تورطت بحفل للمشويات

[ملكةجمال]

السلام عليكم

بناتي أبي مساعدتكم

دروا الأهل إني اشتريت شواية فقال جدي الله يهديه هالجمعة إحنا متجمعين فبيتج و نبي ناكل مشويات و نشرب لبن بالنعناع معمول بالبيت و أبي جرثي بعد...

اأنا أعرف أحضر الجرثي و باجر راح أبتدي فيه و لبن البيت مو شغلة كيميائية من زمان نعرف نروب الروبة و عندي وصفة كباب بس مو مجربتها و يحطون فيها صمون من دون الحواشي و يحطونها بالفرن و تالي بعد ما تضج تحطين فحمة حامية بنض الكباب و تدخلين الصبنية مرة ثانية لخمس دقايق عشان تاخد ريحة الفحم بس مو مقتنعة فيها و أخاف جدي يشرف عالشوي و يبي ياكل قبلنا كباب حاااار فياريت تساعدوني بأحلى المشويات عالفحم طلعت ناطعة من تحت إيديكم الله يسلم أياديكم.
وحدة قالت إدا بتسوين شيش طاووق اشتري صحون فيليه دجاج و قطعيه بالنص و بيتيه ليلة بالثلاجة من بعد ما تحطين له صلصة السلطات tousand island أو أي صلصة سلطات اعجبتني و بس. مادري أخاف مايعجب جدي و هو أكبر ناقد بالعيلة فأبي مساعدتكم ... و لليهال قلت أقدم لهم عيش و دجاج مقلي و الأطباق الجانبية راح أخليها كوسا محشية و مطهوة بمرقة و دولمة (ورق العنب). حلو؟ إدا في أفكار ثانية تثري سفرتي أنا شاكرة لكم حبيباتي. مابي زوجات أخواني ينقدون و لا أزواج خواتي ياكلون عيش اليهال. هاهاها و تسلمون يا قلبي.

 

[ملكةجمال]

شرايكم بوصفات منال العالم؟؟؟ أكيد قدمت حلقة مشويات وين ألاقيها؟

 

[جارة القمر]

تفضلي طلبك::

http://www.q8yat.com/t724077.html


http://www.q8yat.com/t18012.html

http://www.q8yat.com/t588379.html


http://www.q8yat.com/t555826.html




سوي سلطات



وحق اليهال لازم عيش اليهال ما يأكلون مشويات

 

[بعيون زوجي]

شوفي يالغلا الكباب خدي لحم مفروم طازج وتبيليه كزبره وبقدونس مفرومه وبصل صغيييييير مره وشوي طماط عشان يلينه او بالسوبر في زي الملح تحطينه يلين الكباب مايطلع قاسي وحطي بهارات وملح وسماق وشوي كمون وخليه بالثلاجه 4ساعات وبعدين حطيه بالاسياخ


اما شيش الطاووق

خذي صدور فيليه وقطعيها مربعات وحطي بالخلاط ليمون بصل طماط فلفل اخضر رومي حبه ثوم ماجي ملح بهارات روب كاتشب مايونيز وخلطيهم وخليهم باثلاجه ليله

وبعدين حطيهم بالاسياح وبينهم فلفل طماط بصل


وعندك الدجاج الكامل

بعد تنضيفه زين حطي بهارات وليمون وخل وبهارات وروب وملخ وصوص الباربكيو وخليه بالثلاجه


وبالعافيه

 

[MiSS B.K]

ااااااااب لعيونج

 

[ملكةجمال]

مااااااااااا شاااااااء الله ... لا لا لا لا لا أخاف لين قدمت لهم هالأطايب ما راح يفكوني كل جمعة طابين عندي و ميزانيتنا نص الشهر (صفر فلس) هاهاهاهاهاهاهاهاها
بس بصراحة تسلم أياديكم و الله عجبتني خلطة شيش الطاووق واايد بس مادام فيها مايونيز ضروري أحط روب؟ و حتى الدجاج المشوي الله يسلم إيدج يالغالية بس بالنسبة للكباب وايد حاطة خضرة بالكباب يالحلوة في عيون زوجج يعني البقدونس مع رشة الكمون أظنها تكفي و إلا شرايج؟ جفت مرة على قناة فتافيت فقرة "عباسيات" الريال بس فرم بصل و رش عيه شوية ملح و قلبه شوي و عصر البصل بين أصابعه علشان ينزل عصير البصل عاللحم المفروم و تبله بالملح و بس شرايج؟ و في سؤال ضروري عن الكباب .. أطلب من اللحام يفرم اللحم وسط و إلا ناعم و إلا خشن؟
و تحضير السلطات ... مفكرة بس أقطع سلطة ناعمة لعيش اليهال و أحضر فتوش أكثر من هيك صعب لأني بروحي أشتغل بالمطبخ ما أعتمد على الخادمة إلا بتنظيف البيت و اليهال بانشغالي بس أكيد راح أثري سفرتي بالحمص و المتبل و الرقي و البطيخ و مجموعة من الخضروات الورقية راح تكون ملونة و تفتح النفس.
زيدوني.

 

[ملكةجمال]

كان السابق ردي السريع بس بعد ما اطلعت على روابط إختنا العزيزة "جارة القمر" بصراحة ... راح أطبق أكلاتها و هم أكلات "بعيون زوجي" و الله يعيني و يعين مصروفي الظاهر إن اثنينا راح ندخل الإنعاش. هاهاهاهاهاهاها .. بس زوجي اقترح النص و حتى مشاوير الشراء بالنص يعني أنا أروح للحام و الشبرة لشراء الخضرة و هو عليه الجمعية لشراء الدجاج و البارد و غوري جاي كبييير عشان نسكر الجاي فيه عالفحم ... تمنيت العكس بس هو يقول: إنتو الحريم ما يعجبكم إلا الشي اللي إنتو تييبونه!
و مشكورين على تدكيري بالتبولة يالله خل أضيف البرغل بقائمة شراء زوجي و مشكووووووررررررررييييييييننننن
و لو كان بيتي قسيمة جان سويتها عزيمة لكل بنات موقع كويتيات. تسلمون يا قلبي و ما قصرتوا. عسى بس أجوف الإبتسامة على ويه جدي و أحصل بوسة منه على قصتي و كلمة: بارك الله فيج يابنيتي!

 

[MiSs kw]

حبوبه انا اسوي تتبيلة دياي ريلي يحبها جربيها يمكن تعجبج اهي تصير حامضه شوي و انا اسويها حق صدور الدياي الي من غير عظم و لا جلد
اول شي اضرب صدور الدياي بمطرقة الستيك عشان يصير الصدر سمك واحد

التتبيله
عصير ليمونتين
لب الليمونتين
استكانه زيت زيتون
استكانه خل ابيض
فنجان صويا صوص
معكلب ماجي
فلفل احمر مجروش قفشه وسط
فلفل هلابينو حسب الرغبة
رشة بهارات مشكله
بصله بيضه كبيره
3 فصوص ثوم

ضربيهم بالخلاط و صبيه فوق الدياي

و بالعافيه

 

[ملكةجمال]

يااااا سلااااااااااام! الفلفل بالدجاج وااااايد حلو بس مو الكل يتقبله و زين اللي جفت ردج حبوبة البارحة عشان أقدم هالطبق بس بصراحة ما زاد عندي إلا طبق صدور واحد و حطيت فيه فلفل علشان تكون حجتي بقلته هاهاهاها فطينة ها؟ عموما ما قصرتوا و طبعت الوصفات و حطيته بملف كتبت عليه "أحلى المشاوي" و راح أحتفظ فيه لكل مرة و لي رجعة باللي راح يصير اليوم. آآآآآه اليوم قعدت الساعة 3:00 الصبح من المحاتاة. و تخيلوا زوجي شنو قال: يالله إدا كل شي صار تمام راح أستقبل الربع بالمناسبات بدوانيتي و تحضرين لنا هالمشاوي علشان تتعودين و تبطلين هالمحاتاة إللي مالها داعي!
و من ألحين ركبت الدجا عالنار و نقعت العيش و خلصت من لف الدولمة و بعد شوي أفرغ الكوسا و أحشيه بالحشوة اللي زهبتها البارحة (حشوته و حشوة الدولمة وحدة) و ما راح تصدقون شكبر الغوري اللي زوجي يابه! هاهاهاهاهاها طلع مال أول أصفر اللون و أكبر من الرقية مرتين!!!! هاهاهاهاهاها
يالله بنات أخليكم أروح للكوسا و السلطات و تصدقون؟ نسيت أتريق!

 

[جارة القمر]

يااااا سلااااااااااام! الفلفل بالدجاج وااااايد حلو بس مو الكل يتقبله و زين اللي جفت ردج حبوبة البارحة عشان أقدم هالطبق بس بصراحة ما زاد عندي إلا طبق صدور واحد و حطيت فيه فلفل علشان تكون حجتي بقلته هاهاهاها فطينة ها؟ عموما ما قصرتوا و طبعت الوصفات و حطيته بملف كتبت عليه "أحلى المشاوي" و راح أحتفظ فيه لكل مرة و لي رجعة باللي راح يصير اليوم. آآآآآه اليوم قعدت الساعة 3:00 الصبح من المحاتاة. و تخيلوا زوجي شنو قال: يالله إدا كل شي صار تمام راح أستقبل الربع بالمناسبات بدوانيتي و تحضرين لنا هالمشاوي علشان تتعودين و تبطلين هالمحاتاة إللي مالها داعي!
و من ألحين ركبت الدجا عالنار و نقعت العيش و خلصت من لف الدولمة و بعد شوي أفرغ الكوسا و أحشيه بالحشوة اللي زهبتها البارحة (حشوته و حشوة الدولمة وحدة) و ما راح تصدقون شكبر الغوري اللي زوجي يابه! هاهاهاهاهاها طلع مال أول أصفر اللون و أكبر من الرقية مرتين!!!! هاهاهاهاهاها
يالله بنات أخليكم أروح للكوسا و السلطات و تصدقون؟ نسيت أتريق!

العزيمة غداء ولا عشاء



ناطره ردك حبيبتي نبي انعرف شنو سويتي بالتفاصيل



ون شاء الله جدك وكل المعازيم يطلعون مستانسين

 

[Fstani]

up


up