تهقون للحين يحبها ؟؟

[farina]

مرحبا بنات

من امس مو قادره انام ابي تفسير للى صار معاي من التفكير راسي بينفجر

ريلي خذاني عن حب و اقتناع و ماتزوجنا مانعرف بعض بالعكس كنا نعرف بعض قبل الزواج و خطبني و بعدها تزوجنا

صارلنا سنتين الحين مع بعض و الحمدالله امورنا تمام

بس اللى صار ان كان يحب وحده قبل لا يعرفني 5 سنوات و كان يبي يتزوجها بس ماصار نصيب بينهم


المهم

كنا قاعدين بمطعم و ولا يحطون اغنيه عبدالله سالم اذا ناوي تروح انااسمع هالاغنيه وايد و ادري هذا اسم المغني بس مااعرفه لان احسه مومعروف

جان يقولي زوجي تدرين هالمغني اول ماطلع سوله لقاء و سالو عن اغنيته هذي طلع هوه اللى كاتب كلماتها حق حبيبته كان يحبها 5 سنوات و هدو بعض و قام يبجي بالقاء بعد

قتله والله لو احد يحب مايقعد 5 سنوات علشان بعدها يتزوج او لا اللى يحب يقرر من اول سنه

جان يقولي مو هيه اللى ماكانت تبي زواج و اهلها بعد ماكانوا راضين قالي هالكلمتين و سررررررح الريال

جان اسكت انا و اطالعه و قعدت افكر ياتري هوه قصده على نفسه و لا عن المغني

معقوله في مغني بلقاء يتكلم عن نفسه جذي ؟؟؟؟

من حزتها و انا ميته قهر ودي اروح اساله و بنفس الوقت سالت نفسي ليش ماسلته حزتها يمكن انصدمت من رده ؟؟؟

:gr4uu: بنات بليزززز اشرايكم اساله ؟؟؟؟

انا اه

 

[قلبي شمري..~]

رد : تهقون للحين يحبها ؟؟

خــــــــلاص يا قلبــــــي,,
الحين انتوا متزوجين..
شحقه تفكيـــــــرين بمواضيــــع قديمه,,اذا انتي شاطره تعرفين شلون تنسين زوجج وتخلينه بس يفكر فيج..

 

[farina]

بالعكس عمره ماحسسني ان مايحبني


بس هالسؤال يحوووووووس داخلي ودي اسئله ابي ارتاح من التفكير:0bee2e8d89:

 

[هامورة]

رد : تهقون للحين يحبها ؟؟

حبيبتي لا تفكرين وتخربين على نفسج لو يبيها جان صبر 10 سنوات مو بس خمس ! حواركم كان صدفه وانتي ربطتيه بسالفته اهوا حبج انتي وخذاج والله يوفقكم

 

[Daleela]

مسكين الظاهر اهو يتكلم عن المغني وتذكر الماضي يعني لمن قلتي 5 سنين ضربتيه عالوتر الحساس

اممم شوفي هذا ماضي واهو الحين يحبج وخذاج

ولا بد ان يتذكر بين فتره والثانيه بس تظل ذكرى

وفكري بالمستقبل انشالله مستقبلكم مع بعض يكون احلى

 

[غير كل الناس]

لاتنبشين خلاص طاف

ولا تفتحين بيبان مسكره

 

[روحي زوجي]

حبيبتي

الرجال انواع منهم من يتذكر حبيبته لحد القبر ومنهم اللي ينسى من يحط بباله زوجه وبيت وعيال <<< تفكير بالمسؤوليه

بس اذا زواجهم امر مستحيل ليش خايفه

لا تخلين اي شي يفسد علاقتكم

حسسيه بالحب واطلبي منه انه يحسسج بعد بالحب

 

[farina]

بنات تدرون شنو المشكله الرد اللى رده علي ان هيه اللى ماكانت تبي زواج و اهلها بعد كانوا معارضين

نفس سالفته بالضبط لان هوه قبل الزواج كلمني عنها و قاللي قصته بالتفصيل

قلت معقوله هذي صدفته ان هوه و المغني نفس القصه ؟؟

 

[سندبادة]

لاتفكرين ولا شي خليه واسكتي زين انه يسولف لج انتي خافي من الساكت
حلوه الذكريات الماضي الجميل اذا مرت عليج بس الي لازم تذكرينه انتي انها صارت ماااااضي ماراح ترد انسي السالفه ولاتشيلين هم

 

[farina]

تسلمون يا بنات على الردود

اى شكلي خلاص بطنش و لا افتح الموضوع و لاشي

بس هم راح اظل افكر اعرف نفسي

 

[لمسه حزن]

رد : تهقون للحين يحبها ؟؟

حبيبتي

حتى لو مانساها

انتي حاولي تنسينه وجودها

وربي يوفقج

 

[غُمـۈض بَنيـۃَ]

رد : تهقون للحين يحبها ؟؟

كل انسان له ذكرياته
بس مو القصد انه يحبها للحين
العني الشيطان ياقلبي
وطنشي اخاف هي مو في باله
وانتي قاهره نفسك ​

 

[KittyCat]

والله حاسه فيج...صج الموقف يحرق...بس خلينا انفكر بالموضوع بعقل...

موضوعها بالماضى و انتهى...و اهوه ريلج مو رياها... المفروض انج اتخلينه ينسها بانج تعبشين ويه ايام حلوه و العكس انج ادققين بكل حجوه و حرف و تنكدين عليج و عليه...انسى موضوعها و تاكدى كل الريايل و الحريم لهم قصه بداخلهم و اهوه ماخدج عن حب معنته شنو؟؟؟؟؟؟ انه اكيييييييييييييييييييييييييييييد يحبج انتى اكثر من ما كان يحبه لانه ماكو شى يمسح حب الا حب اكبر منه

 

[M!sS v!P]

لاتفكرين بالسالفه وطوفيها ..
وربي يوووفقكم ويسعدكم

 

[noo7a]

بنات تدرون شنو المشكله الرد اللى رده علي ان هيه اللى ماكانت تبي زواج و اهلها بعد كانوا معارضين

نفس سالفته بالضبط لان هوه قبل الزواج كلمني عنها و قاللي قصته بالتفصيل

قلت معقوله هذي صدفته ان هوه و المغني نفس القصه ؟؟

اي عادي نص الي يحبون و يبون يتزوجون يلقون رفض يا من اهل البنت او اهل الصبي
لا تفتحين على نفسج بيبان مسكره
كافي الحين اهو يحبج انتي و معاج انتي
شلج بلي راح

 

[اميره1980]

الواقع يقول الحين ان انتي له و اهوه لج
لا تفتحين على نفسج بيبان مصكرة و اصلا اهوه مو في باله الحين لا تسألينه و انتي اللي تذكرينه غصب

 

[ام كوشه منكووشه]

رد : تهقون للحين يحبها ؟؟

حبيبتي طووفي
ماله داعي تسألينه وترجعين الذكريات

 

[!الجادل الصعب!]

رد : تهقون للحين يحبها ؟؟

لآ تسآلينه وتفتحين آبوآب وذكريآت منسيه .. لأبد تطري في بآله لان نيته كآنت زينه معآها .. بس تجآوزها وحبج وانتي وتزوجتوآ .. الي فآت مآت ..

 

[farina]

:eh_s(11): عيل ليش سرررح و سكت و بعدها قالي يلا نمشي


قبل الاغنيه كنا نسولف و نضحك



ياربي :eh_s(11):

 

[Miss-NY]

رد : تهقون للحين يحبها ؟؟

لآ تدورين مشآكل خلآص انتي مرته الحين ويحبج
واذا عرفتي تتصرفين صح مارآح يفكر بغيرج انتي وبس
والله يوفقج حبيييبتي