تهقون شنو بيلقون ؟؟؟؟؟

[بنات حواء2]

هذا الخبر


للتأكد من سلامتها وضمان عدم تلوثها التربية: «الصحة» تفحص خزانات مياه المدارس بعد العيد



كتب عبدالعزيز الفضلي: قالت مصادر في وزارة التربية لـ«الوطن» ان وزارة الصحة ستقوم بفحص شامل لخزانات المياه بالمدارس بعد العيد مباشرة ومع دوام الهيئات التعليمية وذلك عن طريق اخذ عينات من فلاتر المياه والخزانات. واوضحت المصادر ان الصحة ستقوم بإرسال مندوب صحي لجميع المدارس لفحص المياه وضمان عدم تلوثها والتأكد من سلامتها مشيرة الى ان نتيجة الفحوصات ستظهر مع بداية العام الدراسي الجديد والتحاق الطلبة في الدراسة. وشددت المصادر على ضرورة ان تعمل الادارات المدرسية على معالجة الملاحظات التي ستظهر في تقرير وزارة الصحة مبدية استغرابها من توقيت فحص الخزانات وارسال التقارير لاسيما انها تظهر بعد دوام الطلاب والطالبات بعد شهر في المدارس ودعت المصادر وزارة الصحة الى الاسراع في اخراج النتائج والملاحظات ان وجدت قبل انطلاقة العام الدراسي الجديد.

ناشرته جريدة الوطن و اقتبسته منو موقع التربية
http://www.moe.edu.kw/SitePages/master.aspx

تهقون شنو بيلقون فيها ؟؟؟؟؟؟؟؟

يتراوالي بيلقون

 

[(كويتيه عسل)]

لعوووووووووووع جبدي الزهيوي الله يهداج على هالصوره

 

[أم مهند]

والله بيلقون باوي

انا مره شفت الماي لونه متغير والصبيان ياحياتي

يشربون مسكتهم وقلت لهم هالمشارب ممنوع تشربون منها

كل واحد اييب معاه بطل ماي

وبلغت المديره وقلت لها والوكيلات

بس عمك اصمخ

 

[ابلة غزالة]

في مدرسه حولوهم التحقيق و السبب ان خزان الماي في مدرستهم مفتوح و لقوا المفتشين فيه حمامه ميته

 

[اخت اخوانها]

واااااي ابلة غزالة صدمتييييني

 

[وحيدة المشاعر]

المشكله المدارس القديمه شنو اللي راح يلقووون فيها .....
وييييع صج ويييع...

 

[الكرملين]

خخخخخخخخخخ

 

[fri2010]

واااي لو شنو ما اجرب حتى لو كانت نظيفه ومافيها شي

 

[قاهرتهم 2011]

في مدرسه حولوهم التحقيق و السبب ان خزان الماي في مدرستهم مفتوح و لقوا المفتشين فيه حمامه ميته

مادري شنو شغلتهم وزارة الصحه ووزارة التربيه !!؟؟
اهماااااااااااااال الى ابعد درجه

 

[ابلة غزالة]

ايه والله بنات وانا صاجه
لا تنصدمين اخت اخونها
قاهرتهم اذا تبين تتكلمين عن الاهمال عدي و خربطي اساليب اهمالهم وايد

انا عن نفسي عيالي احط لهم مطاره ماي صغيره يشربون منها و حذرتهم يشربون من المشارب حتى لو هي نظيفة

 

[بنات حواء2]

(كويتيه عسل)
حبيبتي صوره ترى مو صج
وسوري

ام مهند اي صح
انا قبل ايام الثانويه كل مانبطل بنشرب ماي يطلع لنه زيوي صغير ولا نمله و لا حشرات
صج صج لوعه من يومها ماقمت اشرب قمت اشتريلي بطل من الكفتيريا
بس حرام اليهال يتسممون من هلوصخ الله يسامحهم و هقوتي ان هلحجي مجرد كلام و رسميات ماتوقع في خطوه جديه


ابله غزاله
شفتي اشلون عيالنه يشربون ماي وفي حمامه ميته من امه تسمم سالمنويلا
مشكوره حبيبتي على مرورج
وياريت يهتمون في هجانب بحيث ان تصير المدرسه بيئه صحيه
ومثل ماقلتي اساليب الاهمال عدي و خربطي

اخت خوانها
منوره الموضوع حبيبتي
ترى انا كنت القا حشرات بالماي

وحيدة المشاعر
اي و الله صاجه المدارس القديمه بيلقون فيها بلاوي


شاطره منوره المووضوع حبيبتي


فراي
من صجج بطولي من البيت وياي بس ياحرام الطلبه الي يشربون من هالماي

قاهرتهم
صاجه و الله اهمال و يضر في صحة الطالب

منورين الموضوع حبايبي

 

[مشغوله و محتاسه]

الله يسامحج على الصورة ... أأأرف بصراحه


جان حاطه صورة واحد ظريف

:



المهم الخزانات مسئولية الجميع ... و الاساس المديرة و الوكيلات

و ترا حتى بالبيوت اتصير هالسوالف مو شي مستحيل .. بس لما راعي البيت يهمل الخزان سنين وما يغسله .. كيفه
لكن حرام تصير بالمدرسة عيال الناس امانه ..

حلو انهم انتبهو و نبهووو على هالموضوع وان شاء الله يكون في تجاوب من المديرات و المدراء

 

[بنات حواء2]

اي و الله صاجه المفروض يكون في صيانه دوريه و لا يتسممون عيالنه غير جذي ترا بعض الفطريات الي ممكن تطلع بالماي تسبب امراض جلديه صعب انها تتعالج و تاخذ وقت

بنسبه للظريف بيني و بينج عمره ماصار ظريف حتى لو ابتسم طول عمره بعيوني جذي

ههههههههههههه

 

[هيبة ملك]

وااااااااااااااي

بيلاقون بلاوووووووووووووووي

 

[بنات حواء2]

ههههههههههههه
هيبة ملك
اي و الله بلاوي
انا اتوقع كل انواع الحشرات و القوارض بيلقونها داخل

بس مادري هل هلكلام خطوه جديه
و لا كالعاده حجي و بس
ياريت يكون هشي جدي
لانه حرام عيالنه يصير فيهم جذي

 

[بنات حواء2]

ياخوفي يلقون عتوي منسدح داخل

 

[** رش رش **]

ان شاء الله تكون خطوة جديه مو مجرد كلام جرايد و تصريح من ضمن تصريحات وزارتنا الموقره في بدايه كل عام دراسي

 

[مشغوله و محتاسه]

شفيكم بنات شنو خطوة جدية ... اقصاه خزان ماي ... وترااا دااايما اهم يقولون و ينبهون


بس اللي ماعندهـ/ـا ضمير يطنش

تلقون بعض المديرات همها شلون تجمع فلوس و شلون ترز نفسها بالمنطقة و تتناسى الاساسيات


ترا التربية ... مدارس و مناطق تعليمية مو بس وزارة


لو المنطقة تقوم بدورها بعد و تفتش عالخزانات بشكل عشوائي مو يدقون قبل اسبوع ترا يايينكم @@ جان ما لقينا بلاوي بالمدارس




بنات حواء ... اسدج هذا ابرك الفففف مره من الصورة و حرام هذا حلووو لا تشبهينه بهذاك المرعب .... هههههههه

 

[PuPa^^SWeeT]

فعلا ممكن انلاقي



بس الله يهداج ليش الصورة

قولي اسمه و بس اتلوع جبدنا

 

[ذكريات عشاق]

ليش مايحطون ثلاجات الماي اللي قبل بالكلية
عرفتوها بنات اللي تحطين فيها 100 فلس ويطلعلج ماي بارد ونظيف وصحي