تهقون طبيعيه ...

[أميره بحزني]

السلام عليكم ورحمة الله وبركاته




بنات بقولكم سالفة وحده معاي بالداوم وقولولي شلون أتصرف معاها تفصل علي أو تحط علي عقب أتيي تقعد معاي كأنه ماكو شي وتقعد تسولف عادي وأنا طبعي والله ماحب أحرج أحد ولا أحب أزفها عادي أقعد أسولف معاها لما أمس صراحه فصلت علي رفيجتي قالت وقفيها عند حدها كنت أشتغل المهم خلصت شغلي وقمت أشرب فنيان قهوتي مادريت الا يايتني جنها ثور هايج لاوالله قاعده تشربين قهوتج قومي قومي أشتغلي تنازلي شوي وأشتغلي أنصدمت سكت مارديت عليها قلت بعطيها فرصه يمكن متظايقه من شي لأنها بين فتره وفتره تسوي جذيه وقلت أعطيها بعد مجال المهم جان تقعد تنادي الفراش بصوت عالي قلت مو أهنيه فلانه قالت أدري بصوت عالي الكل قام يتلفت عليها عيل شكو تنادين الحمدلله والشكر عاهات وعقب جان أتيي تقعد وتسولف وتضحك معاي ولاكأنه صاير شي .... خبله هذي مو صاحيه ..​

​

 

[الصواني]

رد : تهقون طبيعيه ...

انصحج بالمجامله

 

[i'am THE ONE]

رد : تهقون طبيعيه ...

اذا طبعها جذي

انصحك ما تكلميمنها مباشره بس نغزات

والله يصبرك

واذا مكتبها مو معاك بنفس الغرفه اذا دشت طلعي

 

[اسماء العتيبي]

رد : تهقون طبيعيه ...

ياعمري عليك اللي متحمله هالنوعيات

الله يواجرك ويجزاك خير

اما هي الله يشفيها ولايبلانا
يمكن تفكر بشي وتتضايق منه تالي تقوم تعصب وكذا ..
اسكتي انتي عامليها بهدؤؤؤؤؤؤ ...

الله يشفيها

 

[بنوتة طموحة]

أنصحج بترديد عبارة

" سكنهم مساكنهم "

إذا شفتيها <<< شدعوه أتغشمر

الله يكف بلاها عنج

أنصحج إنج تنقلين

 

[لؤلؤية]

رد : تهقون طبيعيه ...

حاولي تتحاشينها
بعدي عنها شوي شوي
ترا اذا سكتي وخليتيها براحتها راح تتمادى معاج

 

[أم عبود 2011]

رد : تهقون طبيعيه ...

ريحي حالج مثلي هالأشكال مالهم وجود بحياتي طاااااااااااااااااااااااف

 

[لمعة الالماس]

انا مثلج في وحدة معاي جذي..

اعطيها طاف ولا ارد عليها ...

 

[miss-farah]

لاتعطينها وجه والسلام وبس عشان لاتتمادى اكثر

 

[ạ7ạśêś ~]

طااااااااااااااف يبا :rerrerek:

 

[ielmazyona]

رد : تهقون طبيعيه ...

اذا سكتيي باجر بتلقاج وتبلى عليج شنو تقولي قاعده ماتشتغلين والله ارد عليها واوقفها عند حدها قطع من هالاشكاال :rgewrg:
ولا وستين لا لاتطوفينها مافي شي اسنه طاااف ارسمي خط احمر عووووووووود وقفيها عند حدها
خليها تهابج وتاخف منج

 

[nnoosh]

رد : تهقون طبيعيه ...

طنشيها

هالنوعيه تبط جبدي ..

و قطي عليها جم نغزه خليها تتسنع << نحيسه حدي

 

[غمزة خجل]

رد : تهقون طبيعيه ...

لاتردين عليها

واذا تكلمتي ردي بهدوء وقولي لها ماحب هالاسلوب

الله لايبلانا :n2006107:

 

[مس دلال]

اذا صرخت عليك قولي لها قصري صوتك
واذا جت تسولف وياك ابد لا تعطينها فيس لين تهدأ وتصير وحده سنعه:krkrkr:
اكيد الكل صافطه وترجع لك انتي
للآسف هالايام اللي تحترمينه يركب ع رأسك ويشوف نفسه عليك
الله يهديها
....

 

[حجيه هيونه]

رد : تهقون طبيعيه ...

مو صاحيه على نفسها

ان كلمتج مره ثانيه جذي ردي عليها قولي ماذكر اقامتي على اسمج ولا انا خدامتج


وطنشيها وامشي خل تعرف انه اسلوبها البايخ الناس ماراح تتحمله

ونصيحه لاتظلين ساكته لاتمصخها اكثر وتفشلج جدام الناس

 

[girl k.s.a]

مو خبله بس فيها شوي حاله نفسيه
الله لايبلانا

 

[Tulips]

رد : تهقون طبيعيه ...

لووووول قوليلها حبيبتي انتي شنو مايتج بالضبط عشان اعرف اتعامل معاج

لالا اتغشمر

ماكو غير انج تكونين رسميه معاها لا تطيحين الميانه يعني لي يتج وتضحك وتسولف وحدها مشتطه قوليلها اي .. صج والله.. حلو .. وبس لا تعمقين معاها وشوفيلج شلة بنات زينين وقعدي معاهم عشان ماتحتكين فيها

 

[مملوحه السهول]

رد : تهقون طبيعيه ...

حاولي تتحاشينها
بعدي عنها شوي شوي
ترا اذا سكتي وخليتيها براحتها راح تتمادى معاج

انا معاها وخري عنها ولا تردين عليها ولا تعطينها وجهه

لما تسولف وتضحك سوي نفسج تعدلين وانشغلي بشي عشان تسكت وتروح مكانها وكل مره سوي نفس الشي

والله يعينج

​

~
:cxxxp:​

 

[al3sooola]

لا تعطينها وجه بس سلام

 

[eman12]

اهى دفشه واذا انتى مو متحمله قولي لها بهدوء
قولي لها حبيبتى اثنينا موضفات حالنا من حال بعض