توست دوائرღஐღ متميز ღஐღ

[ombaza]

قوة بناات دخلت المطبخ ذاك اليوم وألفت هالطبق ترى نوعي اخترع طرق يديده عادي يوم بفجر المطبخ
شوفوو اول شي قصصي التوست دوائر استخدمي استكانه عشان تقصين التوست خلصي الجيس كله

حطي بخلاط الموس جبن دمياطي الكريم ونص شدة بقدونس وشويه جبن حلووم لين يصير الخليط لونه اخضر ناعم حطي شوية ملح معاهم

دهني التوست بجبن قلاص وحطي شويه من الخلطه بلي ايدج بماي وسكري التوستيتين في بعض من الاطراف غطي التوست بالبيض والبقصماط المخلوط بالملح وبعدبن قليهم بالزيت

سوي بجدر صلصة مكوناتها دقوس باجي من الغدا وكاشب وشوية اوريغانو مع ملح وليمون

صفي التوست اللي بالبقصماط في البايركس وصبي عليها الخلطه ورشي زيتون وجبن كرافت مبشووور

ترى والله لذييييييييييذه وغرييييييييبه

اتمنى اكون شرحتها عدل بس ترى محد صدق انها من تأليفي عجبت خواتي اللي صعب ذوقهم بالأكل

 

[jolie_q8]

مشاركة: توست دوائر

تسلمين على هالاختراع الطيب

نبي اختراعات ثانيه حق رمضان

ترى انا بعد مثلج احب افنتق.. بالموجود

 

[*** دلــــع الكــويـت ***]

مشاركة: توست دوائر

السلاااااااااااااااااااااااام



يعطيج العافيه على الطبخه

احنا العام برمضان كنا نسويها بس بدون الخلطه يعني نحشيها بجبن سائل ونغطها بالبيض والبقسماط وبعدها نقليها تطلع روووووووووووووووووعه




وتشكرااااااااااااااااااات

 

[سارونة الأمورة]

مشاركة: توست دوائر

مشكورة على الطريقة الحلوة

 

[قمر الشرقية]

مشاركة: توست دوائر

مشكورة على الوصفة

أول مرة اسمع فيها

بس تدرين شكلي بجربها برمضان واقولك شصار معاي

مشكورة اختي على الوصفات الخطيرة

 

[xxx]

مشاركة: توست دوائر

تسلم ايدجججججج ام بزة

 

[^^دموع الكويت^^]

مشاركة: توست دوائر

خوش تأليف شكلها بتطلع لذيذة ان شاءالله اجربها بأقرب وقت

 

[جارة القمر]

مشاركة: توست دوائر

ombaza

مشكوره علي هالأكله الحلوه


ما ادخلينه الفرن عقب

 

[New Mum]

رد: توست دوائر

تسلم ايدج حبيبتي

 

[بدوره]

رد: توست دوائر

تسلم ايدينج أومبازا
خوش اختراع​

 

[ملفع جدتى]

رد: توست دوائر

تسلم ايدينك

 

[حنـــــان]

رد: توست دوائر