الله يحاسبنا على هل ارواح

اللي بعتها هل قطو يا ليتها رجعته لي انا متأكده انه البنغالي ما اخذ منها اكثر من عشر دنانير مادري شلون قادره تنام على المخده الحين و اهي شايفه المكان اللي بينحبس فيه هل قطو تكفين إذا تقرين موضوعي الحين ردي طلي على قطوج شوفيه هاذا شكله لما سلمته لج

حسبي الله و نعم الوكيل

سامحوني يا بنات >< انا مالي غيركم .............

 

[ســكــّر]

عليكم السلام ورحمه الله وبركاته
وانتي بخيرّ



كلامج قريت وعور قلبي
والله لولى الحيا جان نزلت الكعب وضربه على راسه اخلي دمه يفوور
صج انا شايفه هالشي عيل قطاوه 3 محشورين بقفص حمام ؟ وين قاعدين ولا وبعز الصيف
وين الاهتمام


وبخصوص القطو حقج
ممكن يشابها ترى القطاوه الي يكون لونها موحد في منها 10000 مشابه لها
يمكن يكون الشبهه
واذا تقدرين تشترينه اشتريه اذا فعلا اهو نفسه مو قطو يشابه
وعالجيه اول باول وشنو العلاجات الي يبيها ترى كلها من الصيدليه واذا ابر خليها بعد العيد



والله عور قلبي ودي اكفخ الهندي بس كف ابرد جبدي لانهم مايعطونهم لااكل ولا ماي
يالوحشيه فيهم علشان قطو بطقاق ماهمهم غير الفلوس
وين اصحاب المحلات يشوفون شسووون فيهم

لاحول ولا قوه الا بالله


وربي مالومج

 

[lojeeen]

سكر مشكوره على الرد و صاجه يا ليتني لابسه كعب حتى اكسره على جثته حسبي الله عليه ><

يا ليته مو قطوي المشكله هاذا منولد عندي بالبيت و ربيته لما صار عمره 3 شهور عارفته عدل حتى بعد ما مرض و صار هيكل عظمي و شعره كله حت هاذا اهوا قطوي

و مستحيل حد يشتريه بهل سعر و اهو بهل حاله الخطيره علاجه بيكون حيل مكلف و راح يعدي كل من يلمسه انا الحين جسمي شب كلا حبوب و بقع حمره

و الدهماء مادري متى يبطل لازم آخذه و سيده على ا لمستشفى حالته ما تسمح اني آخذه البيت حتى امي و ابوي ما رضو اشتريه و اختي قالت لي لو شريتيه بدال المريض الواحد كل البيت بقطاوته و انتي بتمرضون >< طيب و الحل ........

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

عورتي قلبي ,,,

أنا بعت وحـدهـ من عيال قطوتي و قلي معورني عليها بس ما هون الأمر إلا إني بعتها على ناس يستاهلون والنعـمـ فيهمـ والله ,,,

مدللينها و هـمـ جذي معورني قلبي عليها ,,,

أجل لوصار فيها جذي و صارلي هالموقف ( و يا رب ما يصير لأحد ) ,,,

ما أدري شسوي ,,,

يا رب ما يكون الي شفتيه قطوج ,,,

ما ألومـج لا عصبتي و أنا أقرأ فار دمي و الله لو أني مكانج أحس اني بزنطه من كلامه ,,,

و إذا معـآج أبوج خليه يزفه و جذي قولي له 20 دينار و احمد ربكـ لا أعلمـ البلديه ,,,

مـآ أدري و ينـهـمـ صرآحه كل هالمخالفات و مو مسوين شيء ,,,

و الله حرآمـ الي صار الله يعينج حبيبتي ,,,

و هو شافج متشفقه عليه تبينه فغلى السعر ,,,

و الله ما تدرون شكثر نصبهـمـ حراميه و ياليت على شيء سنع ,,,

دومـ أروح لهـمـ وحافظييييييني صـمـ يقولون أنتي كلا يجي بس ما يشتري ,,,

كل هذا و يبوني أشتري ,,,

و الله ما يكسر خاطري غير القطاوهـ هـمـ الضحيه ,,,

و الله لو ساومتيه امكن ينزلج لين 30 ,,,

صدقيني قوليله أبي 20 و شوفي شلون ينزل ,,,


انقهرت شكلي بخلي آبوي يوديني سوق الحمامـ اليومـ ,,, < حلمـج

حبيبتي هو بأي محل ؟

و مـــــع السلامــــه ,,,
|~|

 

[sweet cake]

لوجين من صجج؟؟
شنو هالأوادم ماعندهم قلب ولا يحسون!! كل هذا عشان جم دينار!! اشتري ذنوبي بالفلوس .. وين صارت هذي!!

لوجين بعد قلبي بصراحه ما انصحج تشترينه وتحطينه بالبيت.. انتي بس مره وحده شفتيه بـ هالحاله وشوفي شصار بجسمج .. انتي عندج قطاوه باليت وعندج كيتينز مواليد .. شوفي لازم تقوين قلبج شوي وتستغنين عنه وتخلينه احسن من انج تعدين كل قطاوتج وتموتين قهر لا صار فيهم شي وتحاسبين نفسج...
لوجين لا تنسين انتي عندج كيتينز وانتي اكثر وحده تعرف بالقطاوه وتربيتهم وتدرين انج ممكن تخسرين الكيتينز اذا شريتيه وعالجتيه لأن ممكن تعدينهم او تعدين احد من اهلج ويعديهم..

الله يكون بعونج ويكون بعون القطو..

 

[lojeeen]

كحلاء العين مشكوره على الرد

هاذي المشكله اني انا زبونته بالمحل وايد كنت اشتري منه قطاوه فطمعان فيني و الحين قلت له انه هاذا مولود عندي احس طلعت له قرون
ابوي ما رضى يكلمه سحبني تسحب برى المحل امي قعدت معاي اشوي و حاولت تكاسره بالسعر ما رضى و لا فلللللللس و قاعد و يلغمط بوجهه بهل كريم و لا يحط له اكل الله يااااااااااخذهه ><

محله واضح اهو المحل الوحيد اللي يبيع سمج زينه و جلاب و قطاوه خليطي مليطي اول ما اتدشين محله بتلقين قطوه ام مع ثلاثه من عيالها حاشرهم بقفص اصغير المساكين و قطوي انا حاطه بآخر المحل بقفص اصغير و عيونه بالغصب يبطلهم

الحقير ما يبي ينزل لأنه يدري انا اللي راح ارجع و اشتريه محد بيقدر ياخذه و اهو على هل حاله شوفي الأستغلال

 

[lojeeen]

sweet cake ثانكس على الرد

هاذي مصيبتي لو بشتريه راح ينقل العدوى حق كل المواليد اللي عندي و انا ما عندي مكان احجره فيه و اداويه ><
و بنفس الوقت ابي انقذه مابي يموت دام اني شفته أحس انه من مسؤوليتي الحين .... بس حتى الدهماء مسكر

 

[a7la-86wa]

انا شوي اروح للسوق
بطلع عينه عشانج
عرفت المحل لما ابي ابيع عنده مايبي انا ناويه فيه من زمان
_______________
انا شفتج تبيعينه بمنتدى مزاد
سئلي البنت وين القطو احتمال مو نفسه
وريحي بالج
انا مرات اخربط ..قطوتي مره وديتها عند ذكر ولما يبتها ماعرفتها عبالي البنت مغيرتها لان حتى الصوت تغير
ريحي بالج
لا تتسرعين
مافكرتي يمكن انسرق من البنت ؟؟؟
اكيد عندج رقمها دقي عليها وساليها

 

[a7la-86wa]

الدهماء مصكر ؟؟؟زين والري؟؟

 

[sweet cake]

طيب لوجين يا قلبي استخيري..
وانا من رايي تضغطين على نفسج وتخلينه.. على الاقل تحملي بس عشان اللي عندج لا يصير فيهم شي وما يحتاج نذكرج بالأخطار لأن انتي اكثر وحده تعرفين بالقطاوه وشنو المناسب لهم..
وبعدين انتي شفتي شي خطأ وحاولتي تغيرينه بس مو بيدج .. وانتي على الاقل حاولتي لكن لا تنسين ان بذمتج غيره وانتي ماتبين تجيبين لهم الأمراض..
تحملي والله يعينج يا قلبي

 

[lojeeen]

a7la-86wa
امبلا اكيد اكيد اهوا و ما اعتقد انه انسرق >< و الري هاذا من اسوء المراكز البيطريه الي عرفتها بحياتي موتولي اثنينه من قطاوتي حلفت اني ما ارجع له لو انه ضاع عليها شان شفتيها فزعت بالمنتدى و كتبت موضوع انه انباق
عفيه ما اوصيج يا الغاليه ابي اسمع صراخه يوصل لما بيتنا

سويت كيك
ما قصرتي حبيبتي على وقفتج بس انا صج محتاره و مقهوره شاسوي يمكن امر باجر سوق الحمام و معاي أكله لو الدهماء مفتوح بطلع عيون البنغالي حتى ينزل سعره

 

[fatosha]

حبيبتي لوجين بيعي قطاوتج على بنات

عشان يهتمون فيهوم

حرام والله على سوق الحمام

يموتون هالحيوانات من اليوع

 

[sweet cake]

بس لوجين ياقلبي وين تودينه اذا جبتيه؟؟
عندج مكان تضمنين ان محد يدخله كللللش؟؟
الله يعينج يا قلبي وقاعده افكر لو اني مكانج شنو ممكن اسوي

 

[lojeeen]

fatosha
هاذي المشكله اني بعتها على بنت انا لا يمكن اودي قطاوتي لهل جهنم والله جهنم ارحم ..........

سويت كيك
مادري والله مادري الحين قاعده افكر لو اشتريه و احبسه بقفص داخل غرفتي و امنع الكل من انه يدخلها و اعقم الغرفه اول بأول يمكن ينفع ...

 

[@لشموخي روايهـ@]

اهلييييييييييييين بنااات
لوجيـن معليـش ع لقافتــــــي
بـس مسكيـــن وش ذنبه هالقطو يموت جـوع ااذا هالبنقالي مافي قلبــــــــه ذرت رحمــــــــــه:eh_s(14): خـليكـ ارحــــممـ
منـــــــــه وخذيـه ووديــــــه اقـرب فرع بيطـري عندكـمـ عالجيـــه صـدقيني رااح تكسبيــــــن فيه اجـر وبعدين يكفـي انـه طـالع من عندكـ
معليـــــــش تنـازلي هالمره ووديـه واذا مانقـص لك هالبنقالي سوي روحكـ ببتكلميـن البلـــديه وشوفـي وجهه كيف بينقلب الوان
لاتودينه البيت ع طـول للبيطري هدديه قولي لـه والله لابلغ عليـكـ واقـول انـه يجـوع الحيوانـات >>حـــرامـ وربـي همـ يحسـون ييجوعـونى :0bee2e8d89::0bee2e8d89::0bee2e8d89:
تكفيــــــــــــــــــــــــــن بشريــــــــــــــنا اذا تع،ـــــــــــــــــافىأ
والله يـوفقكـ دنـــــــــــيا واخـره ويفتـح ع ـــــــــــليكـ ابـــــــــواب رحمــــــــــــته ويخليكـ حق ابوك وامكـ يـــــأرب>>قلبت عجـوز خخ

 

[sweet cake]

@لشموخي روايهـ@ .. المشكله مو بالقطو المريض وبس.. لوجين ما شاء الله عندها واجد بالبيت ومنهم قطاوه توهم مواليد.. يعني مناعتهم ضعيفه جدا جدا وانا بصراحه خايفه يصير شي بأي قطو عندها ووقتها راح تندم وتتحسف أكثر..

لوجين اذا بتحطينه بقفص وتعقمين الغرفه جذي اوكي .. واخذي القفص اللي بسوق الحمام اللي يكون خشب وكبير .. تلقينه بدينارين.. عشان تقطينه لا خلصتي منه لأن راح يكون ملوث .. بس احسن لو تحطين قطاوتج الباقيه بمكان بعيد عن غرفتج وخاصة الكيتينز.. وانتي لا تقربين لهم ..
اي وخلي عندج لبس تلبسينه اذا جيتي للقطو المريض .. يعني اذا بغيتي تعالجينه .. واذا تبين تطلعين لأهلج بدلي والبسي شي ثاني..
يعني اتبعي كل الاحتياطات بس اهم شي الكيتينز ينحكرون مع امهم بغرفه وما يطلعون كلللش..

والله يوفقج ويكون بعونج ان شاء الله ويعطيج ويرزقج على قد نيتج >> العجوز الصجيه

 

[SwaaRii]

حرام والله
:/
انا ماحب القطاوه بس يكسرون خاطري حزات :/

 

[Couch potato]

خيتو ذكرتيني بقبل جم اسبوع
رحت حق سوق الحمام ادور جلبنا المبيوق
المهم مريت على محل والا حاط قطو ابيض صغير بقفص
عمره مو اكثر من شهرين
المسكين من الحر طايح على جنب ولسانه برا واحسه يتنافض
اشوف المكان اللي المفروض يكون فيه ماي مافيه ولا نقطه
جان التفت على الهندي اقوله حرام عليك حطلها ماااااي بهالحر مخليها جذي
والا يرد يقول لا اهي شاربه ماي ما تبي !!
ولا ازفه اقوله حطلها ماي شخسران
اهو بس حط بقلاصها ماي جان تفز المسكينه وتشرب نص اللي بقلاصها .. ميييييته عطش
والله حرام حرام حرام اللي قاعد يصير

 

[حلاها بلاها]

لوجين تدرين شلي باط جبدي و قاهرني؟؟؟؟.... انها قبل فتره داقه عليج اطمنج ان القطو اوكييييي و صحته زينه وفرحانه فيه و تشكرج اهيا و زوجها

و اذكر انج قلتي لها ووصيتيها ان اذا صار له شي خل اتقولج..... اواااادم ما عندها قلب و لاضمير ولا في مسؤوليه
بس اتلاقينها ملت و اشبعت منه قالت ياالله ابيعـــــــــــــــه و افتك..... وااااااااااااااااااااي قاااااااااهرتنيييييييييي !!!!!

يا ماما يا حبيبتي ليش تشترينه دامج عارفه انج مو قد المسؤوليه .. ترى هالقطو عنده رووووح مو لعبه تتسلين فيها و لي مليتي قطيتيها

 

[camilia]

حسبي لله عليييييهم !!!