توأم روحي ( دلال + يوسف )

[دنيآ الولهـ]

قوه بنوتات شلونكم شخباركم .. اليوم كتبت لكم روايه واتمنى انها تعجبكم :
بطلتنا : دلال = بنت حبوبه مزيونه وحلوه بيضه وطويله وعيونها عسليه وطبعها هاديه وعلى نياتها واهيا وحيدة امها وابوها عمرها 21
طبعاً أبوها وأمها .. بو دلال وام دلال ..
دلال عندها صديقه قريبه حيل عليها تعتبرها مثل أختها اسمها ريماس اصغر من دلال بسنه بس عقلها أكبر من عقل دلال وحبوبه ودمها خفيف واهيا أمها متوفيه بس ساكنه مع أبوها ومرت أبوها.. واهيا تكره مرت أبوها عشان جذي كله تروح عند دلال..
دلال مخطوبه من يوسف.. يوسف ولد عمتها كان يحبها من زمان وبالاخير حصل عليها.. اهيا ماكانت تبي تتزوج بس راي أبوها اهوا الي يمشي ومثل ما ذكرنا من قبل أن دلال وايد هاديه وعلى نياتها قالت حق ابوها : اللي تشوفه يبه مع انها كانت تبي تكمل دراستها بدون لا تشيل هم أحد.. ​

بداية الفصل الأول.. ليلة الخطبة
كانت ريماس نايمه ببيت دلال صارلها تقريبا أسبوع ومحد دق عليها يتطمن عليها لا أبوها ولا مرت أبوها..
دلال كانت وايد خايفه بس ساكته.. وريماس فاهمتها عدل وتدري اهيا شكثر خايفه
ريماس: دلال حبيبتي شفيج خايفه ترى هذي سنة الحياة.. وبعدين يوسف ألف بنت تتمناه.. أخلاق وشكل ولا تنسين أن يشتغل مع أبوه بشركته ويمكن مع الأيام اهوا يملكها.
دلال: بس محد خذا رايي ريماس.. انا مو بخاطري اتزوج الحين ليشم حد يفهمني.. تدرين ليش أبوي حن علي وبالغصب طلعت مني كلمة : (( اللي تشوفه يبه )) ؟؟
ريماس: ليش !!
دلال: لان مثل ما تدرين ابوي يشتغل مع عمي بشركته وهذا عمي أكبر واحد ومحد يقوله لأ.. لمن يوسف قال حق ابوه انا ابي دلال.. ابوه قال حق ابوي وجنه يدري شنو الإجابه لان محد يقوله لأ.. وابوي قعد يحن علي يحن علي وانا بالغصب رضيت.
ريماس: أي بس هذا يوسف ما يتطوف دلال ماكو مثله بهالزمن وهذا نصيبج ولازم ترضين فيه.
دلال: ياريماس انا أبي أكمل دراستي ما أبي يكون عندي هم غير دراستي.
وتدش أم دلال وتزفهم: دلوول! رمووس!! .. ماتناموون! صوتكم واصل لي آخر الدنيا دلوول باجر خطبتج وانتي ليلحين قاعده باجر ورانا قعده من الصبح بنروح الصالون وبنروح نييب النفنوف.
ريماس: هههههه خآلتي انا أتوقع باجر بالملجه دلال نايمه علينا
أم دلال: اي والله ياخوفي
دلال تبتسم بالغصب وتطالع امها وريماس..
اليوم اللي وراه تدش ام دلال عليهم
دلووووول رموووووس قوم يلا يلام اكو وقت بسرعه مستعيلين
دلال: يما بس 5 دقايق
ريماس: لا خالتي خليهم 10
ام دلال: هذا اللي مايسمع الحجي شفتو شلون قلتلكم نامو امس يلا عاد قومو ماكو وقت
ريماس تقوم وتسحب ايد دلال : اييييييه يادلووووول اليوم بتروحين بطريجج وتخليني
دلال: أنتي أوله منه بكون 24 ساعه معاج واهوا بطقاق فيه
أم دلال: عيييييب شالحجي دلال!
دلال: آسفه يمه مو قصدي..
ريماس تخز دلال يعني بنظره ( سكتي !! )
قامو البنات مع أم دلال واحو خذو النفنوف من المصبغه.. وسوو شغلهم وخلصو..
ببيت بو يوسف ..
أم يوسف: كلولولولولوولولولولووووش
بو يوسف: بس بس فضحتينا عند الجيران
يوسف: يبه يبه خلها على راحتها مستانسه امي فديتج يمه والله انا حدي بطييييير من الوناسه
أم يوسف: إنشالله دووم ياوليدي
بو يوسف: أقول يوسف دير بالك على بنت عمك وهالله هالله فيها لا تضايقها
أم يوسف: ياوليدي إذا اهيا ضايقتك قولي وانا اعلمك فيها
بو يوسف: شنو انتي بتسوين لنا مشاكل؟؟ لا يوسف وانا ابوك اي مشكله تصير لكم خلها بينكم لا تقول حق أحد مانبي مشاكل مع الأهل.
يوسف: إنشالله يبه
أم يوسف: يلا عن إذنكم خل أكوي دشداشة يوسف وليدي
يوسف: يمه ماله داعي قلتلج اوديها المصبغه.
أم يوسف: لا لا انا بنفسي بكوي دشداشة وليدي بيوم عرسه.
يوسف راح وباس راس امه: مشكوره يمه
بو يوسف: يلا قوم يوسف ورانا شغل لازم نروح
يوسف: إنشالله يبه
وقام يوسف وراح مع أبوه وخلصو شغلهم.. ​

تمر الساعات ويوسف كل تفكيره ( دلآل )
دلال كل تفكيرها ( شلون بهد دراستي شلون مابي اهدها وماراح اهدها عشانه ولا راح اهد رفيجتي واختي وحبيبتي ريماس عشانه )
صار الليل.. ودلال قاعده بالكوشه ويمها ريماس وريماس شاقه الضحكه اللي يشوفها يقول هذا حفل خطبتها.. ودلال اكتفت بابتسامه خفيفه رسمتها على شفايفها بالغصب.
وأم ريماس مستاسنه حق بنتها كانت تشوفها ملاك وكانت قاعده ترقص وتصفق والبنات كلهم يشوفونها ويغارون منها.​

وتمر الايام ودلال اسمها ( خطيبة يوسف ).. دلال متكدره وبارده مع يوسف.. بس يوسف مافقد الأمل ودايمن يحاول يقولها كلام حب ويطلعها ويوديها ويونسها بس عشان يشوف ابتسامة رضا منها.
يوسف كان ببيتهم..
ودلال وريماس ببيتهم
يوسف كان قاعد يقرر ان ياخذ دلال عالبحر
ودلال قاعده تتفق مع ريماس انهم يطلعون مع بعض
دلال: خلاص اليوم بليل راح نطلع.
يوسف كان يفكر ان يطلع دلال عالبحر العصر
دق عليها: الو هلا دلال
دلال: هلا يوسف
يوسف: قومي بدلي يلا بسرعه
دلال: ليش وين
يوسف: بوديج البحر.
دلال: بس انا كنت أبي...
قاطعها يوسف: لا تطلعين أعذار يلا قومي بدلي وانا 5 دقايق انطرج يلا باي
دلال عصبت وحذفت الفون
ريماس: شفيج !
دلال: مافيني شي بس يبي يطلعني الحين
ريماس: خلاص طلعي معاه باجر انا معاج نطلع
دلال: لا لا راح ارد مبجر واطلع معاج فاهمه؟
ريماس: اوكي كيفج
لبست دلال وراحت مع يوسف وطول الطريج اهيا بس ساكته واهوا يكلمها عن الشركه..
وصلو البحر..
كانو قاعدين عند البحر
دلال ساكته واهوا بس يتكلم : احبج دلال انا من زمان كنت أحبج وخاطري فيج
دلال انحرجت بس تجرأت وقالت: ليش الحين ليييش
يوسف استغرب: شنو ليش
دلال: ليش خذيتني الحين ليش انا ماكنت ابي ماكنت ابي اتزوج وبجت وقامت وهدته وراحت عنه
جان يعصب يوسف ويقول واهوا مصرخ: خلج قاعده !!!
دلال تجمدت بمكانها وقعدت تمشي عالخفيف خطوه خطوه
ومره وحده يوسف قعد يخورها وتصرف بشكل غريب لان مايبي دلال تخليه
يوسف: كنت بكلللللللللمج
وقااعد اكلللمج
وهديتيني ورحتي
هييييييييييي
واللللللله ازعللللل
واللللللللللله
والللللللللللله وععععد
ازععععععععععل وااااااااااااااااااااااايد
حبيبتيييييييي كنت ابي اكلللللللمج
وجيي
واحبج
واقولج
وجي
جان تروحين
زعلت شوي
اسسسف
: (
______________________________________________________________​

نهاية الفصل​

 

[دندوش 92]

مشكووره حبيبتي عالرواية الحلوه . .

كمليها =)

 

[مريوم]

تسلمين حبيبتي على الروايه الحلوة وكملي ناطرينج

 

[دلوعه و افتخر]

،،

گَــمْــلِـــــيِـــهـَـــآإإ قَـــلْــبُـــووؤووُ

؛

مَـــتَــى إلِـــبَــــــآإإرْتْ آألـــجَــــأإيْ

..

 

[دلوعه و افتخر]

وَيِـــــنَـــچ حُــبِــــــيِ

 

[دلوعه و افتخر]

اب اب اب اب
اب اب اب
اب اب
اب

 

[مريوم]

متى البارت حبيبتي ؟؟

 

[قاعده ادرس]

جنها قصت رفيجتي دلووول