توافقين ولا لأ؟!!!

[حلزونه]

السلام عليكم

شلونكم كويتيات



ابي اشوف ارائكم بموضوع,,,,


اذا خطبج واحد كل مواصفاته زينه جامعي و اخلاقه عاليه ومؤدب ومحافظ على صلاته ومحترم

بس يكون في عيب مثل:

اصبع ايده مقطوع

أو

عنده ايد اقصر من ايد


او

ريل اقصر من ريل

شي جذي توافقين ولا لاء؟؟؟

 

[{ الـزيـن }]

انا تهمني بالرجال الطيبه والاخلاق الزينه واخر شي اشوف شكله اذا كان فيه عيوب تضايقني ماراح اجبر نفسي عليه لكن بالنسبه للعيوب اللي انتي كاتبها ترا كلش عاديه ما تضر ابدا واكيد بوافق بعد تفكير وتفكير وتفكير بس اهم شي الاخلاق والطبع يكون يرضي الله

 

[شيماء المطيري]

اذا العيوب موواضحة حيل أوافق ---تحياتي عزيزتي

 

[بدويـة للنخاع]

والله شوفي حبيبتي في رجال يجيج كااااااااااااااااامل المواصفات يعني فوووول أوبشن شكليا فقط ومن داخل الله يستر منه والعكس صحيح البعض مو الكل واللي فيه عيب خلقي شنو عادي اذا كان ما يأثر على حياتكم بالمستقبل والله يوفقج

 

[ام زهقانه]

اختي اهم شي الاستخاره

 

[lamar90]

الصــــــــــراحه .... ما راح اوافق
اخــــــاف على عيالي يورثــــون هالشي من ابوهم

تعقدت من هالشي ... لانه ابويه اخذ امـــي ... ( و اهل امي عندهم التلعثم بالكلام وراثه عندهم ) ... و الحين عندي اختي الصغيره تتلعثم بالكلام ....... فانقهرت مرررررررررره و تمنيت لو ابويه سأل عن امي و اهلها و عن الامراض الوراثيه اللي عند اهل امي قبل ما يتزوجون

حتى الوالد الحين متحسف و زعلان لانه ما سأل .. لان اختي تتكلم و محد يفهم عليها و صارت انطوائيه كثير و تستحي ...... و الحين الوالد يدور لها على علاج
الله يشفيها انشاء الله

 

[المرتاحة]

الصــــــــــراحه .... ما راح اوافق
اخــــــاف على عيالي يورثــــون هالشي من ابوهم

تعقدت من هالشي ... لانه ابويه اخذ امـــي ... ( و اهل امي عندهم التلعثم بالكلام وراثه عندهم ) ... و الحين عندي اختي الصغيره تتلعثم بالكلام ....... فانقهرت مرررررررررره و تمنيت لو ابويه سأل عن امي و اهلها و عن الامراض الوراثيه اللي عند اهل امي قبل ما يتزوجون

حتى الوالد الحين متحسف و زعلان لانه ما سأل .. لان اختي تتكلم و محد يفهم عليها و صارت انطوائيه كثير و تستحي ...... و الحين الوالد يدور لها على علاج
الله يشفيها انشاء الله

الله يهديج في وحده تتكلم عن امها جذي؟!!

و الصعوبه بالنطق ان شا الله له حل مو بذيج الصعوبه وانتوا عززوا ثقة اختكم بنفسها ولا تبينون لها انها ناقصه او مختلفه او انكم تضحكون عليها


و بالنسبه لسؤال الموضوع

اذا كانت الاعاقه واضحه ماراح اوافق و الله يكتب الله فيه خير

 

[حلزونه]

مشكورين بنات على ردودكم


صح اهم شي الاستخاره

والله يكتب الي فيه الخير

 

[عالمي انا غير]

والله ماادري الاستخاره احسن حل:yaaaaaarb:

 

[لؤلؤه البنات]

اذا كانت الاعاقه مو واضحه عادي
بس هم افضل الاستخاره قبل

 

[Cander]

انزين اذا خلقتة كاملة مو ناقص منه ولا شي لا ايد ولا ريل بس عقلة صغير وتفكيرة متخلف توفقين ؟

العيوب الخارجية اهون من العيوب المخفية اللي ما تبين الا بعدين لما تتوهقين

وبالنسبة للاخت اللي ودها تغير امها ، ترى كما تدين تدان

استغفر الله العظيم

 

[AL-7Oo0b]

الصــــــــــراحه .... ما راح اوافق
اخــــــاف على عيالي يورثــــون هالشي من ابوهم

تعقدت من هالشي ... لانه ابويه اخذ امـــي ... ( و اهل امي عندهم التلعثم بالكلام وراثه عندهم ) ... و الحين عندي اختي الصغيره تتلعثم بالكلام ....... فانقهرت مرررررررررره و تمنيت لو ابويه سأل عن امي و اهلها و عن الامراض الوراثيه اللي عند اهل امي قبل ما يتزوجون

حتى الوالد الحين متحسف و زعلان لانه ما سأل .. لان اختي تتكلم و محد يفهم عليها و صارت انطوائيه كثير و تستحي ...... و الحين الوالد يدور لها على علاج
الله يشفيها انشاء الله

الله يهديج هذا النصيب وبعدين لو ما امج انتي ما يتي عيب تقولين جيه قولي الحمدالله ،، يمكن ابوج كان ياخذ وحده وتيب عيال معوقين مب يتعلثمون بالكلام والا منغولين هذيج الساعه شو بتقولين

واختي صاحبه الموضوع استخيري واذا كان الريال زين توكلي على الله

 

[لولو برونزاج]

يس يس يس يس عاااااااااادي ^_^

اهم شي اكوون مرتاحه معاه ويكون خووش واحد ويخاف ربه فيني

اما باجي الاشياء الثانويه؟؟ نوو نووو نوو ماتهممممني


والتوفيق من الله سبحانه !

 

[كادى الحب]

اببببببببببب​

 

[كوكيية]

عااااادي اوافق

اهم شي الجوهر مو المظهر

 

[الغلا كله لبوي]

اذا كان اصبع مقطوع عادي
اما رجل اطول من رجل لا
اشوفها شوي صعبه
واهم شي الاستخاره

 

[جيرازksa]

عادي في شنو بياثر طول او قصر اليد او اصباع زايد او ناقص عاادي حبيبتي

استخيري بس

 

[PINKEIA]

بصراحه لأ بس مافهمت اشلون اصبع مقطوع آنا ولد خالتي صغير بالروضه عنده 6 أصابع بإيده الثنتين وريوله الثنتين بعد 6 أصابع ودوا فرنسا وشالوا أصابع ايده الزايده وخلوا ريوله بست أصابع قالوا ايده أهم شي عشان مايتعقد باجر ولا يعايرونه اليهال حرام كل يمعه يعايرونه يقولون ويك عنده 6 أصابع يقولون احنا نسوي خمسه بإيدنا ع طول بس انته لازم تنزل اصبع واحد الحمدالله سوا له عمليه والحين ايده طبيعيه

 

[الزين 85]

أذا أنتي مو مقتنعه بالريال سواء كان كامل ولا فيه عيب

أحنا مانقدر نقنعج لازم الرضااا يتم منج أنتي لأنه أنتي اللي شايفه شنو حجم العيب

تصدقين مرا حضرت عرس والمعرس كان يمشي على عكازه والعروس انصدمت منه وتقوم تمشي جدامه وتخليه
يعني أوكي أنصدمتي بس مو وقاحه تخلينه جدام الناس وتبينين أنج مكروووهه ومتكبره صراحه طاحت من عيني بسبب تصرفه وماكو عذر يعني وأقول مصدومه بس الأكيد سأله عنه


اللي بوصله لج أذا أرتحتي وعاجبج الرجال لاتحسسينه بعيبه جدام الناس وماتدرين ترا محد ظامن عمره واللي يتعنطز ويقولج لا ماابي وماااقدر أخذ واحد فيه عيب أقولها أو أقوله محد بيضمن

 

[الزين 85]

أذا أنتي مو مقتنعه بالريال سواء كان كامل ولا فيه عيب

أحنا مانقدر نقنعج لازم الرضااا يتم منج أنتي لأنه أنتي اللي شايفه شنو حجم العيب

تصدقين مرا حضرت عرس والمعرس كان يمشي على عكازه والعروس انصدمت منه وتقوم تمشي جدامه وتخليه
يعني أوكي أنصدمتي بس مو وقاحه تخلينه جدام الناس وتبينين أنج مكروووهه ومتكبره صراحه طاحت من عيني بسبب تصرفه وماكو عذر يعني وأقول مصدومه بس الأكيد سأله عنه


اللي بوصله لج أذا أرتحتي وعاجبج الرجال لاتحسسينه بعيبه جدام الناس وماتدرين ترا محد ظامن عمره واللي يتعنطز ويقولج لا ماابي وماااقدر أخذ واحد فيه عيب أقولها أو أقوله محد بيضمن عمره ياما بنات سووواا حوادث وفقدااا أعضائهم وشباب نفس الشي ومحد فينا كامل الكامل الله