توني بجر وماعندي خوات ومحتاجه مساعدتكم بتجهيزي للنفاس بليز :)

[بنت فينا]

السلاااااام عليييييييييكم حبيباتي



شلوووونكم عساكم بخير




اللي مو حامل عسى الله يرزقها بالذريه الصالحه .. واللي حامل عسى الله يهون عليها ويثبت حملها يارب



ادري انكم نزلتو مليون موضوع يخص التجهيز للأم والبيبي



امممم لكن مشكلتي ... اني ... ما ادل من وين يبيعون الشغلات اللي ذكرتوها بمواضيعكم القديمه :eh_s(2):

انا شغلات البيبي جريب اشطبها انشالله بس ناطره اعرف جنس المولود واروح اخلصله اغراضه فديته ..

بس الشغلات اللي حقي مادري من وين القى شغلات سنعه ..

ابي نفانيف حق النفاس مادري جم نفنوف اشتري ومادري من وين اشتري .. صراحه ميزانيتي محدوده جدا .. تحسفت اني فسفست فلوسي على عطور واشياء مالها معنى والحين وقت الصجيه توهقت بميزانيتي :eh_s(2):


لاني الحين بيمع حق خدامه وحق ولاده وحق تجهيزي وتجهيز البيبي امبيه احس اني متوهقه .. وابي اشتري اشياءات مستواها زين وسعرها مناسب مابي اشتري اشياء بوطقه وتفشل علبونه ماعندي :eh_s(2):




اووف متوهقه حدي مادري من وين ابدي ومادري ششتري وشخلي



اممممم شنو يبيلي حق الاربعين ؟؟





- جم نفنوف نفاس ستن اخذ وجم واحد قطن ؟ <<< وجم واحد كشخه وجم واحد عادي ومن وين ؟؟ (( احنا اهلنا شويه وحمولتي شويه لانهم من الاهل ))

- جم دراعه كشخه ؟؟ (( ومن وين ياليت تقولونلي ))

- جم مهاد كشخه وجم مهاد عادي اخذ ؟؟ (( للحين مادري شنو جنس المولود ))

- وشنو احتاج كريمات واشياءات حق الجسم ؟ لاني مابي افسفس فلوسي .. وطبعا مابي اشتري خلطات من تاجرات المنتدى لان كلهم يشترون من الحواي ويردون يبيعونه علينا ..

- بنات انا شريت ملابس داخليه مره غيرت المقاس برقم واحد وبعد شهر حسيت انه ضيج ورديت شريت اندر ويرات اكبر برقم وانا الحين بالسادس تهقون راح يكبر صدري؟؟ عشان اعرف وما اكود اخاف يصيرون صغار ويطيحون بجبدي
وبفتره الاربعين اشتري ستيانات رضاعه اللي ينفتحون <<يعني يصير عملي ويومي وله بس اشتري 3 حق وقت الرضاعه وباقي اليوم البس العاديين المسكرين ؟


- عادي اشتري بيجامات قطعتين وله بس دراريع معن عمري ما لبست دراريع حق بيت ماحب

- وانا حاطه فبالي اشتري كورس النفاس من ام خالد الهاجري (( خبيرة الاعشاب)) شرايكم بشغلها ؟؟

- وشنو احتاج اخذ معاي بجنطة المستشفى ؟؟

- ومن وين اشتري كورسيه سنع ؟؟

- واطقم جاي وقهوه من وين القى حلوين واسعارهم زينه ؟؟





مابي اكثر اسئله اخاف تزهقون وماتجاوبوني


رفيجاتي قالولي لازم تجهزين مثل تجهيز العروس .. شلون يعني اغير كبتي كله ؟؟
انا بعد مابي اكود هدوم لان ولادتي راح تصير اخر شهر 10 او بداية شهر 11 فراح يكون بداية البراد ..




امبيه ادري اسألتي طويله وقثيثه بس والله توني بجر وماعرف شي وماعندي احد يعلمني واستحي اسأل حريم اخواني ماحب اسألهم :eh_s(2):

 

[اشتياق]

لاطويله ولا غثيثه وأسألتج عاديه

محلات تجهيز البيبي شكثر تلقين فيها كفرات المواليد والنفاس وستانات النفاس

وهدوم الياهل ورضعات وشامبوهات ولوشنات للبيبي والغالب بيبي جونسن

والسرير وهالسوالف ..كوتكس وملابس قطن داخليه وستيانات الرضاعه

وقطن للحلمات وشفاطه وشنو بعد ياربي شنوو..ان شاء الله البنات يكملون عني..!


وقصدهم تصيرين عروس بطلعتج من الاربعين يعني مو اتقطين كبتج لا

تشترين اشياء يديده ناقصتج ميكب عطور قمصان نوم

دراعة استقبال ليلة طلعتج ..اكسسوارات ..تصبغين تنقشين ..

يعني وناسه ترى وكل شي شوي شوي وكتبيه عشان لا تنسينه ..

وانصحج اتجهزين من الثامن او السابع او لمن اتعرفين جنس المولود ..


موفقه خير يارب والله يقومج بالسلامه ..

 

[^مرايم^]

- جم نفنوف نفاس ستن اخذ وجم واحد قطن ؟ <<< وجم واحد كشخه وجم واحد عادي ومن وين ؟؟
حبوبة حسب الزيارات .. يعني اذا اهلج وايد يمرونج اخذي لج 3 مثلاً .. و على ستن او قطن حسب انتي شترتاحين فيه.. انا احب القطن و الستن يقمتني .. عندج محل بالسندس اللي يم الايوب تحت بالسرداب قريب من السلم الكهربائي وايد حلو و اسعاره حلوة .. ديري بالج تروحين انور و الطاهر و قاسم ميانين يبيعونج شي ما يستاهل بسعر غالي.. تحصلين جم محل بالايوب بعد ..

- جم دراعه كشخه ؟؟ (( ومن وين ياليت تقولونلي ))
دراعتين يكفيج..روحي معارض الحين قرب رمضان بتحصلين اللي يدش خاطرج .. عندج الاوقاف فيه دراريع حلوة و فيه الغالي و الزين .. و اذا لج مقاقه خياط روحي البلوكات و تلقين اللي يسرج خامات و كلف على كيف كيفج .. و الموديلات تارسه النت ..

- جم مهاد كشخه وجم مهاد عادي اخذ ؟؟ (( للحين مادري شنو جنس المولود ))
المهادات ما يحتاي مهاد كشخه اهم شي مهاد قطن و لفه فوقه لان الجو بيبدي يتغير انتي ولادتج قريبه من ولادتي شهر 10
اخذيلج سكري و ابيض و وردي لو بنت و اخضر و ازرق لو ولد حلوين الالوان .. ماحب المهادات الكشخه على قولتج اللي هابين فيها دانتيل مادري شنو شفهمه الياهل مسيجين نقززه بهالدانتيلات و الحوسة حبيبي ه هههه ..نتي لا تكثرين اخذيلج 2 ابيض و 2 سكري مثلاً و واحد اخضر و واحد ازرق حسب لون بيجاماته و ملابسه انتي ركبي .. عندج محل انار بالبستان فوق احب مهاداته عنده ساده و عنده فيه دانتيل انا احب الساده و فيه مقاسين .. و الوان حلوة .. مو كل شي حلو بس تلقطين منه .. على فكره قبل فتره مسوين سيل دازين مسج .. و لا تكثرين لأن بعد الولادة بتعرفين شاللي تحتاجين .. اليهال مو واحد فيه يهال وايد يوصخون و فيه يهال مو تتوصخ هدومهم بسرعه .. و الغسيل يومي أكيد

- وشنو احتاج كريمات واشياءات حق الجسم ؟ لاني مابي افسفس فلوسي .. وطبعا مابي اشتري خلطات من تاجرات المنتدى لان كلهم يشترون من الحواي ويردون يبيعونه علينا ..

كريمات اخذت من خبيره اعشاب خلطه الهردة مادري شسمها والله حلوة بس اصلاً ما فضيت اهتم بنفسي.. فكنت اسوي حمام مغربي جم مره آخر نفاس و بس.. و اللهوم اخذت من خبيره اعشاب لهومها تهبل لا تغلطين غلطتي اول نفاس ما تنفست عدل اخذي منها شغلها مو من الحواي لأ تييبه من بره أظن .. انا استفدت من اللهوم و السفوف و الحسو و الباقي والله ما استعملتهم ..

- بنات انا شريت ملابس داخليه مره غيرت المقاس برقم واحد وبعد شهر حسيت انه ضيج ورديت شريت اندر ويرات اكبر برقم وانا الحين بالسادس تهقون راح يكبر صدري؟؟ عشان اعرف وما اكود اخاف يصيرون صغار ويطيحون بجبدي
وبفتره الاربعين اشتري ستيانات رضاعه اللي ينفتحون <<يعني يصير عملي ويومي وله بس اشتري 3 حق وقت الرضاعه وباقي اليوم البس العاديين المسكرين ؟
لا تشترين الا قبل الولادة بشهر جذي.. صدرج بيكبر بعد الولادة مع الحليب. . اريح شي ستيانات الرضاعه فيه اشكال وايد بالمحلات اغتنمي وقت السيل ترى يصيرون نص السعر بمذركير و سبنسر.. حق البيت حلوين و وقت الطلعه طبعاً ستيانات عادية أفضل..


- عادي اشتري بيجامات قطعتين وله بس دراريع معن عمري ما لبست دراريع حق بيت ماحب
لبسي البيجامات ادفالج اصلاً

- وانا حاطه فبالي اشتري كورس النفاس من ام خالد الهاجري (( خبيرة الاعشاب)) شرايكم بشغلها ؟؟
روعة روعة لا تفكرين بغيرها .. بس هي مسافره انا بطلب منها بداية شهر 8 بترجع .. طلبي قبل فترة حبوبه مو حزة الولادة لأن عيها ضغط ما شا الله ..

- وشنو احتاج اخذ معاي بجنطة المستشفى ؟؟
طبعاً دراريع قطن او ستان .. ثنتين كافي ..
ملابس داخلية - كريماتج و عدة الشاور و مشط و شباصات و لو تحبين تراجي ناعمه و شسوارج و فوطه لج و لو تحبين عده البخور و عطر مثلاً - جيس البيبي- غيارات الياهل (كبوس - دسوس - بيجامه - مهاد - لفه - فنيله داخليه - فوطه صغيره تنحط تحت راس البيبي ) انا عن نفسي قيصريه اخذ 5 او 6 غياارات (يكفيج 4 ان شا الله تولدين طبيعي) من كل شي كتبته بين الاقواس و كل مجموعه اصفطها مع بعض علشان لما تيي النيرس تاخذ الغيار يكون مرتب كل شي بلونه .. ساعات الياهل يغيرون له اكثر من مره باليوم كرمين يرجع وايد و جذي
ما تحتاجين لا حفاظات ولا حليب لان من المستشفى ..

- ومن وين اشتري كورسيه سنع ؟؟
من الصيدليه .. في شغلات صايره تتصغر و تتكبر صوب البطن حلوة ..

- واطقم جاي وقهوه من وين القى حلوين واسعارهم زينه ؟؟
انا عن نفسي اخذت من فياصل عندهم رخيص و غالي .. بس شغلهم ناعم حيل احبه ..
عندج سيتي سنتر عندهم اشكال حلوة .. لو تبين شي رخيص مو حيل غالي ..


يا رب ما اكون نسيت شي .. و ربي يهون عليج و يفرج بشوفه ضناج

 

[^مرايم^]

لا تجهزين تجهيز عروس ولا شي ..

عقب ولادتج باسبوعين جذي طلعي تونسي و تمشي و تشري حزتها تشوفين اللي يناسب جسمج و تكون الميزانيه تعدلت شوي

و راح اييلج هدايا لا تشترين ولا شي للبيبي ما عدا السرير طبعاً مهم .. بعدين عقب الولادة بتشوفين شاللي ناقصج و اذا تكررت الهدية ممكن تروحين تبدلينها المحلات كلها تبدل الهدايا حتى لو بدون فاتورة ..

 

[أحب الصدق وأعمل به]

لا تشترين دراريع ستان لان الوالدة جسمها يكون حااار حيل ومع الستان نااااار انا بولادتي كل اشتريت بجامات احلا من الدراعة روحي ماركس سبنسر حلوين بجاماتهم وعندهم البيج والابيض والوردي وملابس البيبي مذركير روعه قطنهم غسل ولبس وجيس الياهل شوفي سنتر بوينت بس لاتكثرين لان الياهل يكبر بسرعة ومايبين لبسة كله امهد اسم الله عليه بعد الاربعين تفنني فيه الله يسهل عليج

 

[tmtmt]

يبلنه قعده حق الاسئله

شوفي ..

- قمصان اخذي من انور + الطاهر + بالنقره مسطرييين روحي افتري عليهم
وتقريبا 2 كشخه والباجي عادي .

- بجامات ماكس سبنسر حلوين واخذلين دافيين + لاند مارك عندهم بعد .

- مهاد البيبي بس واحد كشخه اذا تبين حق المستشفى واذا احد يالج وحق الصور بـــس
واد كافي اما الباجي كله من لاند مارك .

اي ولا تاخذين شي ستان حرررر بصير عليج حتى لو بالشتا .

- ليش تاخذين دراريع .. في البجايم الحلوه الذربه اخذيها ولبسيها اذا ماكو احد ...


جاوبتج على الي اعرفه
بس نصيييحه اول ما تعرفين جنس البيبي
ابدي بالتجهيز وخلصي شغلج
لن ما تدرين من ادشين السابع تثقلين وما تقدرين تسوين شي ...

 

[آهات الليل]

الله يتمم عليج حملج ويهون عليج البنات كفووو ووفوا
انتي ولادتج بشهر 10؟؟؟اذا ايه حياج الله بتجمع شهر 10 اكتوبر

 

[بنت فينا]

لاطويله ولا غثيثه وأسألتج عاديه

محلات تجهيز البيبي شكثر تلقين فيها كفرات المواليد والنفاس وستانات النفاس

وهدوم الياهل ورضعات وشامبوهات ولوشنات للبيبي والغالب بيبي جونسن

والسرير وهالسوالف ..كوتكس وملابس قطن داخليه وستيانات الرضاعه

وقطن للحلمات وشفاطه وشنو بعد ياربي شنوو..ان شاء الله البنات يكملون عني..!


وقصدهم تصيرين عروس بطلعتج من الاربعين يعني مو اتقطين كبتج لا

تشترين اشياء يديده ناقصتج ميكب عطور قمصان نوم

دراعة استقبال ليلة طلعتج ..اكسسوارات ..تصبغين تنقشين ..

يعني وناسه ترى وكل شي شوي شوي وكتبيه عشان لا تنسينه ..

وانصحج اتجهزين من الثامن او السابع او لمن اتعرفين جنس المولود ..


موفقه خير يارب والله يقومج بالسلامه ..

حياتي فديتج ماقصرتي والله ربي لا يحرمج الجنه :eh_s(2):

انشالله اذا عرفت جنس البيبي بروح لاني تعبت من فرارة السوق عالفاضي :lkmnkl:

 

[بنت فينا]

- جم نفنوف نفاس ستن اخذ وجم واحد قطن ؟ <<< وجم واحد كشخه وجم واحد عادي ومن وين ؟؟
حبوبة حسب الزيارات .. يعني اذا اهلج وايد يمرونج اخذي لج 3 مثلاً .. و على ستن او قطن حسب انتي شترتاحين فيه.. انا احب القطن و الستن يقمتني .. عندج محل بالسندس اللي يم الايوب تحت بالسرداب قريب من السلم الكهربائي وايد حلو و اسعاره حلوة .. ديري بالج تروحين انور و الطاهر و قاسم ميانين يبيعونج شي ما يستاهل بسعر غالي.. تحصلين جم محل بالايوب بعد ..

- جم دراعه كشخه ؟؟ (( ومن وين ياليت تقولونلي ))
دراعتين يكفيج..روحي معارض الحين قرب رمضان بتحصلين اللي يدش خاطرج .. عندج الاوقاف فيه دراريع حلوة و فيه الغالي و الزين .. و اذا لج مقاقه خياط روحي البلوكات و تلقين اللي يسرج خامات و كلف على كيف كيفج .. و الموديلات تارسه النت ..

- جم مهاد كشخه وجم مهاد عادي اخذ ؟؟ (( للحين مادري شنو جنس المولود ))
المهادات ما يحتاي مهاد كشخه اهم شي مهاد قطن و لفه فوقه لان الجو بيبدي يتغير انتي ولادتج قريبه من ولادتي شهر 10
اخذيلج سكري و ابيض و وردي لو بنت و اخضر و ازرق لو ولد حلوين الالوان .. ماحب المهادات الكشخه على قولتج اللي هابين فيها دانتيل مادري شنو شفهمه الياهل مسيجين نقززه بهالدانتيلات و الحوسة حبيبي ه هههه ..نتي لا تكثرين اخذيلج 2 ابيض و 2 سكري مثلاً و واحد اخضر و واحد ازرق حسب لون بيجاماته و ملابسه انتي ركبي .. عندج محل انار بالبستان فوق احب مهاداته عنده ساده و عنده فيه دانتيل انا احب الساده و فيه مقاسين .. و الوان حلوة .. مو كل شي حلو بس تلقطين منه .. على فكره قبل فتره مسوين سيل دازين مسج .. و لا تكثرين لأن بعد الولادة بتعرفين شاللي تحتاجين .. اليهال مو واحد فيه يهال وايد يوصخون و فيه يهال مو تتوصخ هدومهم بسرعه .. و الغسيل يومي أكيد

- وشنو احتاج كريمات واشياءات حق الجسم ؟ لاني مابي افسفس فلوسي .. وطبعا مابي اشتري خلطات من تاجرات المنتدى لان كلهم يشترون من الحواي ويردون يبيعونه علينا ..

كريمات اخذت من خبيره اعشاب خلطه الهردة مادري شسمها والله حلوة بس اصلاً ما فضيت اهتم بنفسي.. فكنت اسوي حمام مغربي جم مره آخر نفاس و بس.. و اللهوم اخذت من خبيره اعشاب لهومها تهبل لا تغلطين غلطتي اول نفاس ما تنفست عدل اخذي منها شغلها مو من الحواي لأ تييبه من بره أظن .. انا استفدت من اللهوم و السفوف و الحسو و الباقي والله ما استعملتهم ..

- بنات انا شريت ملابس داخليه مره غيرت المقاس برقم واحد وبعد شهر حسيت انه ضيج ورديت شريت اندر ويرات اكبر برقم وانا الحين بالسادس تهقون راح يكبر صدري؟؟ عشان اعرف وما اكود اخاف يصيرون صغار ويطيحون بجبدي
وبفتره الاربعين اشتري ستيانات رضاعه اللي ينفتحون <<يعني يصير عملي ويومي وله بس اشتري 3 حق وقت الرضاعه وباقي اليوم البس العاديين المسكرين ؟
لا تشترين الا قبل الولادة بشهر جذي.. صدرج بيكبر بعد الولادة مع الحليب. . اريح شي ستيانات الرضاعه فيه اشكال وايد بالمحلات اغتنمي وقت السيل ترى يصيرون نص السعر بمذركير و سبنسر.. حق البيت حلوين و وقت الطلعه طبعاً ستيانات عادية أفضل..


- عادي اشتري بيجامات قطعتين وله بس دراريع معن عمري ما لبست دراريع حق بيت ماحب
لبسي البيجامات ادفالج اصلاً

- وانا حاطه فبالي اشتري كورس النفاس من ام خالد الهاجري (( خبيرة الاعشاب)) شرايكم بشغلها ؟؟
روعة روعة لا تفكرين بغيرها .. بس هي مسافره انا بطلب منها بداية شهر 8 بترجع .. طلبي قبل فترة حبوبه مو حزة الولادة لأن عيها ضغط ما شا الله ..

- وشنو احتاج اخذ معاي بجنطة المستشفى ؟؟
طبعاً دراريع قطن او ستان .. ثنتين كافي ..
ملابس داخلية - كريماتج و عدة الشاور و مشط و شباصات و لو تحبين تراجي ناعمه و شسوارج و فوطه لج و لو تحبين عده البخور و عطر مثلاً - جيس البيبي- غيارات الياهل (كبوس - دسوس - بيجامه - مهاد - لفه - فنيله داخليه - فوطه صغيره تنحط تحت راس البيبي ) انا عن نفسي قيصريه اخذ 5 او 6 غياارات (يكفيج 4 ان شا الله تولدين طبيعي) من كل شي كتبته بين الاقواس و كل مجموعه اصفطها مع بعض علشان لما تيي النيرس تاخذ الغيار يكون مرتب كل شي بلونه .. ساعات الياهل يغيرون له اكثر من مره باليوم كرمين يرجع وايد و جذي
ما تحتاجين لا حفاظات ولا حليب لان من المستشفى ..

- ومن وين اشتري كورسيه سنع ؟؟
من الصيدليه .. في شغلات صايره تتصغر و تتكبر صوب البطن حلوة ..

- واطقم جاي وقهوه من وين القى حلوين واسعارهم زينه ؟؟
انا عن نفسي اخذت من فياصل عندهم رخيص و غالي .. بس شغلهم ناعم حيل احبه ..
عندج سيتي سنتر عندهم اشكال حلوة .. لو تبين شي رخيص مو حيل غالي ..


يا رب ما اكون نسيت شي .. و ربي يهون عليج و يفرج بشوفه ضناج

حياتي فديتج وادري تعبتج علما رديتي علي
وبسأل خبيرة الاعشاب عن الهرده فديتج ماقصرتي جاوبتيني عللي ابيه وزياده
شكلي بسجلهم بورقه وقلم احسن لاني حييييييل مبذره وماعرف امسك فلوسي كله اصرف على اشياء مالها معنى واخر شي ينقطون بالكبت :eh_s(2):

 

[ديمـه]

ما قصرو البنات

وعسى الله يسهل ولادتج

 

[بنت فينا]

لا تجهزين تجهيز عروس ولا شي ..

عقب ولادتج باسبوعين جذي طلعي تونسي و تمشي و تشري حزتها تشوفين اللي يناسب جسمج و تكون الميزانيه تعدلت شوي

و راح اييلج هدايا لا تشترين ولا شي للبيبي ما عدا السرير طبعاً مهم .. بعدين عقب الولادة بتشوفين شاللي ناقصج و اذا تكررت الهدية ممكن تروحين تبدلينها المحلات كلها تبدل الهدايا حتى لو بدون فاتورة ..

اي صح كلامج يمكن جسمي يفش شوي ورى الولاده
والله زين انكم علممتوني ماعندي احد يعلمني :eh_s(2):

 

[بنت فينا]

لا تشترين دراريع ستان لان الوالدة جسمها يكون حااار حيل ومع الستان نااااار انا بولادتي كل اشتريت بجامات احلا من الدراعة روحي ماركس سبنسر حلوين بجاماتهم وعندهم البيج والابيض والوردي وملابس البيبي مذركير روعه قطنهم غسل ولبس وجيس الياهل شوفي سنتر بوينت بس لاتكثرين لان الياهل يكبر بسرعة ومايبين لبسة كله امهد اسم الله عليه بعد الاربعين تفنني فيه الله يسهل عليج

تصدقين وانا حامل احس جسمي حار وما ارتاح حق الستان وماكنت مقتنعه اشتري ستن حق الاربعين بس راعية المحل تحن على راسي لمن خلتني اشتري

خذيت 3 ستن من النقره الجنوبي محل ايفوري تقريبا على 20 وعلى 16 د.ك
شكلهم بيطيحون بجبدي لان ادري مو وايد اللي بيولي

ومشكوره عالنصيحه وبشتري بيجامات قطن ابرك

وصح كلامج قالولي بالاربعين الياهل مايبين لبسه ماله داعي اكشخه باالاربعين

 

[بنت فينا]

يبلنه قعده حق الاسئله

شوفي ..

- قمصان اخذي من انور + الطاهر + بالنقره مسطرييين روحي افتري عليهم
وتقريبا 2 كشخه والباجي عادي .

- بجامات ماكس سبنسر حلوين واخذلين دافيين + لاند مارك عندهم بعد .

- مهاد البيبي بس واحد كشخه اذا تبين حق المستشفى واذا احد يالج وحق الصور بـــس
واد كافي اما الباجي كله من لاند مارك .

اي ولا تاخذين شي ستان حرررر بصير عليج حتى لو بالشتا .

- ليش تاخذين دراريع .. في البجايم الحلوه الذربه اخذيها ولبسيها اذا ماكو احد ...


جاوبتج على الي اعرفه
بس نصيييحه اول ما تعرفين جنس البيبي
ابدي بالتجهيز وخلصي شغلج
لن ما تدرين من ادشين السابع تثقلين وما تقدرين تسوين شي ...

اممم انا قبل امس رحت انور وشفت عالسريع بس اسعارهم نار يوصل لي 69 د.ك لو باخذلي ثنتين او 3 شوفي جم بيطلع علي


وجن الستان طاحو بجبدي اوف لو ادري جان مستشيرتكم قبل ما اشتري

وعلى قولتج البجايم احلى بس توني ادري في بالاربعين يلبسون بجايم خخخخخخخ شدراني :d

مشكوره حياتوو عالمر ور المفيد تعبناج

 

[بنت فينا]

الله يتمم عليج حملج ويهون عليج البنات كفووو ووفوا
انتي ولادتج بشهر 10؟؟؟اذا ايه حياج الله بتجمع شهر 10 اكتوبر

هلا حبيبتي

انا قالولي ولادتي اول اسبوع من شهر 11 مادري يصير ايي معاكم التجمع ؟؟
شكلي بولد اخر وحده فيكم ويمكن اظل بروحي بالتجمع لوول

ممكن الرابط عشان اتمشى بموضوعج وااستفيد

 

[بنت فينا]

ما قصرو البنات

وعسى الله يسهل ولادتج

فديتج دمدم
يارب يسهل على كل حامل

 

[آهات الليل]

انا عن نفسي لبس النفاس خذيته على 4ونص الواحد يهبل من الفروانيه
بسوق يم في اي بي نسيت اسمه تصدقين يكون اخر سوق
وهم ترى في باماكن وايد والله وتلقينهم حلوين واسعارهم حلوه انا خذيتهم حق نفاسي اللي طاف
هالنفس هم باخذ منهم بس اثنين والباجي بجااايم ابرك ولاتنسين سراويل الطوال والدلاغات

 

[om deaj]

السلام عليكم،

تفضلي زوري موقعي الخاص:

http://public.fotki.com/om-deaj/

واي استفسار هذا رقمي 99376732

 

[الغلاااااا]

حبيبتي الله يهون علي وعليج تنشالله

البنات ماقصرو بس انا بقولج عن نفسي شلون جهزت>>>انا بجر نفسج

بالناسبه للأندروير حق فترة النفاس بس بشتري ستيانات قطن ورضاعه اما الكلوتات ماراح اشتري بستعمل كلوتاتي اللي عندي واذا طلعت من النفاس اقطهم واجهز من جديد

وبالنسبه للتجهيز انا ماراح اجهز لنفسي حق بعد النفاس من الحين بنطر انشالله اذا ولدت بالسلامه وقبل طلعتي من النفاس بإسبوعين او عشر ايام طبعا" بروح اجهز للبيبي لبس اكبر منه ولبس حقي <<على حسب مقاسي الجديد اخاف انفجر او ابقى عصاقيل على حالي<<كلو بعلم الغيب

اي والبيبي لاتجهزين له واجد لانه ماتعرفين مقاسه بالضبط عشان جذي اخذيله بس حق فترة النفاس وقبل الطلعه بإذن الله يبيلج تجهيز جديد لج له


وقمصان النفاس لاتكثرين انا خذيت 2 واحد فخم وواد ناعم على حسب الزوار

وتبدلين فيهم



<<<وسوووري لاني هذرت حييييل

 

[آهات الليل]

هلا ياقلبي ماعرف احط روابط هههههههه
انتي دوري بالاقسام شفتي مومكتوب حمل وولاده فوقه مادري تحته مكتوب تجمع الحوامل
دشي عليه وحياج الله بالتجمع
انا اخر موعد ولاده 10/30يمكن اولد باول 11مايندرى خخخخخخخ

 

[^مرايم^]

حياتي فديتج وادري تعبتج علما رديتي علي
وبسأل خبيرة الاعشاب عن الهرده فديتج ماقصرتي جاوبتيني عللي ابيه وزياده
شكلي بسجلهم بورقه وقلم احسن لاني حييييييل مبذره وماعرف امسك فلوسي كله اصرف على اشياء مالها معنى واخر شي ينقطون بالكبت :eh_s(2):

لا افا عليج بس يالغاليه ..

نصيرلج خوات حبوبه ..

اي والله كل شي سجليه بنوته و قسمي ايام الاسبوع كل مكان شراح تشترين منه

و الله يهون عليج حبوبه