توجيهة منطقة الفروانية رياض اطفال

[sana-kh]

:gathering:السلام عليكم
انا بسأل عن توجيهه رياض الاطفال فى منطقة الفروانية التعليمية
اشلونهم عسرين طلباتهم وايد انا بنتقل روضة فى منطقة الفروانية
ابليز الى يعرف يقول لى 0000 ولكم كل الشكر :0bee2e8d89:

 

[sana-kh]

السلام عليكم
ياحافظ:eh_s(14): ما فى احد عنده أجابة
حق سؤالى :0bee2e8d89:

 

[وجودي عسل]

الحال من بعضه

انا مقدمه نقل للفروانيه



انا بايام العملي كنت بالفروانيه


واللي تشرف علي الموجهه الاولى فاطمه الهاجري


يمه طلعت روووحنا


بس كانت تحبني


وعلى قولتهم اذا حبتك عيني ماضامك الدهر




بس بصوره عامه اتوقع انهم اوكي


وبكل الاحوال الشاطر شاطر سواء التوجيه زين او شين

 

[:: عائشه بقلبي ::]

صعب صعب انا اشتغلت سنه اهناك واي لوعه العاصمة اخف

 

[منورة]

هلا اختي أنا من الفروانية ,,,,,,,,,


المشكلة مو بالتوجية نفسة المشكلة بالموجهات لأن كل موجهة لها توجية مستقل بذاتة وكل وحدة تبي تتميز على حسابنا هذا اللي يصير لنا الحين وملوع جبدنا غير الموجهات اللي لوتسمعين توجيهاتها بتموتين ضحك هذي شلون ترقت مدري

وبكل منطقة الزين والشين يعني ممكن تصادفين موجهة توجيها صح وحقانية وممكن تواجهين موجهة مثل موجهتنا الظالمة ما أقول الا حسبي اللّة ونعم الوكيل بكل ظالم


واي سؤال حاضرة ^ـــ^

 

[sana-kh]

السلام عليكم
:tek:مشكورين خواتى على الرد صاجين
لاحبتك عينى ما ضامج الدهر
بس أختى منورة خرعتينى هذى اى موجهه عشان ماروح مدرستها
الواحد فية طاقة ماله خلق كدر من اولها
والله يوفق الجميع وسخرهم لنا


:33_1185028183::33_1185028183:

 

[معلمة متقاعدة]

سهـــــــــــــــــــاله

 

[معلمة روضه]

حبيبتي

حاليا التوجيه تغير بمنطقة الفروانيه

وابشركم بالخير يا بنات

الموجهه الاولى للفروانيه هي الاستاذه وداد المجيمي وهي انسانه قمه بالذوق والمعاملة الانسانيه وعندها افكار وتوجهات جدا رائعه

وتعمل حاليا على توحيد التوجيهات الصادرة من التوجيه لراحة المعلمات

يعني سالفة كل روضه توجيها غير عن الثانيه راح تنتهي ان شاء الله

 

[انفاسي]

حبيبتي الموجهه الاولى لا تضر ولا تنفع القديمه او الجديده تخيلي بالفروانيه السلطه الاولى والاخيره هي الناظره حتى الصبيح ماتدري وين الله قاطهم النشره بمخباتها وختمها معاها وحارة كل من ايده له ولا يردون على اكبر راس اطلع قرار وزاري بلحظه من مخباتها ولا احد يقدر احاججهم وتطلعين انتي الغلطانه اخر شى عصابات مو ناظرات

 

[عهود الحب]

توجيه الفروانية فاشل
مامنهم فايدة
مع احترامي لهن
الله يعينا عليهم
كل وحدة بتثبت نفسها
وبعدين شنو فايدة الموجهة ؟؟؟؟؟؟؟؟؟؟؟؟؟؟؟
تخبنا بدخلتها
واخر شي بصامة على كلام الناظرة

وشلون تحكم عالمدرسة بزيارة وحدة
جان زين يخلونا نحط لهم راينا بشخصيتهم ودخلتهم المهببه
باليوم الي موش فايت على خير



الموجهات بدال مايترززن ويسون معارض باساميهن على حساب المدرسات

خل يترززن ويسوون لنا خدمة سنعة تسهل علينا التدريس وتخلينا نتقبل الدوام وندشه مرتاحين

الموجهة خل تبتسم
موجهتنا تقول تمثال شمع
تخاف تبتسم يخترب وجهها
استغفر الله واتوب اليه
طبيت فيهم ههههههههههههههههههههههههه

 

[^ليلاس^]

لوووووووووووووووووووووووووول عهود ضحكتيني على تمثال الشمع


نس موجهتنا بس انا مو بالفروانيه

 

[ورد123]

صج موكل الموجهات نفس الشي:::::::::::: الله يذكرها بالخير الف مره موجهه كانت عندنا ذهب والله ذهب "ادب :ذرابه:اسلوب:سنعه صج سنعه بسسسسسسسسسسسس تقاعدت"""""""""""""""" والواحد شياخذ من الدنيا الا الذكر الطيب

 

[زهور الجمان]

توجيه مو شي احنا موجهتنا على بالها احنا نشتغل عندها واهي الي تعطينا المعاش

لا وبعد عندها معلمة في الروضة تنقل لها اخبار المعلمات منو تكلم عنها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الله يعينا عليها ما ادري متى يغيرونها مسويه روحها افهم وحده واهي 000000000000000000


حسبي الله عليها انشالله وحوبتي ما اتعداها ان شاء الله

 

[عهود الحب]

اهب هذي مو موجهة هذي صدام حسين
تهبى ويهبيها الله
لا احنا موجهتنا تحسب روحها القمر بطلته وجهه ممسوس ولما تبتسم تحسين مادري
احس يصير مغص ببطني
ابتسامتها صفرااوية من طقة اذا رأيت الليث مبتسما ً
وفوق جذي


حيييييييييل تتفلسف
لازم تحطج غلطانة من بديتي الدرس خخخخخخخخخخخخخ

شوفتها تجيب لي المغص الكلوي
كريههههههههههه واي بس خذت حسناتي الله ياخذها هي وناظرتي القديمة بيوم واحد

 

[معلمة روضه]

ههههههههههههههههههههه

حسبي الله على عدوكم يا بنات

الله يهديهم يا رب ....مع ان التوجيه خدمه للمعلم لكن للاسف للحين على بالهم الموجهات انه تفتيش!!

تدخل تدور الغلط وينه...حشى مسابقه الاخطاء وينها يلا بسرعه يا فهيمه طلعيها هههههه

المفروض التشجيع للمعلمات ورفع المعنويات وهذا اللي ناقصنا المعلمات يبيلهم رفع للمعنويات وتحرير من القيود يعني مو لازم ان الوحده تقدم كل يوم بالحلقه وطني وديني وسلوكي اشدعوه؟؟ اليوم بطوله عندي ومجابلني الطفل واقدر اعزز هالنواحي فيه من غير ما اقلقص الوطني والديني

 

[الماس 2010]

السلام عليكم ورحو اللع وبركاته ......

بنات انا بكلمكم عن الموجهة الاولى لرياض الاطفال بمنطقة الفروانيه التعليميه وداد المجيمي

اول شي نصيحة من اخت لكم لاتنتقلون عندها هالاسانه ماعندها اسلوب بالعربي اسلوبها غير تربوي ومتسلطة تحب تقلل من قيمة الناس وبس تحب تتكلم عن الناس من ورضى ظهورهم ومحد عاجبها كله تذم ومو عاجبها شي وقليلة ادب لسانها متبري منها ..... يابنااات انا منصدمه ومو عارفه ششلون سلموها هالمنصب اذا اهيا موعارفه شلون توجه روحها وتعدل اسلوبها مع الناس شلون هذي تكون تربويه وتوجه الظفل شلووووووووون !!!!! كل من هب ودب حطوه مسؤول حتى النطيحه والمترديه حسبي الله عليها ونعم الوكيل انا وحده من العشرااات الي متضررين منها وحبيت انصحطك لوجه الله .... ومهما تكلمت عنها مايعبر عن دناءتها ....
وشكراا ...

 

[الماس 2010]

سووووووووري بنااات عالبدلياات هذااا من حر ماافيني قمت اقط خيط وخيط

 

[معلمة رياض اطفال]

حسبي الله ونعم الوكيل عليهم

يالله يا ربي اشوف حوبتى فيهم

مثل ما قهرونى وظلمونى

وقامو اشدخوا اسمى


عسى الله يشدخ اسمها

وعساها ما تهنى اللى ظلمتنى

ادعى عليها بقيام الليل وحوبتى ما تعداها وهى تعرف عمرها

ما يحتاج اقول اسمها

كنت اقول مظلومة بس لما اشتكيت

للاسف طلع الخياس بالتحقيق

ويا ليتنى ماعرفت

وصج الروضه


كلها لووووووووووعه بلوعه


والفروانيه تبيلها نفض نفض

من امه

 

[غلا الفروانية]

الله يعينكم يامعلمات الروضة

وبصراحة محد يقدر يتجاهل دوركم

الله يسهل لكم اموركم

والفروانية حلوووووووووووة

بس ان شاء الله كل شيء يتعدل وتصير الفروانية جنة المناطق التعليمية بقيادي المنطقة

الله يوفقكم تقبلوا مروري​

 

[لطائف]

سلام سلام سلام
بنات أنا بالفروانية وموجهتنا عسل عسل عسل ماقدر أوصفها أمبيه دخلتها علينا حيل خفييييييفة وماتذم الله يجزاها خير ووماتنقد حيل سهلة وماتشرط وعلى طووووول تلقينها مبتسمة الله يخليها لنا واذا دخلت عليج تكتفي بس 10 دقايق أوربع ساعة وماتعبج مو طبيعية هالانسانة ربي لا يغير علينا آميييييييييييييين:yaaaaaarb: