تهقون هالشي عيب وفشلة ؟؟ تعالوا نتناقش

[روحي تحبك...]

بسم الله الرحمن الرحيم

شلونكم بنات شخباركم؟؟ :eh_s(7):

طرى على بالي هالموضوع بعد ما شفت صورة بالانستقرام وحده تعيب على ملابس واكسسوارات وحده عارضتهم مو للبيع بس انها حاطه الصور


انا هالشي من زمان ملاحظته واشوووف وااااايد بنات يعيبون على هالشي

واللي هو الملابس التقليد ( يعني تقليد الماركة )

انا عن نفسي ما اشوف فيها شي..وشنو يعني تقليد ماركة وقفت الدنيا؟

ولا عيب ووحرام وفشله وهيليقيه وبنت فقر وما عندها ذوق اللي تلبس تقليد ؟


يمكن البنت ما عندها قيمة الماركة وعاجبتها الشغلة واشترت نفسها بس بسعر اقل

او يمكن البنت ماتحب تبذر حتى لو كان عندها.... الخ


وفوق هذا البنات يعيبون عليهم ويقولون فوق ما انتم لابسين تقليد هم تتشيحطون علينا


بالعكس مو قصدهم تشيحط وهياط , اهم شي انهم لبسوا اللي بخاطرهم ووعلى ذوقهم وعاجبهم
وساترين انفسهم احسن من انهم يقعدون اخر الشهر بدون فلوس عشان بلوزة ب 70 دينار ولا جنطة ب 100 دينار

والله مرة كنت بالكلية واسمع وحدة تسولف لرفيجتها انها اشترت جنطة ب 300 دينار ووحده قالت لها جنطتج تقليد مو اصلية وقامت تحلف انها ما قامت تستخدمها عشان الناس ما يقولون انها تقليد



والله الله ما يرضى على هالشي

مافيها شي لو اشتريتي جنطه ب 60 بدال 200 او ساعه ب 40 بدال 120

ما توقف الدنيا والناس ما يعجبها شي

انا اهم شي ارضي الله وارضي نفسي والناس ما يشوفون شر..ارضاء الناس غاية لا تدرك



انتم بنات شرايكم بهالنوعية؟:eh_s(7):

 

[azaiN]

والله ي حياتي انا رايي من رايج .. اصلا اهم شي الذوق سواء كان ماركه ولا تقليد وحده تشوفينها تقليد من راسها لأخمص قدمها لكنها ذررربه وذووق احسن من تجيج وحده هيلقيه تشيحط عليج لأنها ماركه

 

[صاحبة الكلمة]

مجتمع مادي

 

[M!ss CoLoRz]

الناس اللي يقيمون غيرهم بشنطة ولا ماديات هاي ناس سطحيين وترى هاي قيمتهم ما يتعدونها

ناس تافهة ما اتعب نفسي واخلي لهم قيمة

طبعا انا مو الواحد انه يدلع نفسه ويشتري اللي خاطره فيه بس بمقدوره واهم شي اولا واخيرا الذوق لو كان الشي بدينار وحلو البسه واكشخ فيه واقول للناس ترا هاي بدينار تصدقون

 

[روحي تحبك...]

والله ي حياتي انا رايي من رايج .. اصلا اهم شي الذوق سواء كان ماركه ولا تقليد وحده تشوفينها تقليد من راسها لأخمص قدمها لكنها ذررربه وذووق احسن من تجيج وحده هيلقيه تشيحط عليج لأنها ماركه

اي والله تكون اكشخ واذرب من ام ماركة اللي تتشيحط عليج

 

[روحي تحبك...]

مجتمع مادي

ممكن يكون فعلا مجتمع مادي بس الاغلب ماخذ فكرة ان اللي يلبس ماركة اصلية هذا ذوق وكشخة وشيك واللي يلبس تقليد يعتبرونه هيلقي

 

[روحي تحبك...]

الناس اللي يقيمون غيرهم بشنطة ولا ماديات هاي ناس سطحيين وترى هاي قيمتهم ما يتعدونها

ناس تافهة ما اتعب نفسي واخلي لهم قيمة

طبعا انا مو الواحد انه يدلع نفسه ويشتري اللي خاطره فيه بس بمقدوره واهم شي اولا واخيرا الذوق لو كان الشي بدينار وحلو البسه واكشخ فيه واقول للناس ترا هاي بدينار تصدقون

اي والله الذوق اهم شي لو كان بدينار وتقليد .. والناس مهما سويتي ما يرضيها شي

 

[ياهم لدي رب]

بالجامعه معاي وحده تلبس ماركات متزوجه مصروفها من زوجها والاعانه ع طول يطير عالشنط واجهزة التلفون الجديده وتتشيحط علينا وتتطنز لكن والله العظيم لما انروح الكفتريا اتحذف وجهها علينا ندفع لها ونحلف عليها وندفع لها يعني مو لايقه تاكل صراحه شيء مو طيب اتسوي ببنات عزباوات وتصير بلاكرامه ريوقها على اعانتهم
بصراحه انا اطالعهم بنظرة الشفقه خااااصه اللي تتشيحط في بنات ماشاء الله يلبسون ماركه لكن هذا الامر عندهم عادي هذي هي بنت العز والنعمه ولا اللي تتشيحط على الناس يدل على نقص في حياتها
عموما انا البس ماركه بس مو كل اشيائي ساعات وشنط واكسسوارات لكن بدل لا يمكن بالمناسبات الكبيره والماركات تكون اللي اسعارها زينه

 

[منيره آل ثاني]

انا من النوع الي يلبس اي شي سواء ماركه او تقليد
أصلا رحت دبي مع أهلي ورحنا بالخش والدس لمحل واحد هندي يبيع شنط تقليد درجه أولى
لدرجة انج ما تقدرين اتفرقين بين الأصلي والتقليد
وشريت منه شنطه فندي وخواتي هم شرو
المهم اشتري الي يعجبني مو مهم اصلي ولا تقليد

في حفظ الرحمن

 

[كرز.]

الي يعجبني اخذه تقليد ولا ماركه ومايهمني احد

 

[يستفزني غلاك]

عادي بعض البنات ذابحهم الهياااط خلي الماركات تنفعهم

 

[Sosota_20]

انا بالنسبه لي كل وحده تشتري على حسب مادتهها يعني الي عندها فلوس وخير ماله داعي تقصر على نفسها

بس اخيس نوع الي تقط كل فلوسها وتقعد مقحطه وتهايط على البنات
يعني وحده معاشها 800 تروح تشتري جنطه ب 300 وبدله ب200 وساعه ب 190 وغير اقساط السياره وبعدين تقعد لي اخر الشهر ماعندها فلوس كل هذا عشان تورينه انها ذوق وتشتري ماركات
يعني شيصير اذا كل شهر تشتري شغله غاليه وباجي الفلوس حق طلعات وسينما ومطاعم ومكياج عطور وغيره تم طول الشهر تستانس بمعاشها

هالنوع ماحب اماشيهم مرض

 

[مزيونة الخبر]

الي عندة يشتري والي ماعندة لا يشتري صدق انا الان مالبس الا اصلي لو ماركات رخيصة او اشتري من محلات عادية مثل ناين وست او دبنهامز لكن البس تقليد ماقدر احس ماتو لكن عادي لو اشوف وحدة لابسة تقلي عادي اذواق الواحد بطيبته واخلاقة والمسالة مسالة ذق د لايعيب ولا اطنز

 

[حدي متدلعه]

البس احسن شي ما يكون ماركات عادي المهم يكون انيق ومستر وحلو لانه ما يسوى تدفع عليه
لكن شنطه حلوه الماركات بس ما تسوى يعني تشتري شنطه واحده ماركه هو انا البسها يوميا لا احلى شي التنويع يعني شنطه ماركه حق المناسبات والسوالف وشنطات عاديه جميله متناسقه مع الملابس بعد احلى
حتى لو معي خير كثير ما رح اقط فلوسي على ماركه ياما في ناس محتاجين اولا اني انقذ ارواح من اني اقط شنطه ماركه بالدولاب بعد فتره من ما ازهق منها

شرايكم

 

[حدي متدلعه]

:eh_s(9):البس احسن شي ما يكون ماركات عادي المهم يكون انيق ومستر وحلو لانه ما يسوى تدفع عليه
لكن شنطه حلوه الماركات بس ما تسوى يعني تشتري شنطه واحده ماركه هو انا البسها يوميا لا احلى شي التنويع يعني شنطه ماركه حق المناسبات والسوالف وشنطات عاديه جميله متناسقه مع الملابس بعد احلى
حتى لو معي خير كثير ما رح اقط فلوسي على ماركه ياما في ناس محتاجين اولا اني انقذ ارواح من اني اقط شنطه ماركه بالدولاب بعد فتره من ما ازهق منها

شرايكم

 

[احبك ليه]

بالجامعه معاي وحده تلبس ماركات متزوجه مصروفها من زوجها والاعانه ع طول يطير عالشنط واجهزة التلفون الجديده وتتشيحط علينا وتتطنز لكن والله العظيم لما انروح الكفتريا اتحذف وجهها علينا ندفع لها ونحلف عليها وندفع لها يعني مو لايقه تاكل صراحه شيء مو طيب اتسوي ببنات عزباوات وتصير بلاكرامه ريوقها على اعانتهم
بصراحه انا اطالعهم بنظرة الشفقه خااااصه اللي تتشيحط في بنات ماشاء الله يلبسون ماركه لكن هذا الامر عندهم عادي هذي هي بنت العز والنعمه ولا اللي تتشيحط على الناس يدل على نقص في حياتها
عموما انا البس ماركه بس مو كل اشيائي ساعات وشنط واكسسوارات لكن بدل لا يمكن بالمناسبات الكبيره والماركات تكون اللي اسعارها زينه

كنت بكتب نفس هالكلام
مشكورة حبيبتي

 

[جامعيه طموحه]

انا اكره ماعندي هالنوعيات جد يعني انا عندي مبدأ اشتري الي يعجبني ومافيها شي اذا فكرت انه الماركه الاصليه ممكن تكون احسن لانها بتكد معاي على قولتهم بس طبعآ على حسب هل امكانيتي تتحمل سعر الاصلي ولا لا واكيد مافيها شي اذا شريت تقليد طبق الاصلي والتقليد تارس السوق ...

اهم شي اكون راضيه عن نفسي وعن مظهري ويكون الشي لايق علي ومرتب وانا اذكر مره شريت جنطه كارولينا هيرييرا وكانت التقليد والله العظيم ما بقت بنت ماعرفها ما قالت انها عجيبه

 

[Behtar2]

اولا الي تهايط وتتشيحط بالماركات اتوقع حتى لو ماتلبس فهذا من سوء اخلاقها
الي عندها خير ليش تقصر ع نفسها لو الجنطه بالف فهذا لان ربي منعم عليها
والي ماعندها على ميزانيتها شي مرتب ومتناسق

 

[ام عمر جمال]

مافي شي بضل ملابس كلها سنة وبتروح مودة ولون لزم الوان جديدة لهيك موضروري ماركات

 

[كويت الاناقه]

صرااحه عندي هذي شغلات ثاانويه مو اسايسه