توقفين نصيبها و الا لا؟

[Leann]

السلام عليكم


تخيلوا بنات ان احد من اهلكم اخوج او ولد خالج اللي اهو .. تقدم حق وحدة و انتي تعرفينها انها مو زينه و عوبة

تتكلمين و تفضحينها و الا تسكتين لان مالج شغل؟؟

صراحة مادري شنو اسوي اخوي متقدم حق وحدة و انا و اختي شايفين عليها وايد اشياء.. افضل اني ماذكرهم و اخوي و اهلي بس سمعا و طاعة مسوينها يا دهينة لا تنكتييين!!

نتكلم و نقول اللي عرفناه و الا نسكت ؟؟؟

 

[انين الانتظار]

وعليكم السلام ورحمة

ياهلا اختي

اذا اخوي لا والله ما ارضى واقوله اني شايفة على البنت والله يستر عليها واكيد بسألني شنو اللي شافتيه اخوي اعرف ؛p

واكيد بقوله

اما ولد خالتي لا والله مالي شغل

اهم شي عندي اخوي

وبس؛p

 

[ام زهقانه]

تكلمي ليش تسكتين

 

[صابرية وافتخر]

اقوووووول تتكلمييين :eh_s(4):



لانه اخووووج و حرام تظلمينه مع وحده ماتستاهله:eh_s(4):

 

[نفهمها صح]

اما
اذا بنتي عرفت شي عن البنت وماقالت بجلسس ادعي علي بنتي
لازم تقولين باجر بينهم عيال ولا يعني لطاح الفاس براس​

 

[Om_Ksha]

اخووووووج بعد لالالاوم تعلميييينه ..
دام ما ملج عليها قوليله الصج
وقوليله هذا اللي اعرفه ومابي احط بذمتي وانت كيفك .. بس انت اخوي ولازم ابلغك ..

 

[@الليدي لين@]

نصييييحه قولي لا تسكتين هذا اخووووج

لا تفضحين البنت بس قولي احنا شايفين عليها شغله واهي مو مناسبه


لااااا تسكتيييين هذا اخووج

 

[محد مرتاح]

قوووليييييه هذى راحت تكون ام عيااال اخوووج الي بتامن ع بيييته

 

[ام حموديNEW]

اذا اخووي اكيييد اقوول
بس اذا غيييره لا مالي شغل


الله يعييينج على هالمووقف
اول صااار فيني نفس المووقف

 

[وردة الدوحه]

أول شي أنا عندي اعتراض على جملة (توقفين نصيبها )!!!!!!!!!!!!!!!!!
لأن ما يوقف النصيب غير رب العالمين
يعني لو تتكلمون وتحشون فيها وتطلعون فضايحها من اليوم لي سنه جدام وهي من نصيبه بتاذده بتاخذه لأن ربي خالقها من ضلعه ومن نصيبه
يعني لو يجتمعون الانس والجن انهم يوقفون هالزيجه والله رايدها تتم راح تتم !!
فأنتي بما أنه أخوج ماعليج الا انج تقعدين بينج وبينه وتقوليله اللي تعرفينه وخلوه هو يقرر عقب عشان عقب ما يقول ليش ماقلتولي وبس

 

[[[ عيون جابر ]]]

اذا اخوج لازم تقولين الي شفتيه بس اذا ولد خالتج وعلاقتج زينه مع خواته او امه لمحي لهم واذا علاقتج معاهم مو ذاك الزود لا تحرجين نفسج

 

[فـــــيتناَم]

اكيد افضحها
الساكت عن الحق شيطان اخرس

 

[الرأي الآخر]

يعتمد على اللي شايفته فيها .. يعني اذا اهي ذبحت واحد تقولين.. لكن اذا كانت طايشه و صوتها عالي و و ... الخ فما يهم .. يمكن تغيرت ..
انا شخصيا اسكت و استر عليها و ليش اقطع رزقها يمكن (لو كانت فعلا مو زينه) تتعدل من اخذها لزوج سنع و يمكن تابت من تصرفاتها و تبي حياة يديده.

 

[عبير العنزي]

يعني شنو اللي شايفته عليها؟؟

مشركه بالله ؟ زانيه ؟ قاتله؟ شاربه للخمر ؟ عاقه والديها؟؟؟؟

استرو عليها وواغلب البنات قبل الزواج عندهم ماضي وسوالف طايشه بس تتزوج تعقل

قال تعالى

إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون}

قال رسول الله صلى الله عليه واله (لا يستر عبدٌ عبدًا في الدنيا إلا ستره الله يوم القيامة)

 

[عادت ذكرياتي]

الله يوفق اخوج في الاختيار الصحيح

 

[ام ميميتو]

حبيبتي انا راي من راي الاخت عبير العنزي كلامها صح اذا ما كان الشغلات كبيره ستر على البنت عشان الله يستر عليكم وعلى بناتكم

 

[شذى2007]

والله راي
مستحيل اذا اخوووووووووي اتكلم وقول اللي اعرفه حرام هذا اخوج لازم يعرف عنها ليش تسكتين

 

[kuwaitya_zoGaa]

حبيبتي اذا كان اخوي لا والله اتكلم بس ما احدد شنو فيها
هذى بتصير ام عيالنا وبتشيل اسمنا باجر لو يطلع عليها اى كلام بيقولون مرت فلان ... وين ريلها

 

[ام ناصر 80]

ستري عليها بس اذا كان الشئ جايد قولي حق اخوج

 

[هنـــد]

اول شي صلي صلاة استخاره

واذا اخوج قولي غيره مالج شغل

اما سالفة توقيف النصيب ماعتقد حبيبتي تقدرين لا انتي ولا اختج لان لو مكتوبه لا اخوج راح تأخذه