توزيعات ولاده لي بنتي

[sona2003]

السلام عليكم اخواتي









انا ان شاء الله ولادتي الاسبوعين هذول وانا لسه ماسويت التوزيعات لسببين اولا اني ماراح اسوي استقبال في المستشفي وثانيا اني ما اعرف المحلات الي تسويها فيا ريت ادلوني علي اسامي المحلات وين مكانهم بالضبط وتقريبا كم يكون السعر
وشكرا لكم من ترد علي

 

[عيش و ملاس]

والله اشتري ستاند جاهز مع الكاكاوات عندج ريبيل وباتشي ، مجمع زاويه بشارع ابن خلدون كله محلات كاكاو

 

[زينة الزين]

إذا ماراح تسويين أستقبال ماله داعي

أساسا حتى اللي يسوون إستقبال هونوا عن سوالف التوزيعات حدها مالها داعي كلها تنقط بالزبالة أو يعطونها حق الخدم

حطي كاكاو مغلف من باتشي أو أي محل كاكاو حلو وحطي حلو قهوة شغل عدل وسلامتج وتعيشين

عسى الله يهون عليج ويقومج بالسلامة

 

[الدلع والزين]

في استاند حلو تسويه وحده حيل شغلها راقي نفسه عند محل ريبيل
بس اهي تسوي أحلى وأرخص
تشوفينه على الرابط

http://www.alsoom.com/Result_ar.aspx?catid=9

 

[<Miss ROoSe >]

فى محل كاكاو يم مجمع بلازا السالمية عندها توزيعات حلوة ناسية اسمه
وهم مجمع زاوية عندهم شغلات حلوة بس نصيحة اذا انتى تقدرين تسوين التوزيعات بالبيت روحى مجمع زاوية والقى نظرة عليهم وتالى اخذى الاغراض من الزهور الشرقية ماراح يكلفج وايد

والله يقومج بالسلامة

 

[& مــشــايــخ &]

مس روز وين مجمع زاويه؟

ووين الزهور الشرقيه لو سمحتي ؟

 

[السكرة المعسولة]

روح شوفي جااااااااااااكليت عندهم توزيعات مو صج و الله


اخت لي و اخذت مرة لأختي


و اسعارهم من 45 الي 150

 

[sona2003]

شكرا للبنات الي ردو علي وياريت الي تعرف بعد تقولي

 

[حرم_طيار]

رد : توزيعات ولاده لي بنتي

لاكشيت
ريبل
باتشي

لا اتسوين توزيعات دام مو امسويه استقبال اخذي لج صينيه كبيرة حلوة شكلها راقيه ووزعي على زوارج

الله يهون عليج ان شألله

 

[_Pure_]

إذا ماراح تسويين أستقبال ماله داعي

أساسا حتى اللي يسوون إستقبال هونوا عن سوالف التوزيعات حدها مالها داعي كلها تنقط بالزبالة أو يعطونها حق الخدم

حطي كاكاو مغلف من باتشي أو أي محل كاكاو حلو وحطي حلو قهوة شغل عدل وسلامتج وتعيشين

عسى الله يهون عليج ويقومج بالسلامة

معاها بكل كلمه

 

[أم يوسف وأمونة]

سوي شي بسيط ولا تخبين عمرج والله هالسوالف مالها داعي والناس بس حق التعليق والطناااازة

هذا الواااقع

ومثل ما قالو البنات باتشي وريبيل احلى شي