تهقون مناسب احمل الحين عمر بنتي سنتين و8 شهور

[حرم راشد الماجد]

السلام عليكم ورحمة الله وبركاته

تهقون مناسب الحين احمل لان بنتي عمرها سنتين و8 شهور بس حييييييييييييييييييييييييييييل متعلقه فيني وماتنام الا بحضني
فلو احمل الحين واييب ياهل ماراح تندقر مابي شي ياثر علة نفسيتها مع اني اشوفها تحب اليهال وتتلزق فيهم بالسوق والاماكن العامه وهم يضيق خلقها لما اوديها تلعب لانها بروحها

بس سؤالي حق اللي مجربين الفرق بينها وبين الي راح اييبه مو وايد كبير يعني ممكن يكونون قراب من بعض يلعبون مع بعض ويفهمون بعض ؟

وشلون اخليهم متفاهمين من غير غيره

 

[زين ودلال]

وعليكم السلام

اي ما شاء الله وايد مناسب

واهم شي لادلعين الياهل جدام بنتج عطيها اهي الاهتمام لما يكبرون عاد ويفهمون

الله يرزقج ان شاء الله

 

[موريا آدم]

بالعكس هترتاحي كتير لانهم بينشغلوا سوا ويا بعض بعيد عنك وهيريحوكي

 

[حرم راشد الماجد]

مشكورين واااااايد ما قصرتو

 

[أم يزيد &سديم&]

أنا بين ولدي وبنتي 3 سنوات وعشر شهور
وما شاء الله يحبها ويرحمها كمان
يقولي ماما ترى أنا أحب اختي لاننا من بطن وحدة
عادي جدا جدا يعني ما حملت إلا لما الولد عمره 3 سنوات وشهر
يعني فاهم إنه بيجي بيبي جديد وكذا

 

[مواصله]

ذا انتي وزوجج متهيئين نفسيا وجسديا وماديا اتكلي على الله

مع انه رأيي الشخصي الافضل تأجلينها شوي وقت اللي تشوفين بنتج معتمده على نفسها وفطمتيها من الرضاعه والحفاظات اريح لجا

 

[PuPa^^SWeeT]

انا اشوووفه مناااسب جدا




لما بتولديين انقوول بتكوون قريب ال 4 سنيين


اكييد بتكون بالروضة

 

[بنك بااستا]

اممم الوقت زين تماام

 

[شادن33]

اي حبوبه وايد مناسب

اهو الطبيعي يكون بينهم سنتين افضل وبنتج اكبر

ولا تاخرين بالحمال عشان لا يصير فرق كبير حرام

 

[ام الحلوااات]

واااايــــــــــــد مـــنــــااااســــــــــب

اتــكــلــــي عـــــلـــى ربــــج وحـــمــــلـــــي

 

[بنت^كآليفورنيآ]

انا اشوف انه حيل زين

سولفي لها حببيها بالياهل قبل لا ايي

 

[حرم راشد الماجد]

ذا انتي وزوجج متهيئين نفسيا وجسديا وماديا اتكلي على الله

مع انه رأيي الشخصي الافضل تأجلينها شوي وقت اللي تشوفين بنتج معتمده على نفسها وفطمتيها من الرضاعه والحفاظات اريح لجا

انا بنتي الحمدالله تروح الحمام ومعتمده على نفسها بس وايد متعلقه فيني يعني كله لااااااازقه

بالنسبه حق زوجي من زمان وهو يحن يبيني احمل بس انا مطنشه لانها كانت صغيره


ومشكورين حبايبي كل اللي ردو

 

[a7la_7b]

اي احسن لانه البيبي يبي احد يلعب معاه ويكون بعمره

 

[miss_Ba6oOo6a]

الصراحه ماله شغل
العمر بينهم يعتمد علا الياهل نفسه ممكن غيرته وايد تكون بالكبر وتخرع مثل بنتي

حملت ولها ٢و١٠ شهور يعني ٣

غيرة شي مو طبيعي انسانه تخرع صارت ما يت صوبي الاربعين كله الله ستر علا الصغيره دوس طق تشوت قطوها بالزباله
وعسارة صراخ ومصاصه مو راضيه تقطعها وردت علا الحفاظه من اختها
كانت متعلمه

صااارت زينه بعد فترة ٦ شهور بعد الولاده وردت الحين بس ماتطقها تحبها واتموت فيها وتغار وااايد تطلعه بالعسارة والحمام والمصاصه


كله يعتمد ع الياهل مو عمرة

بنتي نفس بنتج وزوود كله معاي ٢٤ ساعه سفرات سيارة حتا خادمة ما عندي يبت الخادمة لما حملت باختها
ولازم حضانه وديتها بالاربعين وايد تحسنت معاهم بس غلطت لازم قبل اوديها تتهيا لليهال واختها

 

[باقة ورد]

التوقيت مناسب بنظري

 

[مشتطـه]

اي مناسب جدآ

 

[نـعـومـه]

دام انها بجر خلاص عيل توكلي على الله وقطي الحبوب

لو عندج يهال غيرها جان قلتلج توالناس بس دام ماعندج الا غيرها خلاص استخيري وحملي والله يرزقج

 

[Beautiful soul]

انا اقولج احملي لان اختي نفسج بالضبط جابت البيبي الثاني وبنتها عمرها 4 سنين
تكسر الخاطر والله تموووت في الصغار واحسها وحيده وتغار من بيت عمها لان عياله ماشاء الله ورى بعض ويلعبون مع بعض
حتى اذا صارت هوشه يقومون عليها هههههه وحتى لما تروح الالعاب تتملل لان بروحها
وبالعكس تمووووت في اخوها وماشوف انها تغار عليه حنونه فديتها

 

[أم ميميتو]

انا ولدي قد بنتج قلت مابي احمل
الا اذا ولدي طلب و بالفعل صارله جم شهر
يقولي ماما ابي دادا يعني ياهل اشتريتله لعبه ياهل
ضل فتره لهى فيها وبعدها رجع يقولي يبي دادا ما يبي اللعبه
والحمدلله انا توني حامل من جم يوم قعد من النوم و طلب نفس الطلب مني
اشترله على بطني قلتله ان بطني في دادا استانس و باس بطني و سألني اذا يشرب حليب
ولا ما يشرب ههههههههههه واذا نايم ولا لأ

 

[أم ميميتو]

وبنفس الوقت زوجي يبي يقول حرام نخلي الولد بروحه وحيد جذي وهو يحب اليهال
يعني اذا بنتج تبي و انتي و زوجج مستعدين توكلي على الله و حملي