توني استلمت شهادتي هيااا !!

[HapPineSs]

قووووووووووة بنات ..
شلونكم شخباركم .. ان شاء الله بخير ...

انا توني استلمت شهادتي من الجامعة وحدي متشققه :eh_s(9): لوووووول .. بس ضايق خلقي بنفس الوقت ...

ابي اخذ اقتراحاتكم بخصوص الوظيفه .. كنت حاطه في بالي الماليه او البنك المركزي او ديوان المحاسبه بس شكله مايبون تخصصي ...
انا تخصصي انجليزي من جامعة الكويت .. وابي وظيفه مريحة ومعاشها قوي بنفس الوقت ..
توها رفيجتي قالت لي انها طلعت من وزارة التعليم العالي لان متعبينها حيييييييييل كراف و معاشهم مو شي ويظلم الجامعيين .. معاشها 650 .. والله حرام بنات .. احنا ننكرف 4 سنين واخر شي 600 ؟؟ امانه مو ظلم وشي يعور القلب؟؟

ساعدوني بنات وقولولي هالشهاده وين اوديها وجم تسوى معاش ... او ان احطلها برواز و اعلقها بغرفتي :eh_s(2):

ومشكووووووورين .​

 

[HapPineSs]

اووووووووووف قويه !!! شدعوه بنات ولا احد رد ! عالاقل باركولي!

 

[^^ROSE^^]

الف الف مبروك ان شاء الله تتوظفين احسن وظيفه
لاتحاتين انتي قدمي كل مكان وشوفي منو يدق عليج
ديوان المحاسبه يبون انجليزي جنه ونطري البترول اكيد يبون وهم قدمي بالديوان
انتي تخصصج ماله كادر فتوقعي ان معاشج بيكون جذي الا اذا توطفتي بمكان فيه كادر للكل

 

[طويت صفحة الماضي]

رد : توني استلمت شهادتي هيااا !!

على البركه ياقلبي يمدحون الهئه العامه للصناعه
وماليه

 

[mlakiya]

مبروووووووووووووووووووووووووك حبيبتي :eh_s(9)::eh_s(9):

 

[bnt_7waa]

سؤال خارج للموضوع لازم حضور شخصي لاستلام الشهاده

لان اهما محددين وقت ووعين للاستلام بس هذا الاسبوع ورفيجتي مسافره ومتوهقه ؟؟

 

[^^ROSE^^]

اتوقع ولي الامر يصير ياخذها
اذا الابو مثلا او الام يودون بطاقاتهم و بطاقتها
اتوقع جذي

 

[Chevy]

مبرووووك التخرج و استلام الشهادة الفال لي ان شاء الله استلم شهادتي احسها بتصير مخلل لوول
شوفي جامعة الكويت بالدراسات العليا ولا الجامعات الخاصة اذا تبين بالخاص انا اعرف وحده نفس شهادتج اشتغلت بجامعه خاصه تسجل الطلبه و ترد على أسألتهم و معاشها 900 و شي ماشالله

 

[bnt_7waa]

^
^

متأكده حبيبتي انتي توج متخرجه؟

 

[][ sarah ][]

الفففف مبرووووك حبيبتي
وصج قهر جامعيه ومعاشها 600 , حرام في بنات شهاداتهم دبلوم بس تخصصات ثانيه ومعاشهم يعدي ال600

احس ظلم ناس تتعب وتجتهد والثانيين مرتاحيين


عموما حبيت اباركلج وآزرج وماعندي اي فكره عن تخصص , بس الله يوفقج ياارب

 

[! Miss.Q8 !]

رد : توني استلمت شهادتي هيااا !!

مبرووك حبيبتي وقدمي على الديوان وكل ما يفتح مكان قدمي عليه البترول التأمينات الهيئة العامة للصناعة

بنت حوا الاستلام لازم يكون شخصيا وعادي متى ما ردت تروح تأخذها

انا تخرجت شهر 6 وما خذيت شهادتي الا شهر 8 لاني كنت مسافره ووقتها الموظفه قالت لي في وايد مثلي لي اللحين ما استلموا شهاداتهم فما في مشكله متى ما رجعت رفيجتج تروح تستلمها

 

[غـلآوي ّ ~]

رد : توني استلمت شهادتي هيااا !!

ألـف ألـف مـبروِك حـبيبـتي

بـس نصيحــه لآتدشيــن الـتربيه

روحـي أي وزاره ثآنـيه غـير التربـيه

بآلتـوفيق:eh_s(17):

 

[bnt_7waa]

شكرا مس كويت :eh_s(17):

 

[om Tarooky]

الف مبروك حبيبتي
انا اقترح عليج تدرسين ابتدائي اذا تحبين التدريس
ولا يغرج كلام اللي يقولون تشيبين من التدريس وكراف
معاشهم قوي واحتمال كبير زياده يعني يصك معاشج الف الا
وفوق هذا عطل 3 شهور الصيف وعطلة الربيع
الحمدلله ياربي عالنعمه انا مادري يعني المدرسات اللي بس يتذمرون يعني شلون تبون تاخذون كل هالامتيازات وماتبون تتعبون شوي مافي وظيفه فيها امتيازات مثل المدرسة واللي حاب الشي يعطي فيه وصدقيني اذا انتي حابه التدريس راح تعطين فيه وانتي مستانسه وانتي شوفي ميولج وين وبالتوفيق

 

[نـعـومـه]

رد : توني استلمت شهادتي هيااا !!

سجلي بالديوان رغبتج

الماليه

ديوان الخدمه المدنيه

الهيئه العامه للمعلومات المدنيه

الاماكن شوي راتبهم زين