توأم و لكن!

[miss i]

هاي شلونكم حبايبي شخباركم ؟ انا الكاتبة miss i كاتبة قصة السر المجهول الي مع الاسف ما كملتلكم اياها بسبب شوية ظروف ......بس اوعدكم ان هالقصة راح انزلكم اياياها كاملة لكن ابشرط اني الاقي منكم تشجيع و اراء تفرح .....
يمكن يكون هالبارت قصير لكن البارت الثاني راح يكون في احداث حلوة .....

و الحين نبدي قصتنا:............................


البارت الاول:

عايلة بو خالد:
بو خالد : ريال كبير بالسن و ارمل
خالد: الولد العود و عمرة 30 سنة
حصة:الاخت الصغيرة او الثانية و الاخيرة بنفس الوقت , عمرها 26 سنة
عايلة خالد:
نادية : زوجة خالد , من عايلة غنية و ابوها رجل اعمال كبير
عبدالعزيز : ولدهم عمرة 5 سنين
عايلة حصة:
بو يوسف: ريل حصة و هو ريال سعودي
يوسف :اكبر اولادها و عمره 7سنين
محمد: ولدها الثاني عمرة 4 سنين
سيف: ولدها الثالث و عمره 3 سنين
براك: عمرة سنة ونص و اهوة اخر العنقود


والحين نبدي قصتنا:
بيت خالد:
نادية تنادي: خاااااااالد خااااالد!!(شافت ولدها قاعد يلعب بليستييشن و مندمج ) عزوز وين ابوك ؟؟
عبد العزيز لف عليها : ماما.. بابا طلع
نادية: وين ذلف هذا بعد؟؟؟؟ افففففففففف ..... اهووو عطني التلفون خنشوف وينا هذا وين طس
طبعن انتوا مستغربين من هالاسلوب بس هذي اهيا طريقة التعامل بين خالد ونادية لان زواجهم كان لمجرد المصلحة المالية@@

خالد مع فرح حبيبتا و زوجتا الثانية:
خالد: ها فروحا حبيبتي ؟ تقولين عندج موضوع يونس؟ بشري؟
فرح: اي حبيبي انا بقولك بس شوي متوترة
خالد : افا عليج بس !!! قولي حبيبتي فرحينا شوي
فرح ابتوتر و فرحة: انا........ انا حامل
خالد ابعصبيا: شنووو؟؟؟؟؟@@
فرح: و شفيه ويهك انقلب جذي ؟؟؟؟ اظن هذا شي طبيعي المرة تحمل من ريلها!!!
خالد: فرح لااا تستفزييينييي .... احنا مو متفقين ماكو حماال؟؟؟ شياب الطاري الحين؟؟؟
فرح:شنو شياب الطاري خو ما سوينا شي .... حملت و هذي حكمة ربك .... بعد قول انك معترض عليييها؟؟!! وبعدين شنو ماكو حمال ؟ انت متزوجني عشان تعوض النقص الي زرعتا فيك مرتك ناديوو؟

خالد ما قدر يسيطر على اعصابة :جااااااااب ( و عطاها طراق قويي الي من قوتا ترك اثر احمر على خدها)

طبعا خالد تضايق لان طق حبيبته وزوجته اللي تحدى الناس كلهم عشانها
بس ما غير رايا و تم يهددها ويقول: شوفي فروووح.... اذا هالياهل ما طاح الاسبوع الياي راح يكون لي معاج تصرف ثاني .... انتيي فاااااهمة؟؟؟

و دزها على الارض و هدها ومشا و ماهما دمووعها الي كانت تزل على خدها من حرقة قلبها و من صدمتها على الكلام الي قاللها ايا خالد.
ولكن فرح ما استسلمت و ظلت صامدة و لا همها خالد كثر ما همها ولدها الي شايلتا في بطنها..............

شنو تتوقعون ردة فعل فرح ؟
و شلون راح تتصرف؟
و هل راح تعرف نادية الموضوع؟
و شنو ردة فعل خالد على تصرف فرح؟

كل هذي اسئلة راح تعرفونها بالبارت الثاني


من/miss i

 

[m-3atboha]

رد : توأم و لكن!

كملي

 

[ديرة الغربه]

رد : توأم و لكن!

بدايه تشوق كملي حبيبتي

up
up
up ​

 

[miss i]

رد : توأم و لكن!

Yslmoo 3la elmroor

 

[ريولا دورفيل]

بداية مشووقة !!

ناطرينج حبيبتي

تقبلي مروري :ggdw:

 

[miss i]

رد : توأم و لكن!

شكرا على التشجيع حبيباتي ..... كاني ثواني و انزلكم البارت الثاني

 

[miss i]

رد : توأم و لكن!

البارت الثاني:

خذت فرح كل اغراضها من البيت .. من ملابس و جواز و فلوس و كل شي و راحت للسفريات بسرعة .... و ما خلت لخالد اي رسالة او اي شي ممكن ان يعرف وين تبي تروح او شنو في بالها@@

فرح بالسفريات:

فرح: سلام عليكم اخوي
الريال: اهلا اختي تامرين على شي؟
فرح : ايي والله بوغيت اقرب سفرة حق امريكا لوسمحت
الريال: اوكي دقيقة بس خل اشوفلج الوقت.....
الريال : اقرب رحلة ممكن انها تكون باجر الساعة ست الصبح
فرح: اي اي وايد زين
الريال اوكي بس جم تذكرة ؟
فرح: وحدة

و حجزت فرح .... وكانت طيارتها الساعة 6 الصبح .

حجزت فرح غرفة في فندق جدا بسييط عشان تنام فيه اليلة.

الساعة 3 الفجر:

رن المنبه

فرح ابصوت نعسان: واااي .... اخخخ ..جم الساعة؟ اوه يالله الساعة 3

بدلت اهدومها و راحت المطار و خلصت اجرااتها و ركبت الطيارة و وصلت امريكا بسلاام بدون محد يشم خبر ...

بيت خالد الصبح:

نادية اباسلوبها المعتاد تنادي: خاالد.. خلووود... خويييييييييييييلد
خالد ابصوت نعسان : هاااا
نادية : قوووووم الساعة 8
خالد: شحقة اقوم ما عندي دواام
نادية : و لازم يكون عندك دوااام يعني
خالد: اوووهوووووووووووووووووووووووو انتي شتبييين فجي عني شوي ابوج لابو الي يابج
نادية : اقول خلصني قوم
خالد قعد: نعم .... كاني قعدت .. امري شتبييين؟
نادية: ابيك توديني الصالحية.. في ساعة يديدة نازلة ابي اشتريها
خالد امتنح و عيونا ناعسه:!!!!
نادية تصرخ: وشفييييك جذي مسطوووول ؟ يالله قوم خلصني
خالد: الحين انتي من صجج مقعدتني من نومي عشان اشتريلج ساعة؟؟ و شلون توقعتي اني راح ارضى اشترييلج؟ ليكون بس من زود حبي لج ولا من زينج تبين اشترييلج؟
نادية: شقصدك؟
خالد: قصدي قرقشي مخباتج و روحي اشتري بروحج .... و قلبي ويهج لا الحيين بالنعال على ويهج ... ذلفييي
نادية: تطردني يا خلوود!!!!!
خالد: ايييي اطردج مادري عاد طارد مارليين مورو و انا ما ادريي يالله يالله وريني عرض كتافج ياالله
نادية: ماااااشي ... انا اوريييك ان ما ردييتك حافي منتف مثل ما كنت ما اكون ندوي بنت ابوي
و راحت صوب الباب عشان تطلع و كان خالد قاعد يقولها: فارجي يالله فارجي.... تقول ما اكون بنت ابوي مادري عاد من زين ابووج عاد


و عقبها قعد خالد من النوم الساعة 10 و قعد و اهو يفكر في فرح و الاسلوب القاسي الي عاملها فيه وقال بينا و بين نفسا : انا ليش سويت جذي ؟ يعني اهيا مالها ذنب.. ابي اروح اراضيها

و راح خالد بيت فرح و لمن دخل:

خالد:فرح ....فرووووح ... فروووحة حبيبتي ليلحين نايمة؟
ولمن دورها وما لقاها استخف وظل ناطرها لي الليل لكنها مايت و ظل ايي بيتها كل يوم و يسال اهلها و رفيجاتها لكن كان جوابهم كلهم نفس الشي و هو: اهي مو عندك في البيت؟؟؟!!!


ظل خالد يانبه ضميرة ويعاتب نفسة على الي سواه فيها و ظل بالايام و الاسابيع و الشهور و هو يفكر فيها و يقول بينه وبين نفسة: الله يخلييج فرح ردي تكفيين والله ما راح اظايقج بس ردي !!!


و عقب ما مرت التسع شهور على فرح ابامريكا ويا موعد الولادة@@:

فرح بالشقة الي بالعمارة الي اهيا ساكنة فيها: ااااخ امبيييي شهالعواااار@@

راحت طقت الباب على جارتهاالسوريا :

السوريا فتحت الباب: يا الله شوف مين منورنا اليوم....
فرح: هلا فيج حبيبتي .... واي احلام حاسة بعوار ...شكلا الطلق
السوريا (احلام): اااااااه عن جد لكان يالله عالدكتوور
فرح: منو يودييني ما ادل
احلام: يعييييب شوووو.... انا راح ودييييكيي يالله يالله


فرح وصلت المستشفى و كان صج فيها ولادة وولدت اسمعت صوت التهنئة من الدكتورة و كانت قاعدة تقول: two beautiful girls [COLOR=window****]congratulationhttp://www.google.com/images?hl=en&...suSkDg&ved=0CDIQBSgA&q=congratulation&spell=1(مبروك بنتين حلوتين) [/COLOR]

اي نعم ... فرح يابت توام وسمتهم لولوة و دانة ...

بعد مرور شهر احلام كانت زايرة فرح بشقتها وعقب نقاش طويل دار بينهم هالحوار:

احلام: ها فرح ؟؟؟ لسا مانك امفكرا ترجعي لزوجك؟
فرح: والله مادري يا احلام ....!!! ما ادري اذا راح يستانس بشوفتي ولا راح يرفضني!!
احلام : ااااه ؟؟!! لكان مو انتي بتاولي انو بيحبك؟
فرح: ايي
احلام: ازن(اذن) بلاما تخافي ...روحي و شوفي شو راح يصير .... و بعديين دام هو بيحبك فاكيد راح يفرح بالبنات و خصوصن انهم متل الامر(القمر)
فرح: تهقيين؟؟!!
احلاام: ايييي اهقااا و مابادني ماي
فرح: هههههه والله وقمتي تتحجين كويتي شوي شوي

وفعلا فكرت فرح بالموضوع و حجزت للكويت و ردت!!!
واول ما اوصلت دقت على خالد لكن من خط ثاني لان خطها القديم انقطع.......

بيت خالد:

خالد: ندووووي... نادية..... ناديوووو و صمخ جلااااب
ناية: خيييييييييييييييير شتبيييييييييييي ؟؟؟؟؟؟
خالد: ييبيلي ماي
نادية: و شحقة ما تنادي الشغالة ؟؟؟؟ و الا قول انك قاعد اتدور حجة عشان تكلمني؟؟
خالد:كاااااااااااااااااااااااااااااااااااااااااااااااااااااااك و ليش ادورلي حجة عشان اكلمج ؟؟؟؟ انا بفهم انتي شنو حاسبة نفسج؟؟؟؟؟
نادية: ايييي صج ليي قالوا الكلاب تنبح و القافلة تسييير
خالد : و الله عاد هالقافلة من يوم ما تزوجتها و هي منثبرة جنها بعييير و لا عمري شفتها تسيير
نادية : انااااا شلي بلاني و اخذتك ويا ويهك
خالد: الا قولي انا شلون قصوا علي و اخذتج .... خل اقوم اييبلي ماي و اشوف تلفزيون تحت وايد ابركلي من مجابل ويهج الودر

ولمن راح خالد المطبخ و الطابق الثاني رن تلفونة:
خالد باستغراب: منو هذا ؟ رقم غريب!!
خالد رد على التلفون: الووو
فرح ابصوت مخنوق : الوو
خالد: هلا منو معاي
فرح و صوتها يرجف من الشوق و مو مفهوم: ف..ر..ح .. اااححححممم ... فرح .. انا فرح
خالد مو مصدق و بيطير من الفرحة: فرح!!!!!!! فروووحة حبيبتي وييينج يبا غطييتي ؟؟؟ جذي تسويين فيني ؟؟؟ لييييش يبااا ليش حبيبتي؟؟
وينج انتي؟
فرح استانست من ردة فعله: انا بالمطار
خالد كاني ثواني و اييلج لا تروحين



و لمن وصل خالد المطار شاف فرح ماسكة بنتين @@

خالد باستغراب: هذول عيالنا؟؟!!
فرح :ايي



شنو يتكون ردة فعل خالد بالبنات ؟

و شنو مصير لولوة و دانة؟

كل هالاسئلة راح ينعرف جوابها بالبارت الثالث.... تابعوني

 

[ريولا دورفيل]

خوووووووووووش بارت

ننتظر التكلمة !!
:n2006107:
:n2006107:
:n2006107:

 

[miss i]

رد : توأم و لكن!

امبي كويتيات شدعوة؟ بس رد واحد؟ ولا شكلا البارت ما عجبكم؟

اذا ما شفت تفاعل معاي مع الاسف اني ما راح اكمل روايتي

 

[ام بشبش]

كملي كملي ياعمري

الروايه حلوه :hjy5jewf:

 

[miss i]

رد : توأم و لكن!

البارت الثالث:

خالد ابفرحة: صج؟!
فرح:ايي صج.... انت مستانس؟؟؟!!!@@
خالد:طبعا .... شلون ما استانس و هالبنتين منج؟
فرح حاشتها دهشا بس ابنفس الوقت كانت واااايد فرحانه لان حبيبها و زوجها تقبل فكرة العيال و هذا الشي كان حلم فرح و هذا الحلم تحقق....
خالدابصوت حنون: ها حبيبتي ... انرد البيت ؟
فرح : بيتي؟!
خالد: اي حبيتي.. ليش انتي ما اشتقتيلي؟
فرح: امبلى حبيبي .... يلا نمشي؟
خالد: يالله

وصلوا الاثنين او بالاحرى الاربعة ( فرح ,خالد , دانة , لولوة) .....

فرح و خالد في البيت:

خالد و هو يفتح لزوجته باب البيت: حياج حبيبتي .... نورتي بيتج......
فرح: واااااااااااي ما تدري شكثر ولهانة على هالمكان............ ما تتصور ولهي عليه...
خالد: بس ولهانة على المكان؟ ما ولهتي على احد ثاني؟؟
فرح نزلت راسها مستحية كالعادة لمن يتغزل فيها خالد: امبلا و لهت عليك بعد.....
خالد: بعد عمري والله
فرح: يووو خالد بس عاد


ومرت عليهم اليلة مثل البلسم ........ كانت هادية و رومانسية و حلوة ...... ماحد عصب احد.... ولكن ......

فرح نايمة و خالد قاعد يفكر بينه و بين نفسه:

خالد بينه وبين نفسة : اففففففف ..... فكر يا خالد ....... شبتسوي ابهالورطا ...... شلون ما تخلي ناديو القشرة تعرف بهالبنتيين؟؟؟؟!! ... ولييييييه ... اذا هالبنتييين كبروا راح تكبر معاهم السالفة..... و المشكلة انهم اثنييين.... يعني لو وحدة جان عالاقل قزرت حالي....... ...................................................فكر .. فكر...فكر يا خالد......فكر...فكر.............................................................................لقيتها!!!!!!!!!!!!!!!!!!!!!



انتهى تفكير خالد ابحل و نطر لين يصبح الصبح عشان ينفذا.......
طلع ويه الفجر و جير معاه الصبح و صارت الساعة 9 الصبح ...... ورن منبه خالد:

خالد ابسوط نايم على عمرا: اهههه ممممم شنو ؟؟ اففف شالسالفة؟؟ اووص بس انت اسكت ما سوت علينا ثبتناك عالتسع( يكلم المنبه)

ااخخخخ ..... يالله يالله خل اقوم وراي شغل وايد اليوم


وترك البيييت و اتجه لاحد الكافيهات يتريق ... وفي الكافيي:

خالد بينه وبين نفسه: يالله خل ادق على حصوص اختي اهيا الوحيدة الي راح تحل لي هالورطة......

خالد: الووو
حصة:الوووووووو
خالد – هلااا حصةةة
حصة مع دوشة عيالها الولاد الاربعة – هلاا فيك من معاي
خالد- انا انا خالد اخوووج
حصة-خالد ! هلااااا اخوووي هالله فيييك افا علييك بس جذي تغط علييناا و ما ادق
خالد-لا ياختي سامحيني بس شويت ظروووف و انا بصراحة في ورطة و محتاجلج
حصة: أفا علييك بس .......لييش بس شصاير؟؟؟؟؟؟ خبصت قلبي علييك؟
خالد: فرح يا حصة فرح....
حصة:فرح مرتك ؟؟؟ اشفييها عسا ما شر؟؟؟
خالد : احملت و يابت توووم .......... و انا الحيين مبتلش فيهم بلشا مو طبيعيا..1!!!
حصة:وي وي وي وي.....!!!! وشلون بس صار جذي ؟؟؟؟ انتوا مو متفقييين ان ماكوا حمااال لانكم متزوجين بالسر؟؟؟؟!!!!
خالد: اي يا حصة متفقيين بس فرح ما التزمت بالاتفاق و حملت و ولدت و صارلها 4 اشهر والدة و مادري شسوي يا وخيتي!!!!
حصة: والله مادري شقولك ياخووي مابيدي شي ...شسوي؟!
خالد: لا .... بيدج شي و شي وايد كبييير بس راح تقدرين تسوينه صدقييني...
حصة: خلود شناوي عليه ؟؟؟؟ تحجا عدل و بدون الغاز ....انت شنااويي؟؟؟
خالد: ابيج ....ابيج... ابيج تاخذينهم عندج وعلى اساسانهم بناتج!!!!!!!
حصة: شنوشنو شنوووووو؟؟؟؟؟؟؟ تبيني اخذ بناتك و ربيييهم عنديييي؟؟؟ لا انت اكييد تتغشمر !!!
خالد: اي وشفيها يعنييي انتي من زمان وانتي خاطرج اب بنت مو جذي؟
حصة : اي صج انا خاطري اب بنت بس عاد مو بنتييين....
خالد:انزين يعني البنت الثانية شبتظرج فييه ؟
حصة : والله حبيبي اتظر ... هالبنيا تيبيلها مصر يبيلها اكل يبيلها شرب يبيلها تربية وانا بصارحا مافيني حيل حق اثنين كافي الي عندي و اذا تبيني اساعدك انا مستعدة اخذ وحدة والثانية ودها اي مكان....
خالد: ايي مكاااان!!!! ليش شايفتها جيس زبالة ولا قرطاس اوديها اي مكان ؟؟؟؟؟؟
حصة حست انها قالت كلام شوي جارح و ردت علييه و قالت:لا يخوي محشوم ... انا مو قصدي
خالد ابعصبية: عيل شقصدج؟
حصة: انا قصدي بدال ما تستاثم اباثنين و توديهم الملجا ..... خل وحدة عندي والثانية ودها الملجا .... وكل بين فترة وفترة طل عليها وتطمن ........صدقني هذا اهو الحل الوحيييد ... فكر في كلامي ورد علي ناطرتك انا ...
خالد هدا شوي : خلاص ماشي عطيني ظرف ساعة و اتصل..
حصة : اوكي خلاص
خالد: يالله مع السلامة
حصة: مع السلامة


فكر خالد بالموضوع ورد علة اختا ابمسج و كان كاتب فييه:


هلا حصة شلونج.... انا فكرت ابكلامج ...و قررت اني انفذا وانشالله عقب يومين البنت بتكون عندج ..... بس هاااا!!!!!!!!!! ترى على اساس انها بنتج ....


ودز المسج و وافقت علييه حصة ..... وفعلا نفذ خالد كلامه وودة دانة عند حصة و اخذ لولوة على الملجا و سجل عند الملجا بياناته و رقم تلفونة وكل ما يغير الرقم يروح يسجلا عندهم عشان يتطمن على بنته اول اباول

لكن اهوا اخذ العيال بسكات بدون ما تدري فرح عنهم .........ابنفس اليوم راحوا البنتيييين


اول ما حست فرح ابفراقهم:

فرح: خالد؟؟ انت وين ودييت العيال؟؟
خالد ابربكه: حبيبتي شنو وين وديتهم انا قايلج ابي اوديهم بيت ابوي!!!!!!
فرح ابخوف: بس انا توني داقة على ابوك .... وقال انهم مو هناك
خالد توهق: هااا... و انتي...و انتي شلون ادقيين بدون شوري
فرح قعدت تبجي لانها كانت حاسة ان بيسوي شي : خالد... الله يخلييك وييين عيالي..... وين وديييتهم.....................حرام علييييييييييييك
والله انا اولا فيهم من الناااااس انا اولى فيهم من الملاجئ ........ ردهم لييي و عقبها والله والله والله منت شايف رقعة ويهيييييييي الله يخلييييييييييييييييك ابي بنااااااااااااااااااتييييييي ..........يييبليييييييييييي بناااتي الي ما تهنيييت فييييهم ................... حراااام عليييييييييييييييييييك .........والله حرااااااااااااااااااااااااااام ...........حراااااااااااااااااام......................................... اااااااااااااااااااااااااااااااااااااااااااااخخخخخخخخخخخخخخخخخ

خالد هدها ومشا و هيا على هالحال ظلت مدىى لين طلبت الطلاق من خالد وهددتا اذا ما يابلاها عيالها راح تقدم شكوة خلع منا ....... لكنا طلقها بدون مشاكل لانا قام يتاذى من حنتها علييه.........................................................................................................................................................................................................................................................................................................................................................................


بعد 16 سنة:

الابطال في بيت حصة بالسعودية:

يوسف عمرة صار 23 سنة و شكله: طويل – اسمر حنطاوي(اول درجات السمار- وسييم- حاطلة قفل خفيف – شعرة بني غااامج(اغمج درجات البني)- عيونه كبار ناعسه – خشمة حلو و رجولي . طبعه: اكثر واحد فصلة في البيت اهوة ويا اخته( بنت خاله دانة) واهما اشطن اثنين في البيت- ذكي وايد- حنون . هواياته: يلعب بليستييشن- ياذي اخوانة ومحد يقدر عليه في البيت غير وحدة – يحب الرياضة لكن ما يمارسها بشكل دومي بس يمارسها بالشطانة والعيارة و اهوة الوحيد من اخوانه الي يدري ان دانة مو اختهم .... وهذا لان لمن دانة يت عندهم كان عمره 7 سنين يعني يفطن ويتذكر شوي.....


دانة: عمرها 16 سنة - نزغة البيت و شكلها: بيضة و بياضها وردي مو اصفر- شعرها لي ثلاثة ارباع ظهرها و ناعم مكتكت بس احيانن تسوي مكسر بالفير و لونه بني غامج بس مو وايد يعني نفس لون الخشب – عيونها كبار فيهم حور ( يعني البؤبؤ قراب مو بعاد) بس بشكل حلو ولونهم بني فاتح – خشمها صعير و حلو – شفايفها وسط لا كبار ولا صغار كلش بس حلويين- جسمها ضعيغ مرسوم – وزنها 52 و طولها 160 . طبعها: شيطاانه و مافي احد سلم منها و الوحيييدة الي ما يقدر عليها يوسف- مو صاحية و فصلة – وكل شي عندها ظحك و قشمرة- نادر ما تبجي ولمن تبجي كل البيييت يقوم لها لانها البنت الوحيدة واصغر وحدة- دلووعة بس مو مليقة- محد داقرها من قبل- ولسانها نوعا ما يبيلا قص-و هي تدرس بالكويت بس وقت العطلة تروح حق اهلها بالسعودية والي ايي معاها الكويت واحد من اخوانها الاربع (يتناوبوون) و اكيد انتوا قاعدين تتسائلون اشمعنا الكويت و ليش ما تدرس بالسعودية والجواب اهو ان ابوها يبي يتطمن عليها بشكل طبيعي .هواياتها: تاذي اخوانها .



و في يوم من الايام .... عقب ثانية ثانوي اب ثاني يوم من عطلة الربيع و كانت دانة بالسعودية لانها من اول يوم عطلة تروح اهناك بس لمن اوصلت كان كل اخوانها نايميين ....... فكان استقبال يوسف حقها الصبح الساعة 10 و نص:

يوسف درعم على دار دانة و قاعد يحن: دانة دانة دانة دانة دانة دانة دانة دانة دانة ( وراح فوق افراشها و قام يناقز) دانة دانة دانة دانة دانة دانة دانة.....
دانة: اففففففففففففففففف اوووووووووووووووووووش بناااام يالحناان........
يوسف يحن: قومي قومي قومي قومي قومي قومي قومي قومي قومي قومي........
دانة: واااااااااي يوييسف بسسسسسس
يوسف: يالله عاد دانو قومي!!!
دانة : كا الحين اقوم
يوسف: يالله
دانة : انزين اطلع برة الحين اقوم
يوسف : لا بشوفج تقوميين
دانة : يوسف اطلع انا لابسة نفنوف قصيير و متكشفة ........
يوسف انحرج شوي بس ما بين : لااا؟؟ ايي قولي جذي من اول.... يالله انا ناطرج لا تبطيين
دانة: اوكي

خل نطلع من السعودية و نرد الكويت :

قبل لا نتكلم عن الملجا .... خل نوصفلكم شكله و منو رفيجات لولوة و صفة كل وحدة فييهم....


او الشي الملجا: متكون من 4 طوابق
الطابق الاول : فيه صالة لاستقبال الضيوف الي يزورون الملجا و اغرف حق الي يشتقلون فيه و مستلزمات اخرى
الطابق الثاني: للايتام الاطفال الي اعمارهم ما بين يوم الى 12 سنة
الطابق الثالث: للمراهقات الي اعمارهم ما بين 13 الى 19 سنة
الطابق الرابع: للي بيتم في الملجا و الي عمره فوق 19 و الي موجودين فيه قليليين جدا

صديقات لولوة:
رقية:عمرها 17 سنة ملقبة اب رقي –فصلة- كل شي عندها عادي وما تخاف من احد- دفشة- هوايتها كرة قدم
سارة: عمرها 16 حساسة و هي اكثر وحدة ويا لولوة – قلبها ابيض- ما تجامل الي تحبهم لكن ما تجرحهم
فاطمة: عمرها 16 ونص – حكيمة وما ترضى بالغلط- لكنها شيطانة مثلهم
اما لولوة: هادية – نوعن ما خوافة بس ساعات تصير شجاعة – تتمنى ان يكون عندها اهل و تطلع من الملجا و هذا اهو اكبر حلم لها – مواصفاتها الشكلية نفس دانة لكن شعرها اقصر من دانة بشوي ولونة افتح من دانة بشوي و بدرجة بسيييييييييييطة صعب تلاحظينها.



الملجا الساعة 11 اب ثاني ايام عطلة الربيع:

رقية: امبي الياهال مال كف على عينهم
فاطمة: هههههههههه ليش عاد
رقية: لازقيين فيني لزقة!!!!! قصب يبوني اعطيهم كاكاو نوتيلا مالي
سارة: اي عطييهم حرام علييج
رقية: خيولوووون الحين انا منحاشة من المدرسة و عرضت حياتي للخطر عشان اشترييه و اخرتها اعطيهم اياه باردة امبردة ؟؟ يخسوون

لولوة: انزين ولي يعافييج عطيني بفك
رقية: هاج ( وتحذفا عليها)
لولوة: اووووووووووووووووووو ويعة انششاااالله !!!!!!!! شقييييتيييي ويهييي
رقية: اييي مالي خلق قومي هزي طولج
لولوة: اقول اكلي نوتيلتج و كرمينا بسكوتج
فاطمة دشت عرض: امبي شرايكم نلعب لعبة او نسولف سوالف تونس
البنات: يالله
فاطمة : يالله سئلوا
لولوة : لا انتي سئلي اول انتي صاحبة الفكرة
فاطمة : امممممممممممممممممممممممممممم ابي اسال لولو,...........
شنو الشي الي صج ودج لو تعرفينه
لولوة ابصوت هادي: الشي الي ودي اعرفه!!! ودي اعرف انا شلون يت بهالدنيا
رقية: يعني بعد شلون ييتي بعد ؟؟؟؟ فيي اغبى من هالسؤال ؟؟؟
فاطمة تكمل على رقية: ما اعتقد!!!!
لولوة: لا لا مو قصدي جذي .... قصدي ودي لو اعرف انا بنت حرام ولا شنو ؟؟؟؟ وليييش يابوني هنييي؟؟؟؟ و شلون قدروا يتخلون عني؟؟
البنات : اهاااا
سارة : اي حتى احنا نبي نعرف هالشي
فاطمة: واااااااااااي تصدقون ودي اروح اتفل ابويه ابوي !!!!!!!!!! شحقى قطني اهني ؟؟؟؟؟ خلاني اجابل ويووهكم
رقية : عيل انا ودي لو ارفس ابوي رفسة الججججججججججججلبببب
سارة ابدلع كالعادة : عيل انا ودي اروح اقول حق بابا ليش خليتني بروحي و اطقا طراق خفيف و nice و اطلع بس مو لازم يعورا الطراق المهم اطقا وبس
لولوة : هههههههههه يعني لييش بس ابوكم مسكين يمكن اهوة مالا شغل
رقية: لا له شغل لو ما اهوة جان احنا مايينا على هالدنيا
لولوة: بس شدراج يمكن ابوي انا يحبني و مو اهوة الي يابني اهني ؟؟؟

و لكن لولوة احساسهة خاطئ و مو بمحلة مع الاسف

خلصت العطلة لانها كانت وااايد قصيرة و كانت يوميات البنتيين نفسها و ماكوا شي يدييد......


دانة ردت للكويت معاها اخوها يوسف اهوة الي علييه الدور هالمرة و بيني وبينكم ساعات يروح معاها بدال اخوانة لانه يحبها .... ما يحبها كاخت ..... يحبها كحبيبة.

بالطيارة كانت دانة و يوسف قاعدين بالكرسيين الي يم الدريشة


دانة كانت لابسة بلوفر كحلي و بنطرون ترينج رمادي و البوت مال الترينجات المعتاد شكله و مسوية شعرها عنقوص و صابغة اظافرها ابصغ احمر لان البلوفر فيه لون احمر ...... لا تحسوون شكلها هيلقي ترى كان يشوق كالعادة وستايل .

يوسف كان لابس بنطرو ترينج و بلوفر وجوتي العاب عادي.

الطيارة توها بالطير:

دانة طلعت علجها و كلت واحد وطالعت يوسف : تبيي؟
يوسف اخذ العلج و قاموا يعلجون

عقبها طلعت دانة مجلة شاريتها و قعدت تقراها , و يوسف كان قاعد سم الدريشة وساند راسه عليها وقاعد يفكر:

دانة : امبيييييي!!!!!
يوسف ما تاثر
دانة: يوييسف شوف هاذي
يوسف لف ويها على المجلة: منو؟ شفيها؟
دانة: هذي هذي سرين عبد النوور ..... جسمعا عجييييب صح؟؟ بل علييها
يوسف : ويع شهالذو؟ خايسة!!
دانة : لاااا غلطااان اذا هذي خايسة منو الحلو عيل؟ انت؟
يوسف: طبعا
دانة طالعته ابنظرة جنه قاعدة تقولة : املق !!!!!!!!!
ولفت ويها
وكان الحوار بالطيارة جدا عادي


وصلو الكويت و انزلوا المطار
و خذوا اجناطهم وراحوا شقة دانة........


شالي ناطر دانة و لولوة؟

و هل دانة راح تعرف ان اخوها معجب فيها و يحبها؟

كل هالاسئلة موجود جوابها في البارت الياي

تابعوني

 

[miss i]

رد : توأم و لكن!

شدعو عليكم كويتيات ما في ولا رد؟؟؟!!!

ولا يمكن البارت ما عجبكم؟؟؟

عفيا احتاج منكم تشجييع حبيباتي....
.

 

[gala q8]

كمممممممممممممممممممممممممممممممممممممممممممملـــــــــــــي


الروااايه روووعه فديتج .. انا ناطرتج اتمنى تكملينهـآ :friends:

 

[gala q8]

up




up





up

 

[gala q8]

>>up<<

 

[gala q8]

up



up





up

 

[miss i]

رد : توأم و لكن!

ثينكس حبيباتي على التشجييع انشالله راح انزل البارت الرابع اب اسرع وكت لعيوونكم بس

 

[miss i]

رد : توأم و لكن!

البارت الرابع:

بالشقة:

يوسف: دانوا متى تبين تشترين اقراض المدرسة؟
دانة: واي مو الحيين .... بعدين بعديين
يوسف: شنو بعديين باقيي ثلاثة ايام و تداوميين
دانة ابكآبة: اففففففففف
يوسف اب حنة: يالله يالله قومي خل نشتري يالله
دانة مالها خلق: واااااااي يالله بعد شنسويي



بالملجا:

مسؤولة الملجا راحت لكل غرفة و شافت انهم كلهم شروا اقراض المدرسة و لمن وصلت لدار رقي و فاطمة و سارة ولولوة قالت: هاا بناات ... شلونكم ؟ شقاعدين تسوون؟
البنات : ولا شي!!
المسؤوولة: ها متزهبين للمدارس؟؟؟ ولا بعد؟؟
البنات بكل برود: بعد
المسؤوولة: وييي ما شريتوا اقراض المدارس؟
البنات شاقين الضحكة: لا
المسؤوولة: عيل شناطريين يالله قوموا روحوا الجمعية خلصوا شغلكم ........ز
لولوة جاوبت عن الكل: اوكيك بس منوين لنا بيزات؟
المسؤوولة: لا والله ؟؟؟؟ يعني منو بيعطيكم غيرنا؟ يالله يالله سرعوا.....

البنات وصلوا الجمعية و دانة وصلت الجمعية .................

و كانوا بنفس الجمعية@@

دانة وهي قاعدة تشوف الدفاتر و يوسف قاعد يشوفلا كتاب عن كرة القدم
و لولوة قاعدة تاخذ الاقلام و باجي البنات مطشريين....

لولوة بينها وبين نفسها: اوك ..... خلاصت من الاقلام ........شنو بعد ابيييي؟؟؟؟؟؟؟؟؟؟؟؟ ايييي دفاتر

دانة بينها وبين نفسها صوب الدفاتر: خنشوف جم صحة......... 60 لا لا شوية ابي 80
دانة قاعدة تدور بالدفاتر: 80 .......80........80.......80

لولوة لمن يت صوب الدفاتر شافت دانة بس من ورة يعني ما شافت ويها.....

دانة كانت مسوية شعرها تكسير و على جنب.......
و لولوة كانت مسوية تكسيير و لابسة تاج

سارة يت حق لولوة : لولو........ تعالي شوفي المجلااات عجيبة
لولوة : اقوول فاضية انا حق مجلااتج

دانة انتبهت حق صوت لولوة: وي بسم الله هذي صوتها نفس صوتي....... يحليلها اكيد جميلة نفسي

بس ما لفت ويهها

سارة تحن: لولو تعالي شوفي بليييز
لولوة: اففففففففففففف اوك يالله بس لا تطوليين خنخلص
سارة : اوك اوك

راحت لولوة و سارة صوب المجلات و كان يوسف واقف بنفس الجهة يشوف الكتب......

يوف شاف لولوة و نوعا ما تخربط بينها وبين دانة و خاصة انهم كانوا لابسين نفس الستايل و تقريبن نفس الالوان

سارة :شوفيييي كاهيي..........!!!!!
لولوة خذت المجلة : اشووف........ ويويويويوي صج ما تستحي ...............!!!!!!!!! جان تفصخت بعد احسن...
سارة: ههههههههههههههه اي صح
رقية تنادي: ساروااااااا سويرة
سارة: نعم؟؟
رقية: تعالي بسرعة
سارة ابلقافة: شنوو؟ نطري الحين ايي

ظلت لولوة برحها مع يوسف ...........
يوسف لف ويها وشاف لولوة

يوسف ابغرابة: دانوا ؟؟؟؟؟؟؟؟؟؟ متى غيرتي ملابسج ؟ و منو عطاج تاج؟؟؟؟؟؟
لولوة لفت ويها عليها و لمن شافتة قاعد يوجه الكلام لها ..... تنحت و ما كانت مستوعبة شقاعد يقول.........
لولوة بغرابة: هلا؟؟
يوسف: ههههههههههه شفيج صايرة مؤدبة؟ اقول وين الدفاتر ؟؟ شريتي؟
لولوة كان حسبالها انا قاعد يغازلها جان تقوله: صج انك ما تستحي
يوسف مستغرب : ها؟
لولوة هدتة ومشت.......
اول ما مشت عنه لولوة .........يتله دانة........
دانة: ها يوسف يالله نحاسب
يوف لف ويها عليها و تنح زيادة:دانة؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!
دانة : اقول مو وكته استعباطك يالله نحاسب
دانة سبقت يوسف عالكاشير ولمن راح يوسف للكاشير ظل متنح ليمن وصلوا السيارة وحركوا............

دانة بغرابة: يوسف شقصتك؟؟؟؟؟؟؟؟ شفيك مسطول؟؟؟؟؟؟
يوسف اب كل هدووء: ها؟ لا ما فيني شي...
دانة: امممم اوك..... امبي بالجمعية سمعت وحدة نفس صووتي ......!!!!!! تصدق اول مرة تصير فيني........!!!!!!!!
يوسف لف عليها بغرابة لكنه حاول ان ما يبين لها هالشي: لاا؟؟؟ اممم اوك


و عقب 3 ايام صارت المدارس و كان الوضع معتاد جدا و كل يوم نفس الاحدااث..........
ليمن يوم من الايام دشت مدرسة اللغة العربية للبنات :

الابلة: السلام عليكم
البنات: وعليكم السلام ورحمة الله و بركاته
الابلة: جلوس
الابلة: بوصوا يا بنات........النهار دا مفيش درس لكن فيي حاجة تانية....اي هياااا؟؟؟؟
البناات مستانسييين:فييييي رحلةةةة
الابلة:ههههههههههههه بالزبط........يالله باه كل وحدة تتزهب ......حنمشي دل واتي.......ز

تزهبوا البنات و راحوا الباص ....... وطول الطريج ظحك وغناوي لييمن وصلوا للملجا@@
اي نعم ........رحلتهم كانت للملجا..........عشان يكتبون تعبير عنه و يكون التعبيير بصورة مسلية

وصلوا البنات الملجا وكانوا في الدور الرضي.......... وقعدوا فيه 3 ساعات......... بس لولوة ما شافت دانة........مع انها كانت في الملجا ....... بس و لولوة بعد كانت بالملجا بس ما شافوا بعض.........

طلعت دانة من الملجا وكانت دريشة لولوة اتطل على مدخل الملجا يعني تقدر تشوف الي دا والي طالع
,..................

لمحت لولوة دانة من ورة....
و قالت : اووو سارو شوفي هاذي تشبهني من ورة .........اكيييد ويها حلو نفسيي
سارة:ههههههههههههه
وقفت دانة تنطر رفيجتها ولف ويها عشان تقول حق رفيجتها : انشالله تسرعيين!!!!!!!!!!

لمن لفت ويها دانة لولوة تنحت و انصدمت ...........
سارة مصدوومة: لولوة ؟؟؟؟؟؟؟؟!!!!!!!!
لولوة لفت على سارة وهيا متنحة: امبيي!!!!!!!!!!


شنو راح تكون ردة فعل لولوة ؟
وشنو راح يكون تصرفها؟

كل هذي الاسئلة بتكون بالبارت الخامس

تابعوني

 

[-dust-]

:n2006107:
:n2006107:
مشكوورة القصه وايد حلوة

 

[gala q8]

يعطيـــــــــــــــج الف عافيه .. :wqedqw:



نبي بااارت :s141: